ទីសម្គាល់នៃគ្រាចុងក្រោយ៖ ព្រះចន្ទក្រហមធំបំផុតនឹងលេចមកម្ដងទៀតនៅក្នុងឆ្នាំ២០២១

20-05-2021

កំណត់សម្គាល់អ្នកនិពន្ធ៖ នៅក្នុងប៉ុន្មានឆ្នាំថ្មីៗនេះ បាតុភូតនៅលើផ្ទៃមេឃ «ព្រះចន្ទក្រហម» បានលេចចេញឡើងជាញឹកញាប់។ គ្រោះមហន្ដរាយជាច្រើនដូចជា មេរោគរាតត្បាត រញ្ជួយដី និងគ្រោះទុរភិក្សកំពុងតែមានលក្ខណៈអាក្រក់ទៅៗ។ សេចក្ដីទំនាយរបស់ព្រះគម្ពីរអំពីគ្រាចុងក្រោយបានបំពេញរួចរាល់ហើយ ហើយថ្ងៃដ៏អស្ចារ្យ និងគួរឱ្យស្ញប់ស្ញែងបំផុតរបស់ព្រះយេហូវ៉ាកៀកនឹងចូលមកដល់ដែរ។ គ្រោះមហន្តរាយយ៉ាងធំពេលនេះកំពុងធ្លាក់មកលើពួកយើង ដូចនេះតើយើងគួរធ្វើយ៉ាងណាដើម្បីស្វាគមន៍ការយាងត្រលប់មកវិញរបស់ព្រះអម្ចាស់? អត្ថបទនេះបានបង្ហាញនូវចម្លើយសម្រាប់អ្នក។

នៅថ្ងៃទី២៦ ខែឧសភា ឆ្នាំ២០២១ ដូចដែលអ្នកជំនាញពាក់ព័ន្ធបានព្យាករណ៍ទុក នោះនឹងមានបាតុភូតក៏កម្រមួយដែលនឹងកើតឡើងនៅលើលំហរមេឃ៖ គឺជាចន្ទក្រហមដ៏ធំបំផុត ដែលជាបាតុភូតចន្ទក្រហមដ៏ធំផុតនៅឆ្នាំនេះ ដែលនឹងអាចមើលឃើញនៅក្នុងអំឡុងពេលនៃចន្ទគ្រាសទាំងមូល។ ព័ត៌មានទាក់ទិននឹងរឿងនេះបានលើកឡើងថា ពាក្យថា «ចន្ទធំបំផុត» គឺសំដៅលើពេលដែលចន្ទពេញវង់រំកិលចូលមកចំណុចជិតផែនដីបំផុត ដែលជាបន្ទាត់កៀកនឹងផែនដីបំផុត ដែលចំណុចនេះធ្វើឱ្យព្រះចន្ទមានអង្កត់ផ្ចិតធំជាងមុន១៤% លើសពីទំហំធម្មតារបស់វា ហើយពន្លឺរបស់វាក៏កើនឡើងច្រើនជាងមុន៣០%ផងដែរ វាជាព្រះចន្ទដែលធំបំផុត និងមូលបំផុតដែលគេអាចមើលឃើញដោយភ្នែកទទេបាន។ នៅថ្ងៃទី២៦ខែឧសភានៃឆ្នាំនេះ ចន្ទក្រហមនឹងកើតឡើងក្នុងអំឡុងពេលចន្ទគ្រាសពេញលេញ ដូចនេះវាក៏ត្រូវបានគេដាក់ឈ្មោះថាជាចន្ទក្រហមធំបំផុត ដែលវាកម្រនឹងបានឃើញណាស់នៅក្នុងការមើលតាមផ្នែកតារាសាស្រ្ដ។ តាមការពិត សញ្ញាដ៏អស្ចារ្យនានាដូចជា ចន្ទក្រហម និងចន្ទពេញវង់ធំផុតបានលេចចេញជាប្រចាំក្នុងប៉ុន្មានឆ្នាំនេះ ជាឧទាហរណ៍ចន្ទក្រហមនៅឆ្នាំ២០១១ និង២០១៣ ស៊េរីនៃចន្ទក្រហមទាំងបួនដែលបានលេចឡើងកាលពីឆ្នាំ២០១៤ និង២០១៥ ចន្ទខៀវនៅឆ្នាំ២០១៨ ដែលវាក៏បានកើតឡើងកាលពី១៥២ឆ្នាំមុនផងដែរ ហើយបាតុភូតចន្ទចចកក្រហមធំក៏ដែលបានកើតឡើងនៅថ្ងៃទី២១ខែមករា ឆ្នាំ២០១៩ ដែលបានរួមច្របាច់គ្នាក្នុងទិដ្ឋភាពតារាសាស្រ្តទាំងបីនៃចន្ទពេញវង់ធំបំផុត ចន្ទក្រហម និងចន្ទចចក ហើយវាក៏ត្រូវបានរាប់ថាជាអច្ឆរិយៈតារាសាស្ដ្រដ៏អស្ចារ្យបំផុតដែរ។

