១

នគរព្រះគ្រីស្ទគឺជាផ្ទះដ៏កក់ក្ដៅរបស់ខ្ញុំ

វាជាកម្មសិទ្ធិរបស់រាស្ដ្ររបស់ព្រះជាម្ចាស់ទាំងអស់។

ព្រះគ្រីស្ទយាង និងមានបន្ទូលនៅក្នុងពួកជំនុំ

ហើយគង់នៅរួមគ្នាជាមួយយើង។

ការជំនុំជម្រះ និងការវាយផ្ចាលនៃព្រះបន្ទូលរបស់ព្រះជាម្ចាស់មាននៅទីនេះ

ក៏មានកិច្ចការរបស់ព្រះវិញ្ញាណបរិសុទ្ធដែរ។

គឺការស្រោចស្រព ការផ្គត់ផ្គង់ និងការណែនាំនៃព្រះបន្ទូលរបស់ព្រះជាម្ចាស់

ដែលធ្វើឱ្យជីវិតរបស់យើងរីកចម្រើន។

នេះជានគរដែលគ្រប់គ្រងដោយព្រះគ្រីស្ទ វាគឺជាពិភពលោកដ៏យុត្តិធម៌ និងសុចរិត។

នគរព្រះគ្រីស្ទគឺជាផ្ទះដ៏កក់ក្ដៅ។

៣

នគរព្រះគ្រីស្ទគឺជាផ្ទះដ៏កក់ក្ដៅរបស់ខ្ញុំ

វាជាទីស្រឡាញ់ណាស់ចំពោះរាស្ដ្ររបស់ព្រះជាម្ចាស់។

ព្រះបន្ទូលរបស់ព្រះជាម្ចាស់គ្រប់គ្រងនៅក្នុងពួកជំនុំ

យើងអនុវត្តសេចក្ដីពិត

ហើយគោរពព្រះគ្រីស្ទជាធំនៅក្នុងចិត្តរបស់យើង។

គ្មានការឈ្លោះប្រកែកគ្នា ឬការប្រើល្បិចកលដាក់គ្នាទៀតទេ

មិនចាំបាច់ការពារខ្លួន ឬភ័យខ្លាចឡើយ។

ព្រះគ្រីស្ទគឺជាកន្លែងសម្រាកសម្រាប់ព្រលឹងរបស់មនុស្ស

ខ្ញុំមិនចាំបាច់រសាត់អណ្ដែតទៀតទេ។

ទីនេះជានគរព្រះគ្រីស្ទដែលមនុស្សជាតិប្រាថ្នាចង់បាន

វាគឺជាគោលដៅដ៏ល្អរបស់ពួកគេ។

នគរព្រះគ្រីស្ទគឺជាផ្ទះដ៏កក់ក្ដៅ។

៣

នគរព្រះគ្រីស្ទគឺជាផ្ទះដ៏កក់ក្ដៅរបស់ខ្ញុំ

រាស្ដ្ររបស់ព្រះជាម្ចាស់ទាំងអស់ឱ្យតម្លៃវា។

នៅទីនេះ ខ្ញុំឆ្លងកាត់ការល្បងលរបស់ព្រះជាម្ចាស់

ហើយនិស្ស័យពុករលួយរបស់ខ្ញុំត្រូវបានសម្អាត និងផ្លាស់ប្ដូរ។

ព្រះគ្រីស្ទនៃគ្រាចុងក្រោយ សំណព្វដ៏គួរឱ្យស្រឡាញ់របស់យើង

យើងនឹងស្រឡាញ់ និងសរសើរតម្កើងព្រះអង្គជារៀងរហូត។

ព្រះបន្ទូលរបស់ព្រះជាម្ចាស់មាននៅទីនេះ

ក៏មានកិច្ចការរបស់ព្រះវិញ្ញាណបរិសុទ្ធដែរ។

នគរព្រះគ្រីស្ទគឺជាផ្ទះដ៏កក់ក្ដៅ។

រឿងរ៉ាវនៃការលូតលាស់ជីវិតរបស់ខ្ញុំមាននៅទីនេះ

ពាក្យខ្សឹបប្រាប់ព្រះជាម្ចាស់របស់ខ្ញុំក៏មាននៅទីនេះដែរ។

ការចងចាំដែលមិនអាចបំភ្លេចបានរបស់ខ្ញុំមាននៅទីនេះ

កំណត់ត្រានៃកម្លាំងញើសឈាមដែលព្រះជាម្ចាស់បានចំណាយ។

អ្វីៗគ្រប់យ៉ាងនៅទីនេះធ្វើឱ្យខ្ញុំរំជួលចិត្ត

ពាក្យសម្ដីមិនអាចសម្តែងចេញនូវអារម្មណ៍ស្មោះត្រង់ចេញពីចិត្តរបស់ខ្ញុំបានទេ។

នគរព្រះគ្រីស្ទគឺជាផ្ទះដ៏កក់ក្ដៅ។

ដកស្រង់ពី «ចូរដើរតាមកូនចៀម ហើយច្រៀងបទថ្មី»