ព្រះជាម្ចាស់កំពុងបំពេញកិច្ចការរបស់ទ្រង់ ក្នុងសកលលោកទាំងមូល

ហើយនៅទិសខាងកើត ក៏មានសូរផ្គរលាន់គ្រាំងៗឥតដាច់

បណ្ដាលឱ្យជាតិសាសន៍ និងគណៈនិកាយទាំងអស់ញាប់ញ័រ

គឺសូរសៀងរបស់ព្រះជាម្ចាស់នេះហើយ

ដែលបានដឹកនាំមនុស្សទាំងអស់មកកាន់ពេលបច្ចុប្បន្ននេះ

ព្រះជាម្ចាស់គួរធ្វើឱ្យមនុស្សទាំងអស់

ត្រូវផ្ចាញ់ដោយព្រះសូរសៀងរបស់ទ្រង់

ឱ្យគេធ្លាក់ទៅក្នុងផ្លូវទឹកហូរ រួចចុះចូលនឹងទ្រង់

ពីព្រោះទ្រង់បានយកសិរីល្អរបស់ទ្រង់ពីផែនដីមកវិញជាយូរមកហើយ

និងបានបញ្ចេញសិរីល្អជាថ្មី នៅឯទិសខាងកើត

តើនរណាខ្លះមិនចង់ឃើញសិរីល្អរបស់ព្រះជាម្ចាស់?

តើនរណាខ្លះមិនរង់ចាំការយាងត្រឡប់មកវិញរបស់ទ្រង់ដោយអន្ទះសា?

តើនរណាខ្លះមិនស្រេកឃ្លានចង់ឃើញការលេចមករបស់ទ្រង់?

តើនរណាខ្លះមិនប្រាថ្នាចង់បានសេចក្តីស្រឡាញ់របស់ទ្រង់?

តើនរណាខ្លះមិនអាចមករកពន្លឺបាន?

តើនរណាខ្លះមើលមិនឃើញភាពសម្បូរសប្បាយនៃទឹកដីកាណាន?

តើនរណាខ្លះមិនទន្ទឹងចាំការយាងត្រឡប់មកវិញនៃព្រះដ៏ប្រោសលោះ?

តើនរណាខ្លះដែលមិនស្រលាញ់ព្រះអង្គដែលមានព្រះចេស្ដាដ៏អស្ចារ្យ?

