សេចក្ដីក្រើនរំលឹកបីយ៉ាង

ក្នុងនាមជាអ្នកជឿលើព្រះជាម្ចាស់ ឯងគប្បីត្រូវមានភក្ដីភាព ចំពោះព្រះជាម្ចាស់តែមួយអង្គគត់នៅក្នុងកិច្ចការគ្រប់យ៉ាង ហើយស្របតាមព្រះហឫទ័យរបស់ព្រះជាម្ចាស់ នៅក្នុងកិច្ចការ គ្រប់យ៉ាងទាំងនោះ។ យ៉ាងណាក៏ដោយ ទោះបីជាមនុស្សគ្រប់រូប យល់ពីសារនេះក៏ដោយ ដោយសារតែ ភាពលំបាកផ្សេងៗរបស់មនុស្ស ភាពអវិជ្ជា ភាពល្ងង់ខ្លៅ និងភាពខូចអាក្រក់ជាដើម ទើបសេចក្ដីពិតទាំងនេះ ដែលងាយនឹងមើលឃើញបំផុត និងជាមូលដ្ឋានចាំបាច់ នៃកិច្ចការគ្រប់យ៉ាង មិនឃើញមាននៅក្នុងខ្លួនពួកគេទាំងស្រុងឡើយ។ ហេតុដូច្នេះ មុននឹងទីបញ្ចប់របស់ឯងរាល់គ្នា ត្រូវបានកំណត់ អញគួរតែប្រាប់ឯងរាល់គ្នា នូវរឿងមួយចំនួន ដែលមានសារៈសំខាន់បំផុត ចំពោះឯងរាល់គ្នាជាមុនសិន។ មុននឹងអញបន្ត ឯងរាល់គ្នា គប្បីត្រូវយល់អំពីសេចក្ដីនេះសិន គឺថាដែលអញ និយាយ គឺជាសេចក្តីពិតដែលសំដៅលើមនុស្សជាតិ គ្រប់រូប។ ពាក្យសម្តីទាំងនេះ មិនសំដៅទៅលើតែចំពោះបុគ្គល ឬប្រភេទនៃមនុស្សជាក់លាក់ណាមួយនោះទេ។ ដូច្នេះ ឯងរាល់គ្នា គប្បីត្រូវផ្តោតការយល់ដឹងលើពាក្យសម្តីរបស់អញ តាមទស្សនៈនៃសេចក្តីពិត ហើយត្រូវតែមានឥរិយាបទ ដែលមានការយកចិត្តទុកដាក់ មិនបែងចែក និង មានភាពស្មោះត្រង់។ ហេតុនេះហើយ កុំព្រងើយកន្តើយនឹងពាក្យសម្តី ឬសេចក្តីពិតដែលអញ និយាយសូម្បីមួយពាក្យឡើយ ហើយមិនត្រូវមើលស្រាលលើរាល់ពាក្យសម្តីទាំងអស់ ដែលអញនិយាយឡើយ។ នៅក្នុងជីវិតរបស់ឯងរាល់គ្នា អញឃើញ ថាឯងរាល់គ្នាបានធ្វើអ្វីៗជាច្រើន ដែលមិនទាក់ទង នឹងសេចក្ដីពិត ហេតុដូច្នេះអញ សូមស្នើយ៉ាងជាក់លាក់ ឱ្យឯងរាល់គ្នាក្លាយជាអ្នកបម្រើនៃសេចក្តីពិត ស្នើឲ្យឯងកុំឲ្យភាពកំណាច និងសេចក្តីអាក្រក់គ្រប់គ្រងលើឯងបាន និងហេតុដូច្នេះ កុំឲ្យឯងជាន់ឈ្លីលើសេចក្តីពិត ឬប្រមាថ ជ្រុងណាមួយនៃព្រះដំណាក់ របស់ព្រះជាម្ចាស់ឡើយ។ នេះជា សេចក្ដីក្រើនរំលឹករបស់អញ ចំពោះឯងរាល់គ្នា។ ឥឡូវនេះ អញនឹងនិយាយ អំពីប្រធានបទនៃសេចក្ដីពិតទាំងនេះ។