ព្យាការីជាច្រើនបានថ្លែងទំនាយថាការលេចឡើងនៃចន្ទក្រហមបានបង្ហាញពីភាពមិនធម្មតា និងព្រឹត្តិការណ៍អស្ចារ្យដែលនឹងកើតឡើង។ ហើយក៏មានអ្នកជំនាញផ្នែកព្រះគម្ពីរដែលបានជឿយ៉ាងមុតមាំដែរថាការលេចឡើងនៃចន្ទក្រហមគឺជាការចាក់បំពេញនៃការថ្លែងទំនាយក្នុងគម្ពីរយ៉ូអែល ២៖២៩-៣១៖ «ហើយ សូម្បីតែអ្នកបម្រើទាំងប្រុសស្រីនៅគ្រានោះ ក៏ខ្ញុំនឹងបង្ហូរនូវព្រះវិញ្ញាណរបស់ខ្ញុំលើពួកគេដែរ។ ហើយខ្ញុំនឹងបង្ហាញនូវការអស្ចារ្យនៅស្ថានសួគ៌ និងផែនដី គឺមានឈាមនិងភ្លើង ព្រមទាំងដុំផ្សែងផង។ ព្រះអាទិត្យនឹងត្រូវប្រែជាងងឹតសូន្យ ហើយព្រះចន្ទនឹងក្លាយជាឈាម គឺមុនថ្ងៃដ៏អស្ចារ្យនិងគួរឱ្យស្ញប់ស្ញែងរបស់ព្រះយេហូវ៉ាមកដល់។» ដូចគ្នាដែរ គម្ពីរវិវរណៈ ៦៖១២ ក៏បានចែងថា៖ «ហើយខ្ញុំបានឃើញទ្រង់បានបើកនូវក្រាំងទីប្រាំមួយ ហើយក៏បានឃើញថា មានរញ្ជួយផែនដីយ៉ាងខ្លាំង ហើយព្រះអាទិត្យក៏ប្រែក្លាយជាខ្មៅដូចសាច់ក្រណាត់ខ្មៅ រីឯព្រះចន្ទក៏ប្រែពណ៌ដូចជាឈាម។» «ថ្ងៃដ៏អស្ចារ្យនិងគួរឱ្យស្ញប់ស្ញែង» ត្រូវបានរៀបរាប់នៅក្នុងការថ្លែងទំនាយនៅក្នុងសៀវភៅយ៉ូអែលសំដៅលើគ្រោះមហន្តរាយដ៏ធំ។ យើងគ្រប់គ្នាបានឃើញគ្រោះមហន្ដរាយកំពុងរីករាលដាលយ៉ាងខ្លាំងក្នុងប៉ុន្មានឆ្នាំកន្លងទៅនេះ ដែលការកើតឡើងជាញឹកញាប់នេះមានដូចជា រញ្ជួយដី គ្រោះទុរភិក្ស គ្រោះកាច និងទឹកជំនន់ដែលពិតជាគួរឱ្យរន្ធត់ណាស់សម្រាប់យើងដែលបានជួបប្រទះនឹងវា។ ស្ថានភាពពិភពលោកកំពុងស្ថិតក្នុងភាពច្របូកច្របល់ និងផ្លាស់ប្ដូរជាបន្តបន្ទាប់ គឺមាននូវការផ្ទុះសង្គ្រាមជាញឹកញាប់ អំពើហឹង្សា និងការវាយប្រហាររបស់ភាវរៈករដែលនៅបន្ដកើនឡើង។ បរិយាកាសជុំវិញពិភពលោកគឺកំពុងតែក្ដៅទៅៗ ហើយស្ថានភាពអាកាសធាតុកាន់តែខ្លាំង ហើយហេតុការណ៍ចម្លែកៗផ្នែកតារាសាស្ត្រគ្រប់ប្រភេទក៏កំពុងតែកើតមានឡើងគ្រប់ពេលផងដែរ។ ទីសម្គាល់នៃគ្រាចុងក្រោយដែលបានថ្លែងទំនាយនៅក្នុងព្រះគម្ពីរត្រូវបានបើកបង្ហាញម្ដងមួយៗ ហើយគ្រោះមហន្តរាយយ៉ាងធំបានមកដល់ហើយ។ ដូចនេះ តើយើងគួរស្វាគមន៍ព្រះអម្ចាស់ និងការសង្គ្រោះរបស់ទ្រង់យ៉ាងដូចម្ដេច? ព្រះអម្ចាស់យេស៊ូវបានមានបន្ទូលថា៖ «ចៀមខ្ញុំស្គាល់សំឡេងខ្ញុំ ហើយខ្ញុំក៏ស្គាល់ពួកវាដែរ ហើយពួកវាក៏ដើរតាមខ្ញុំផង» (យ៉ូហាន ១០:២៧)។ «ខ្ញុំនៅមានសេចក្ដីជាច្រើនចង់ប្រាប់ដល់អ្នក ប៉ុន្តែពេលនេះអ្នកមិនអាចទទួលសេចក្ដីទាំងនេះបានទេ។ យ៉ាងណាមិញ កាលណាព្រះវិញ្ញាណនៃសេចក្ដីពិត ទ្រង់យាងមកដល់ នោះទ្រង់នឹងនាំអ្នកចូលទៅក្នុងសេចក្ដីពិតគ្រប់យ៉ាង» (យ៉ូហាន ១៦:១២-១៣)។ វាត្រូវបានថ្លែងទំនាយនៅកន្លែងជាច្រើននៅក្នុងចំពូក២ និង២ នៃគម្ពីរវិវរណៈ «អ្នកណាដែលមានត្រចៀក ចូរស្ដាប់ព្រះបន្ទូលដែលព្រះវិញ្ញាណថ្លែងទៅកាន់ក្រុមជំនុំទាំងអម្បាលម៉ានចុះ។» តាមរយៈការថ្លែងទំនាយទាំងនេះ យើងអាចមើលឃើញថាព្រះជាម្ចាស់នឹងមានព្រះបន្ទូលនៅគ្រាចុងក្រោយ ដើម្បីបន្សុទ្ធ និងសង្គ្រោះមនុស្ស ព្រមទាំងនាំមនុស្សចូលទៅក្នុងនគរព្រះ។ មានតែការស្ដាប់នូវព្រះសូរសៀងរបស់ព្រះជាម្ចាស់ប៉ុណ្ណោះ និងការចង់បាននិងចង់ស្វែងរកលក្ខណៈរបស់ព្រះ និងកិច្ចការនៃគ្រាចុងក្រោយប៉ុណ្ណោះ ទើបយើងអាចស្វាគមន៍ការយាងត្រលប់របស់ព្រះអម្ចាស់យេស៊ូវបាន ដោយមានឱកាសត្រូវបានសង្គ្រោះ និងប្រោសឱ្យបានគ្រប់លក្ខណ៍ពីព្រះជាម្ចាស់ ព្រមទាំងចូលទៅក្នុងទិសដៅដ៏ស្រស់ស្អាតជាមួយព្រះជាម្ចាស់។ បើមិនដូច្នោះទេ យើងនឹងបាត់បង់នូវសេចក្ដីសង្គ្រោះរបស់ព្រះជាម្ចាស់ ធ្លាក់ចូលទៅក្នុងគ្រោះមហន្តរាយនៃគ្រាចុងក្រោយ និងត្រូវបានលប់បំបាត់ ព្រមទាំងត្រូវដាក់ទោសផង។ នេះជាអ្វីដែលព្រះជាម្ចាស់មានព្រះបន្ទូលអំពីការនេះ៖

គ្រោះមហន្តរាយគ្រប់ប្រភេទនឹងកើតឡើងជាបន្តបន្ទាប់។ គ្រប់ជាតិសាសន៍ ហើយគ្រប់ទីកន្លែងទាំងអស់នឹងជួបគ្រោះភ័យ៖ គ្រោះចង្រៃ គ្រោះទុរ្ភិក្ស ទឹកជំនន់ ភាពរាំងស្ងួត និងការរញ្ជួយផែនដី កើតឡើងគ្រប់ទីកន្លែង។ គ្រោះមហន្តរាយទាំងនេះ មិនត្រឹមតែនឹងកើតឡើងតែមួយកន្លែង ឬពីរកន្លែងទេ ហើយគ្រោះទាំងអស់នេះ ក៏មិនកន្លងផុតទៅត្រឹមតែមួយថ្ងៃ ឬពីរថ្ងៃនោះដែរ ផ្ទុយទៅវិញ ពួកវានឹងរីករាលដាលកាន់តែធំទៅៗ ពេញទឹកពេញដី ហើយកាន់តែសាហាវទៅៗផង។ អំឡុងពេលនេះ គ្រោះសត្វល្អិតចង្រៃគ្រប់ប្រភេទ នឹងកើតឡើងជាបន្តបន្ទាប់ ហើយបាតុភូតនៃមនុស្សស៊ីសាច់មនុស្សនឹងកើតឡើងគ្រប់ទីកន្លែង។ នេះគឺជាការជំនុំជម្រះរបស់អញចំពោះជាតិសាសន៍ និងមនុស្សទាំងអស់។

