១

នគររបស់ខ្ញុំត្រូវបានសម្រេចទាំងស្រុងហើយ ហើយវាបានចុះមកក្នុងពិភពលោកនេះដោយបើកចំហរួចហើយ។ នេះបញ្ជាក់ថា ការជំនុំជម្រះរបស់ខ្ញុំបានមកដល់ទាំងស្រុងហើយ។ គ្រោះមហន្តរាយគ្រប់បែបយ៉ាង នឹងកើតឡើងជាបន្តបន្ទាប់។ គ្រប់ប្រទេស​ និងគ្រប់ទីកន្លែងទាំងអស់ នឹងជួបគ្រោះមហន្តរាយ៖ គ្រោះកាច គ្រោះទុរ្ភិក្ស គ្រោះទឹកជំនន់ គ្រោះរាំងស្ងួត និងគ្រោះរញ្ជួយដី កើតឡើងនៅគ្រប់ទីកន្លែង។ គ្រោះមហន្តរាយទាំងនេះមិនត្រឹមតែកើតឡើងតែមួយ​ ឬពីរកន្លែងប៉ុណ្ណោះទេ ហើយក៏នឹងមិនបញ្ចប់ទៅវិញត្រឹមមួយថ្ងៃ ឬពីរថ្ងៃនោះដែរ។ ផ្ទុយទៅវិញ គ្រោះមហន្តរាយទាំងនោះនឹង​រាលដាលកាន់តែ​ធំឡើង​ៗ​ក្នុង​តំបន់ ហើយកាន់តែធ្ងន់ធ្ងរទៅៗ។ អំឡុងពេលនេះ គ្រោះ​សត្វល្អិតចង្រៃគ្រប់ប្រភេទ នឹងកើតមានឡើងជាបន្តបន្ទាប់ ហើយបាតុភូតមនុស្សស៊ីសាច់មនុស្ស នឹងកើតមានឡើងគ្រប់ទីកន្លែង។ នេះគឺជាការជំនុំជម្រះរបស់ខ្ញុំលើបណ្ដាប្រទេស​និងប្រជាជាតិ​ដ៏ច្រើនអនេក​។

២

ព្រះនាមរបស់ខ្ញុំត្រូវតែពង្រីកទៅគ្រប់ទិសទី និងទៅគ្រប់ទីកន្លែងទាំងអស់ ដើម្បីឱ្យមនុស្សគ្រប់គ្នាអាចស្គាល់​ព្រះនាមដ៏បរិសុទ្ធរបស់ខ្ញុំ និងបានស្គាល់ខ្ញុំ​។ ព្រះនាមរបស់ខ្ញុំនឹងផ្សាយទៅកាន់តែទូលំទូលាយនៅពេល​គ្រោះមហន្តរាយ​កើតមានឡើង ហើយប្រសិនបើអ្នករាល់គ្នាមិនប្រុងប្រយ័ត្ននិងយកចិត្តទុក​ដាក់​​ទេ នោះអ្នកនឹងបាត់បង់ចំណែកស្របច្បាប់​របស់​អ្នករាល់គ្នា។ តើអ្នកមិនខ្លាចទេឬ? ព្រះនាមរបស់ខ្ញុំរីកសាយទៅគ្រប់សាសនា គ្រប់មជ្ឈដ្ឋាន​ គ្រប់ជាតិសាសន៍ និងគ្រប់និកាយទាំងអស់។ នេះគឺជាកិច្ចការរបស់ខ្ញុំដែលកំពុងធ្វើ​យ៉ាង​មានរបៀប​រៀបរយ​ ដោយជាប់ទាក់ទិនគ្នាយ៉ាងល្អ។ គ្រប់យ៉ាងសុទ្ធតែកើតចេញពីការរៀបចំប្រកបដោយព្រះប្រាជ្ញាញាណរបស់ខ្ញុំ។ ខ្ញុំគ្រាន់តែប្រាថ្នាឱ្យអ្នករាល់គ្នាអាចដើរតាមដានព្រះបាទារបស់ខ្ញុំយ៉ាងកៀកកិតទៅមុខ​គ្រប់ជំហានប៉ុណ្ណោះ​។

ដកស្រង់ពី «ព្រះសូរសៀងរបស់ព្រះគ្រីស្ទ កាលពីដើមដំបូង» ជំពូកទី ៦៥ នៃសៀវភៅ «ព្រះបន្ទូល» ភាគ១៖ ការលេចមក និងកិច្ចការរបស់ព្រះជាម្ចាស់