ទីមួយ ដើម្បីជាប្រយោជន៍នៃ វាសនារបស់ឯងរាល់គ្នា នោះឯងរាល់គ្នា គប្បីត្រូវស្វែងរក ការយល់ព្រមអំពីព្រះជាម្ចាស់។ នេះគឺមាន ន័យថា ដោយសារឯងរាល់គ្នា ទទួលស្គាល់ថា ឯងជាសមាជិកម្នាក់ នៃព្រះដំណាក់របស់ព្រះជាម្ចាស់ នោះឯងរាល់គ្នា គប្បីធ្វើឲ្យព្រះហប្ញទ័យរបស់ព្រះជាម្ចាស់ ស្ងប់សុខ ហើយបំពេញតាមព្រះ ហឫទ័យទ្រង់ នៅក្នុងគ្រប់កិច្ចការទាំងអស់។ និយាយ ម៉្យាងទៀត ឯងត្រូវតែមានគោលការណ៍ក្នុងគ្រប់ទង្វើរបស់ឯង ហើយអនុលោមតាមសេចក្តីពិតនៅក្នុងទង្វើទាំងនោះ។ ប្រសិនបើឯង ធ្វើរឿងនេះមិនបាន នោះឯង នឹងត្រូវព្រះជាម្ចាស់ស្អប់ខ្ពើម និង បដិសេធចោល ហើយនឹងត្រូវមនុស្សគ្រប់រូបច្រានចេញមិនខាន។ នៅពេលដែលឯង បានធ្លាក់ចូលទៅ ក្នុងស្ថានភាពលំបាកបែបនេះ ឯង មិនអាចត្រូវបានរាប់បញ្ចូលចូល ជាសមាជិកក្នុងដំណាក់របស់ព្រះជាម្ចាស់បានទេ ដែលនេះជា អត្ថន័យនៃការ ដែលមិនទទួលបានការយល់ព្រមពីព្រះជាម្ចាស់។

"ទីពីរ ឯងរាល់គ្នា ត្រូវដឹងថាព្រះជាម្ចាស់ សព្វព្រះហឫទ័យនឹងមនុស្សទៀងត្រង់។ ធាតុពិត ព្រះជាម្ចាស់ គឺស្មោះត្រង់ ហេតុដូច្នេះព្រះបន្ទូលរបស់ព្រះអង្គ តែងតែអាចទុកចិត្តបានជានិច្ច។ លើសពីនេះទៅទៀត ទង្វើរបស់ព្រះជាម្ចាស់ គឺគ្មានកំហុស និងមិនអាចប្រកែកបានឡើយ ដែលនេះជាមូលហេតុ នាំឱ្យព្រះជាម្ចាស់ សព្វព្រះហឫទ័យនឹងមនុស្សទាំងឡាយដែលស្មោះត្រង់នឹងទ្រង់។ ភាពស្មោះត្រង់ គឺមានន័យថា ឯងប្រគល់ដួងចិត្តរបស់ឯង ថ្វាយដល់ព្រះជាម្ចាស់ មានភាពស្មោះត្រង់ពិតប្រាកដចំពោះព្រះជាម្ចាស់ ក្នុងកិច្ចការគ្រប់យ៉ាង មិនលាក់បាំងសេចក្ដីពិត មិនព្យាយាមបោកបញ្ឆោត អ្នកដែលនៅ ខាងលើ និងខាងក្រោមឯង ហើយមិនធ្វើអ្វីដែលគ្រាន់តែ ដើម្បីចង់បានការគាំទ្រពីព្រះជាម្ចាស់។ សរុបសេចក្ដីមក ដើម្បីមានភាពស្មោះត្រង់ គឺត្រូវមានភាពបរិសុទ្ធនៅក្នុងទង្វើ និងពាក្យសម្ដីរបស់ឯង ហើយក៏មិនបោកបញ្ឆោតព្រះជាម្ចាស់ និងមនុស្សទាំងឡាយដែរ។ អ្វីដែលអញ និយាយ គឺងាយស្រួលណាស់ ប៉ុន្តែចំពោះឯង វិញ វាពិបាកក្រៃលែង ព្រោះមនុស្សជាច្រើនសុខចិត្តឲ្យគេដាក់ទោស ទៅកាន់ឋាននរកជាជាងការនិយាយ និងប្រព្រឹត្ដិដោយស្មោះត្រង់។