ដកស្រង់ពី «ជំពូកទី ៦៥» ស្ដីពី ព្រះសូរសៀងរបស់ព្រះគ្រីស្ទ កាលពីដើមដំបូង នៅក្នុងសៀវភៅ ព្រះបន្ទូលលេចមកជាសាច់ឈាម

នៅក្នុងពិភពលោកដ៏ធំល្វឹងល្វើយ មានការផ្លាស់ប្ដូរជាច្រើនរាប់មិនអស់បានកើតឡើង ដូចជាមហាសមុទ្រនាំដីល្បាប់ចូលទៅក្នុងស្រែចំការចម្ការ ហើយស្រែចម្ការជន់ទឹកឡើងចូលទៅក្នុងមហាសមុទ្រម្ដងហើយម្ដងទៀត។ ក្រៅពីព្រះអង្គដែលគ្រប់គ្រងលើអ្វីៗទាំងអស់នៅក្នុងចក្រវាឡ គ្មាននរណាម្នាក់អាចដឹកនាំ និងណែនាំពូជមនុស្សនេះបានឡើយ។ គ្មាននរណាម្នាក់ខ្លាំងពូកែដែលធ្វើការងារ ឬក៏ធ្វើការរៀបចំសម្រាប់ពូជមនុស្សនេះទេ ព្រោះមានមនុស្សតិចតួចណាស់ដែលអាចដឹកនាំពូជមនុស្សនេះឆ្ពោះទៅកាន់គោលដៅនៃពន្លឺ និងរំដោះពួកគេពីភាពអយុត្តិធម៌នៅលើផែនដីនេះ។ ព្រះជាម្ចាស់សោយសោកចំពោះអនាគតរបស់មនុស្ស ទ្រង់ព្រួយព្រះហឫទ័យនៅពេលដែលមនុស្សធ្លាក់ចុះ ហើយទ្រង់ឈឺព្រះហឫទ័យដែលមនុស្សដើរមួយជំហានម្ដងៗទៅរកភាពពុករលួយ និងផ្លូវដែលមិនអាចត្រលប់ក្រោយវិញ បាន។ មនុស្សបានធ្វើឲ្យព្រះហឫទ័យរបស់ព្រះជាម្ចាស់ខ្ទេចខ្ទាំ និងបានបោះបង់ចោលទ្រង់ទៅស្វែងរកមេកំណាច៖ តើមាននរណាម្នាក់ធ្លាប់គិតពីទិសដៅដែលមនុស្សប្រភេទនេះអាចត្រូវបាននាំទៅដែរឬទេ? ប្រាកដណាស់ថា គឺដោយសារមូលហេតុនេះហើយបានជាគ្មាននរណាម្នាក់មានអារម្មណ៍ដឹងពីសេចក្ដីក្រោធរបស់ព្រះជាម្ចាស់ ហើយគ្មាននរណាម្នាក់ស្វែងរកវិធីដើម្បីផ្គាប់ដល់ព្រះហឫទ័យរបស់ព្រះជាម្ចាស់ ឬក៏ព្យាយាមចូលទៅជិតព្រះជាម្ចាស់ទេ ហើយលើសពីនោះទៅទៀត ដោយសារមូលហេតុនេះហើយបានជាគ្មាននរណាម្នាក់យល់ច្បាស់ពីការព្រួយព្រះហឫទ័យ និងការឈឺចាប់របស់ព្រះជាម្ចាស់។ ទោះបីជាក្រោយពេលដែលស្ដាប់ឮព្រះសូរសៀងរបស់ព្រះជាម្ចាស់ហើយក៏ដោយ ក៏មនុស្សនៅតែបន្ដដើរលើផ្លូវរបស់ខ្លួន នៅតែបន្ដវង្វេងចេញពីព្រះជាម្ចាស់ ដោយការគេចចេញពីព្រះគុណ និងការយកព្រះហឫទ័យទុកដាក់របស់ព្រះជាម្ចាស់ ព្រមទាំងគេចចេញពីសេចក្ដីពិតរបស់ទ្រង់ ដោយព្រមលក់ខ្លួនទៅឲ្យអារក្សសាតាំង ដែលជាខ្មាំងសត្រូវរបស់ព្រះជាម្ចាស់។ បើមនុស្សនៅក្បាលរឹងបែបនេះ តើព្រះជាម្ចាស់នឹងប្រព្រឹត្ដយ៉ាងណាចំពោះមនុស្សដែលបានបោះបង់ទ្រង់ចោល ដោយគ្មានងាកក្រោយសូម្បីតែបន្ដិច? គ្មាននរណាម្នាក់ដឹងឡើយថា មូលហេតុដែលនាំឲ្យទ្រង់រំឭក និងដាស់តឿនម្ដងហើយម្ដងទៀត នោះគឺដោយសារទ្រង់បានរៀបចំគ្រោះមហន្ដរាយមួយដែលមិនធ្លាប់មានពីមុនមកនៅក្នុងព្រះហស្ដទ្រង់ ជាគ្រោះមហន្ដរាយមួយដែលសាច់ឈាម និងព្រលឹងរបស់មនុស្សមិនអាចទ្រាំទ្របាននោះទេ។ គ្រោះមហន្ដរាយនេះមិនមែនគ្រាន់តែជាទណ្ឌកម្មនៃសាច់ឈាមប៉ុណ្ណោះទេ ប៉ុន្ដែក៏ជាទណ្ឌកម្មនៃព្រលឹងដែរ។ អ្នកត្រូវដឹងពីចំណុចនេះ៖ នៅពេលដែលផែនការរបស់ព្រះជាម្ចាស់បរាជ័យ ហើយនៅពេលដែលការរំឭក និងការដាស់តឿនរបស់ទ្រង់គ្មានការឆ្លើយតប តើទ្រង់នឹងសម្ដែងសេចក្ដីក្រោធប្រភេទណាទៅ? គឺសេចក្ដីក្រោធដែលមិនធ្លាប់មានអ្នកជួបប្រទះ ឬក៏ធ្លាប់ឮពីមុនមកទេ។ ដូច្នេះហើយបានជាខ្ញុំនិយាយថា គ្រោះមហន្ដរាយនេះមិនធ្លាប់មានពីមុនមកទេ ហើយក៏នឹងមិនកើតឡើងម្ដងទៀតដែរ។ ដ្បិតផែនការរបស់ព្រះជាម្ចាស់ គឺបង្កើតមនុស្សជាតិតែមួយដង និងសង្គ្រោះមនុស្សជាតិតែមួយដងនេះប៉ុណ្ណោះ។ នេះគឺជាលើកដំបូង ហើយក៏ជាលើកចុងក្រោយដែរ។ ដូច្នេះហើយ គ្មាននរណាម្នាក់អាចយល់ពីបំណងព្រះហឫទ័យក្នុងការទទួលយកការឈឺចាប់ និងការគិតទុកជាមុនដ៏ក្លៀវក្លា ដែលព្រះជាម្ចាស់ជួយសង្គ្រោះមនុស្សនៅគ្រានេះទេ។