ព្រះសូរសៀងរបស់ព្រះជាម្ចាស់ នឹងត្រូវផ្សាយទៅពេញទាំងផែនដី

ទ្រង់នឹងបែរព្រះភ័ក្ដ្ររបស់ទ្រង់ ទៅរាស្ត្ររើសតាំងរបស់ទ្រង់

ហើយមានបន្ទូលជាច្រើនទៀតទៅកាន់ពួកគេ

ព្រះជាម្ចាស់ថ្លែងព្រះបន្ទូលរបស់ទ្រង់ ទៅកាន់សកលលោក

និងមនុស្សជាតិទាំងមូល

ដូចផ្គរលាន់សូរសន្ធឹក ដែលអង្រួនទាំងភ្នំ និងទន្លេ

អំណឹះតទៅ ព្រះបន្ទូលនៅក្នុងព្រះឱស្ឋរបស់ព្រះជាម្ចាស់

បានក្លាយជាកំណប់ទ្រព្យរបស់មនុស្ស

ហើយមនុស្សគ្រប់គ្នាក៏ត្រេកអរសប្បាយនឹងព្រះបន្ទូលរបស់ទ្រង់ដែរ

ផ្លេកបន្ទោរជះពន្លឺពីទិសខាងកើតទៅដល់ទិសខាងលិច

ព្រះបន្ទូលរបស់ព្រះជាម្ចាស់

គឺជាព្រះបន្ទូលដែលមនុស្សរារែកមិនចង់បោះបង់ចោល

ហើយក្នុងពេលជាមួយគ្នា គេក៏រកយល់មិនបានដែរ

ប៉ុន្តែគេត្រេកអរសប្បាយនឹងព្រះបន្ទូលកាន់ច្រើនឡើងៗ

មនុស្សគ្រប់ៗគ្នា ត្រេកអរសប្បាយ

ហើយសាទរចំពោះការយាងមកដល់របស់ព្រះជាម្ចាស់

គឺប្រៀបដូចជាទារកដែលទើបនឹងកើត

តាមរយៈព្រះសូរសៀងរបស់ទ្រង់

ទ្រង់នឹងនាំមនុស្សគ្រប់គ្នាមកចំពោះទ្រង់

ហេតុនេះ ព្រះជាម្ចាស់នឹងចូលទៅក្នុងចំណោមមនុស្សជាផ្លូវការ

ដើម្បីឱ្យពួកគេថ្វាយបង្គំទ្រង់

ដោយ​សិរី​ល្អ​ដែល​ទ្រង់​បញ្ចេញ និង​ព្រះ​បន្ទូល​នៅ​ក្នុង​ព្រះឱស្ឋ​ទ្រង់

ព្រះជាម្ចាស់នឹងធ្វើយ៉ាងណាឱ្យមនុស្សគ្រប់ៗគ្នាមកនៅចំពោះព្រះភក្រ្តទ្រង់

និងមើលឃើញផ្លេកបន្ទោរជះពន្លឺពីទិសខាងកើត

ពួកគេនឹងឃើញថាព្រះជាម្ចាស់

ក៏បានយាងចុះមកលើ «ភ្នំដើមអូលីវ» ដែលនៅទិសខាងកើត

ហើយ​ឃើញថាទ្រង់បានមកដល់ផែនដីជាយូរមកហើយ

ក៏មិនមែនជាកូនសាសន៍យូដាទៀតដែរ

ប៉ុន្តែជាផ្លេកបន្ទោរនៅទិសខាងកើត

ព្រះជាម្ចាស់បានចាកចេញពីក្នុងចំណោមមនុស្សជាតិ

ហើយក្រោយមក ក៏លេចមកជាថ្មីជាមួយនឹងសិរីល្អ ក្នុងចំណោមមនុស្ស

ព្រះជាម្ចាស់គឺជាទ្រង់ដែលទទួលបាន

ការថ្វាយបង្គំច្រើនសម័យកាលរាប់មិនអស់តាំងពីមុនមក

ហើយទ្រង់ក៏ជាទារកដែលពួកសាសន៍អ៊ីស្រាអែលបានបោះបង់ចោល

ជាច្រើនសម័យកាលរាប់មិនអស់តាំងពីមុនមកដែរ

លើសពីនេះ ទ្រង់គឺជាព្រះដ៏មានគ្រប់ព្រះចេស្តា

ពោរពេញដោយសិរីល្អក្នុងសម័យបច្ចុប្បន្ននេះ!

ចូរឱ្យមនុស្សទាំងអស់គ្នាចូលមកចំពោះបល្ល័ង្ករបស់ព្រះជាម្ចាស់

ហើយមើលឃើញព្រះភក្រ្តដ៏មានសិរីល្អរបស់ទ្រង់

ស្តាប់ព្រះសូរសៀងរបស់ទ្រង់

និងសម្លឹងមើលទៅឯស្នាព្រះហស្ដរបស់ទ្រង់

នេះគឺជាបំណងព្រះហឫទ័យទាំងស្រុងរបស់ទ្រង់

ជាទីបញ្ចប់ និងជាចំណុចកំពូលនៃផែនការរបស់ទ្រង់

ហើយក៏ជាគោលបំណងនៃការគ្រប់គ្រងរបស់ទ្រង់

ដើម្បីឱ្យមនុស្សគ្រប់ជាតិសាសន៍ថ្វាយបង្គំទ្រង់

ឱ្យមនុស្សគ្រប់ភាសាទទួលស្គាល់ទ្រង់

ឱ្យមនុស្សគ្រប់ៗគ្នាដាក់សេចក្ដីជំនឿរបស់គេមកលើទ្រង់

ហើយឱ្យមនុស្សគ្រប់ៗគ្នាចុះចូលនឹងទ្រង់!

ឱ្យមនុស្សគ្រប់ៗគ្នាដាក់សេចក្ដីជំនឿរបស់គេមកលើទ្រង់

ហើយឱ្យមនុស្សគ្រប់ៗគ្នាចុះចូលនឹងទ្រង់!

ឱ្យមនុស្សគ្រប់ៗគ្នាដាក់សេចក្ដីជំនឿរបស់គេមកលើទ្រង់

ហើយឱ្យមនុស្សគ្រប់ៗគ្នាចុះចូលនឹងទ្រង់!

ដកស្រង់ពី «ចូរដើរតាមកូនចៀម ហើយច្រៀងបទថ្មី»