គ្មានអ្វីប្លែកទេដែលអញមាន ការតបស្នងផ្សេងទៀតនៅក្នុងដៃរបស់អ្នកដែលមិនស្មោះត្រង់។ ជាការពិត អញដឹងយ៉ាងច្បាស់ថាតើវាពិបាកយ៉ាងណាសម្រាប់ឯងរាល់គ្នា ដើម្បីឲ្យមានភាពស្មោះត្រង់។ ដោយសារតែឯងរាល់គ្នាមានភាពឆ្លាតវៃទាំងអស់គ្នា ហេតុដូច្នេះឯងរាល់គ្នាពូកែខាងការវាស់ស្ទង់មនុស្ស ដោយប្រើគោលការណ៍ថ្នាក់ទាបផ្ទាល់ខ្លួនរបស់ឯងរាល់គ្នា ដែលនេះធ្វើឱ្យការងាររបស់អញមានភាពសាមញ្ញច្រើន។ ហើយចាប់តាំងពីឯងរាល់គ្នាឱបអាថ៌កំបាំងរបស់ខ្លួននៅក្នុងដើមទ្រូងរបស់ឯងរាល់គ្នា ហេតុដូច្នេះអញនឹងបញ្ជូនឯងរាល់គ្នាម្តងមួយៗចូលទៅក្នុងគ្រោះមហន្តរាយ ដើម្បីឲ្យទទួលបាន ""ការអប់រំ"" ដោយភ្លើង ហេតុដូច្នេះនៅក្នុងពេលក្រោយមក ឯងរាល់គ្នាអាចនឹងស្លាប់ចិត្ដនៅក្នុងជំនឿលើពាក្យសម្ដីរបស់អញ។ នៅទីបំផុត អញនឹងឮពាក្យសម្ដីចេញពីមាត់របស់ឯងរាល់គ្នាថា “ព្រះជាម្ចាស់ជាព្រះដ៏ស្មោះត្រង់” ដែលឯងរាល់គ្នានឹងទះទ្រូង និងវាចាដោយកំសត់ថា “ភាពពុតត្បុត គឺជាបេះដូងរបស់មនុស្ស!”។ តើអ្វីទៅជាសណ្ឋាននៃចិត្តរបស់ឯងរាល់គ្នា នៅពេលនេះ? អញនឹកស្រម៉ៃថា ឯងរាល់គ្នា នឹងមិនមានភាពជោគជ័យដូចនៅពេលឥឡូវនេះទេ។ ហើយឯងនឹងមិនសូវមាន “ភាពជ្រាលជ្រៅ និងភាពងងឹតងងល់” ដូចឯងនៅពេលឥឡូវនេះទេ។ ក្រោមវត្តមាននៃព្រះជាម្ចាស់ មនុស្សមួយចំនួនសុទ្ធតែមាន លក្ខណៈសមសួននិងត្រឹមត្រូវ។ ពួកគេទទួលរងការឈឺចាប់ ដើម្បីមាន “អាកប្បកិរិយាល្អ” ប៉ុន្ដែពួកគេហ៊ានយកចង្គូម និងប្រើក្រញាំរបស់ពួកគេនៅចំពោះមុខវត្ដមាននៃព្រះវិញ្ញាណ។ តើឯងនឹងរាប់បញ្ចូលមនុស្សបែបនេះ ក្នុងចំណោមជួរនៃមនុស្សស្មោះត្រង់បានដែរឬទេ? ប្រសិនបើឯងរាល់គ្នាជាមនុស្សលាក់ពុតដែលមានជំនាញក្នុង “ទំនាក់ទំនងរវាងបុគ្គល” នោះអញនិយាយថា ឯងពិតជាមនុស្សម្នាក់ដែលព្យាយាមលេងសើចនឹងព្រះជាម្ចាស់។ ប្រសិនបើពាក្យសម្តីរបស់ឯងរអាក់រអួលជាមួយនឹងការដោះសារ និងយុត្តិកម្មដែលគ្មានតម្លៃ នោះអញនិយាយថាឯងជាមនុស្សដែលស្អប់ខ្ពើមក្នុងការអនុវត្តសេចក្តីពិត។ ប្រសិនបើឯងមានការសម្ងាត់ច្រើនដែលមិនចង់ចែករំលែក ប្រសិនបើឯងមិនពេញចិត្តក្នុងការលាតត្រដាងអាថ៌កំបាំងរបស់ឯង ការលំបាករបស់ឯង ចំពោះមុខអ្នកដទៃ ដើម្បីស្វែងរកផ្លូវនៃពន្លឺទេ នោះអញនិយាយថាឯងជាមនុស្ស ដែលមិនទទួលបានការសង្គ្រោះដោយងាយទេ ហើយនឹងមិនងាយចេញផុតពីភាពងងឹតបានឡើយ។ ប្រសិនបើការស្វែងរកផ្លូវនៃសេចក្តីពិត ធ្វើឲ្យឯងពេញចិត្ត នោះឯងជាមនុស្សម្នាក់ដែលតែងតែរស់នៅក្នុងពន្លឺជានិច្ច។ ប្រសិនបើឯងសប្បាយចិត្តខ្លាំង នៅពេលដែលបានធ្វើជាអ្នកបម្រើនៅក្នុងដំណាក់នៃព្រះជាម្ចាស់ បំពេញការងារដោយភាពឧស្សាហ៍ព្យាយាម និងមានមនសិការនៅក្នុងភាពងងឹត តែងតែផ្តល់ និងមិនដែលទទួលយកវិញ នោះអញនិយាយថាឯងជាបុគ្គលបរិសុទ្ធ ដោយភក្ដីភាព ពីព្រោះឯងមិនស្វែងរករង្វាន់តបស្នង ហើយនិយាយដោយសាមញ្ញ ជាមនុស្សម្នាក់ដែលស្មោះត្រង់។ ប្រសិនបើឯងមានឆន្ទៈក្នុងការនិយាយ ដោយស្មោះត្រង់ ប្រសិនបើឯងមានឆន្ទៈក្នុងការចំណាយអ្វីៗទាំងអស់របស់ឯង ប្រសិនបើឯងអាចបូជាជីវិតរបស់ឯងសម្រាប់ព្រះជាម្ចាស់ និងឈរយ៉ាងរឹងមាំក្នុងទីបន្ទាល់របស់ឯង ប្រសិនបើឯងមានភាពស្មោះត្រង់ក្នុងកម្រិតដែលឯងត្រឹមតែដឹង​ថា ដើម្បីបំពេញតាមព្រះហឫទ័យព្រះជាម្ចាស់ និងមិនគិតអំពីខ្លួនឯង ឬទាមទារយកសម្រាប់ខ្លួនឯងនោះឡើយ នោះអញនិយាយថាមនុស្សបែបនេះគឺជាមនុស្សដែលត្រូវបានចិញ្ចឹមដោយពន្លឺ និងជាមនុស្សដែលត្រូវរស់នៅជារៀងរហូតក្នុងនគរ។ ឯងគប្បីដឹងថាតើមានជំនឿពិត និងភក្ដីភាពពិតនៅក្នុងខ្លួនរបស់ឯងដែរឬទេ តើឯងមានកំណត់ត្រានៃការរងទុក្ខ ដើម្បីព្រះជាម្ចាស់ដែរឬទេ និងថាតើឯងបានប្រគល់ខ្លួនទាំងមូលដល់ព្រះជាម្ចាស់ដែរឬទេ។ ប្រសិនបើឯងខ្វះខាតនូវរបស់ទាំងនេះ នោះនៅក្នុងខ្លួនឯងមានតែការមិនស្តាប់បង្គាប់ ការបោកប្រាស់ ការលោភលន់ និងការស្ដីបន្ទោសប៉ុណ្ណោះ។ ដោយសារចិត្តរបស់ឯងនៅឆ្ងាយពីភាពស្មោះត្រង់ ឯងមិនដែលបានការទទួលស្គាល់ជាវិជ្ជមានពីព្រះជាម្ចាស់ឡើយ និងមិនដែលបានរស់នៅក្នុងពន្លឺនោះទេ។ ជោគវាសនារបស់មនុស្សម្នាក់នឹងក្លាយទៅជាយ៉ាងណានៅទីបញ្ចប់ក្រោយពេលដែលពួកគេមានចិត្តស្មោះត្រង់ និងឈាមក្រហម និងក្រោយពេលដែលពួកគេមានដួងព្រលឹងបរិសុទ្ធ។ ប្រសិនបើឯងជាមនុស្សម្នាក់ដែលគ្មានភាពស្មោះត្រង់ខ្លាំង ជាមនុស្សដែលមានចិត្តនៃការព្យាបាទ ជាមនុស្សដែលមានដួងព្រលឹងមិនស្អាត នោះឯងប្រាកដជាត្រូវបញ្ចប់នៅទីកន្លែងដែលមនុស្សត្រូវបានដាក់ទណ្ឌកម្មទៅតាមអំពើដែលត្រូវបានកត់ត្រាក្នុងកំណត់ត្រានៃជោគវាសនារបស់ឯង។ ប្រសិនបើឯងអះអាងថា ឯងជាមនុស្សស្មោះត្រង់ណាស់ ប៉ុន្ដែមិនរៀបចំការប្រព្រឹត្ដិទៅតាមសេចក្តីពិត ឬនិយាយពាក្យសម្ដីទៅតាមសេចក្ដីពិតនោះទេ តើឯងនៅតែរង់ចាំព្រះជាម្ចាស់ប្រទានរង្វាន់ដល់ឯងមែនទេ? តើឯងនៅតែសង្ឃឹមថាព្រះជាម្ចាស់ចាត់ទុកឯងជាវត្ថុសំខាន់ ក្នុងកែវព្រះនេត្ររបស់ព្រះជាម្ចាស់មែនទេ? តើការគិតបែបនេះគឺមិនសមហេតុផលទេមែនទេ? ឯងបំភ័ន្ដព្រះជាម្ចាស់ក្នុងកិច្ចការគ្រប់យ៉ាងទាំងអស់ តើព្រះដំណាក់នៃព្រះជាម្ចាស់អាចផ្ដល់ជាកន្លែងស្នាក់អាស្រ័យដល់បុគ្គលដូចជាឯង ដែលមានដៃកខ្វក់បែបហ្នឹងដូចម្ដេចបាន?"

រឿងទីបីដែលអញចង់ប្រាប់ឯងរាល់គ្នាគឺដូច្នេះ៖ នៅក្នុងដំណើរជីវិតនៃការរស់នៅរបស់មនុស្សគ្រប់រូប​ ដែលមានជំនឿលើព្រះជាម្ចាស់ ពួកគេបានធ្វើកិច្ចការដែលប្រឆាំង និងបោកបញ្ឆោតព្រះជាម្ចាស់។ អំពើអាក្រក់ខ្លះ គឺមិនចាំបាច់កត់ត្រាថាជាបទល្មើសទេ ប៉ុន្ដែខ្លះទៀតមិនអាចលើកលែងទោសបានឡើយ។ មានអំពើជាច្រើនដែលរំលោភបញ្ញត្ដិរដ្ឋបាលដែលនេះជាការប្រមាថដល់និស្ស័យរបស់ព្រះជាម្ចាស់។ មនុស្សជាច្រើនដែលព្រួយបារម្ភអំពីជោគវាសនារបស់ពួកគេផ្ទាល់អាចចោទសួរថាតើអំពើទាំងនោះមានអ្វីខ្លះ។ ឯងរាល់គ្នាគប្បីដឹងថា ឯងរាល់គ្នាជាមនុស្សក្រអើតក្រទម និងឆ្មើងឆ្មៃពីកំណើតមក និងមិនមានឆន្ទៈក្នុងការប្រគល់ខ្លួនចំពោះសេចក្ដីពិតទេ។ ក្នុងហេតុផលនេះ អញនឹងប្រាប់ឯងរាល់គ្នាបន្តិចម្តងៗបន្ទាប់ពីឯងរាល់គ្នាបានឆ្លុះបញ្ចាំងឃើញដោយខ្លួនឯង។ អញសូមដាស់តឿនឯងរាល់គ្នាឲ្យបានយល់ច្បាស់អំពីខ្លឹមសារនៃបញ្ញត្ដិរដ្ឋបាល និងឱ្យខិតខំប្រឹងប្រែងដើម្បីយល់ដឹងអំពីនិស្ស័យរបស់ព្រះជាម្ចាស់។ បើមិនដូច្នោះទេ ឯងរាល់គ្នានឹងពិបាកក្នុងការរក្សាបបូរមាត់ឲ្យបិទជិត អណ្តាតរបស់ឯងរាល់គ្នានឹងគ្រលាស់ដោយសេរីជាមួយនឹងការនិយាយដោយបន្លឺសំឡេងខ្លាំងៗ ហើយឯងរាល់គ្នានឹងបំពានចំពោះនិស្ស័យរបស់ព្រះជាម្ចាស់ដោយមិនដឹងខ្លួន