ដកស្រង់ពី «ព្រះជាម្ចាស់គឺជាប្រភពនៃជីវិតមនុស្ស» នៅក្នុងសៀវភៅ ព្រះបន្ទូលលេចមកជាសាច់ឈាម

កិច្ចការរបស់ព្រះជាម្ចាស់បាចសាចទៅមុខ ប្រៀបដូចជាទឹករលកដ៏ធំសម្បើម។ គ្មាននរណាម្នាក់អាចឃាត់ឃាំងទ្រង់បានឡើយ ហើយក៏គ្មាននរណាម្នាក់អាចបញ្ឈប់ដំណើររបស់ទ្រង់បានដែរ។ មានតែអស់អ្នកណាដែលស្ដាប់បន្ទូលរបស់ទ្រង់ដោយយកចិត្តទុកដាក់ និងអស់អ្នកដែលស្វែងរក ហើយស្រេកឃ្លានចង់បានទ្រង់ប៉ុណ្ណោះ ទើបអាចដើរតាមស្នាមព្រះបាទារបស់ទ្រង់ និងទទួលសេចក្ដីសន្យារបស់ទ្រង់បាន។ អ្នកដែលមិនស្ដាប់តាមទ្រង់ នឹងត្រូវជួបគ្រោះមហន្តរាយយ៉ាង ច្រើនសន្ធឹក និងត្រូវទទួលទោសដែលស័ក្តិសមបំផុត។

ដកស្រង់ពី «ព្រះជាម្ចាស់គ្រប់គ្រងលើវាសនា របស់មនុស្សលោកទាំងអស់» នៅក្នុងសៀវភៅ ព្រះបន្ទូលលេចមកជាសាច់ឈាម

តើយើងគួរអធិស្ឋានយ៉ាងដូចម្ដេច ដើម្បីឲ្យព្រះជាម្ចាស់ទ្រង់សណ្ដាប់? សូមទាក់ទងមកកាន់យើងខ្ញុំ ដើម្បីស្វែងរកដំណោះស្រាយ។

ខ្លឹមសារ​ពាក់ព័ន្ធ

ការប្រឈមនឹងគ្រោះមហន្តរាយញឹកញាប់ តើយើងអាចស្វាគមន៍ការយាងត្រលប់មកវិញរបស់ព្រះអម្ចាស់ដោយរបៀបណា?

ដោយ អាន យ័ន ជនជាតិភីលីពីន កាលពីពីរពាន់ឆ្នាំមុន អ្នកដើរតាមព្រះអម្ចាស់បានសួរព្រះយេស៊ូវថា «តើទីសម្គាល់នៃការយាងមករបស់ទ្រង់...

ទីសម្គាល់នៃពេលបញ្ចប់ត្រូវបានឃើញហើយ៖ តើពួកយើងគួរតែស្វែងរកការលេចមករបស់ព្រះជាម្ចាស់យ៉ាងដូចម្ដេច?

នៅពេលដែលពួកយើងនិយាយអំពីមនុស្សជាតិនៅជំនាន់របស់ណូអេ នោះគ្រប់គ្នាដឹងថា ការសម្លាប់និងការបង្កអគ្គិភ័យ ការប្លន់និងការលួច ព្រមទាំងភាពមិនរើសមុខ...