ព្រមទាំងធ្លាក់ចូលទៅក្នុងភាពងងឹត បាត់បង់វត្តមាននៃព្រះវិញ្ញាណបរិសុទ្ធ និងពន្លឺផងដែរ។ ដោយសារតែឯងរាល់គ្នា គ្មានគោលការណ៍នៅក្នុងសកម្មភាពរបស់ខ្លួន ដោយសារតែឯងម្នាក់ៗធ្វើ និងនិយាយអ្វីដែលឯងមិនគួរធ្វើ ឯងនឹងទទួលការដាក់ទោសវិញដោយសក្តិសម។ ឯងគប្បីដឹងថា ទោះបីជាឯងគ្មានគោលការណ៍នៅក្នុងពាក្យសម្ដី និងការប្រព្រឹត្ដិក៏ដោយ តែព្រះជាម្ចាស់មានគោលការណ៍ខ្ពស់នៅក្នុងកិច្ចការទាំងពីរយ៉ាងនេះ។ មូលហេតុដែលឯង ទទួលការដាក់ទោសនេះ គឺដោយសារតែឯងបានល្មើសនឹងព្រះជាម្ចាស់ មិនមែនបុគ្គលណាម្នាក់ទេ។ ប្រសិនបើនៅក្នុងជីវិតរបស់ឯង ឯងប្រព្រឹត្ដអំពើល្មើសច្រើនប្រឆាំងនឹងនិស្ស័យរបស់ព្រះជាម្ចាស់ នោះឯងត្រូវបានចងភ្ជាប់ទៅក្នុងការក្លាយខ្លួនជាកូន នៃនរក។ ចំពោះមនុស្ស វាអាចលេចឡើងថាឯងបានប្រព្រឹត្ដិអំពើមួយចំនួនតូចដែលខុសឆ្គងនឹងសេចក្ដីពិត និងគ្មានអ្វីលើសពីនេះទៀតទេ។ ថ្វីបើបែបនេះក៏ដោយ តើឯងដឹងទេថានៅក្នុងព្រះនេត្ររបស់ព្រះជាម្ចាស់ ឯងបានក្លាយខ្លួនជាមនុស្សម្នាក់ដែលបានរួចពីអំពើបាបហើយ? ដោយសារតែឯងបានរំលោភបញ្ញត្ដិរដ្ឋបាលរបស់ព្រះជាម្ចាស់ច្រើនជាងមួយដង ហើយលើសពីនេះទៅទៀត ឯងមិនបានបង្ហាញពីសញ្ញានៃការសោកស្ដាយឡើយ ហេតុដូច្នេះគ្មានអ្វីជាគ្រឿងពឹងអាស្រ័យផ្សេងសម្រាប់ឯងឡើយ គឺមានតែត្រូវធ្លាក់ចូលទៅក្នុងឋាននរកដែលជាទីកន្លែងសម្រាប់ព្រះជាម្ចាស់ដាក់ទោសមនុស្សតែប៉ុណ្ណោះ។ មនុស្សមួយចំនួនតូចដែលគោរពតាមព្រះជាម្ចាស់ បានប្រព្រឹត្ដអំពើមួយចំនួនដែលរំលោភនឹងគោលការណ៍ ប៉ុន្តែបន្ទាប់ពីបានដោះស្រាយ និងផ្តល់ការណែនាំដល់ពួកគេ ពួកគេបានរកឃើញបន្ដិចម្ដងៗនូវអំពើពុករលួយផ្ទាល់ខ្លួនរបស់ពួកគេ ហើយបន្ទាប់មកទៀតបានដើរលើផ្លូវត្រូវនៃភាពពិត ហើយពួកគេរក្សាបាននូវជំហររឹងមាំដូចសព្វថ្ងៃនេះ។ មនុស្សបែបនេះ គឺជាបុគ្គលដែលនឹងត្រូវបន្ដរស់នៅដល់ទីបញ្ចប់។ ទោះបីជាយ៉ាងនេះក៏ដោយ វាជាភាពស្មោះត្រង់ដែលអញស្វែងរក។ ប្រសិនបើឯងជាមនុស្សស្មោះត្រង់ និងជាមនុស្សម្នាក់ដែលប្រព្រឹត្ដតាមគោលការណ៍ នោះឯងអាចក្លាយជាមនុស្សជំនិតរបស់ព្រះជាម្ចាស់។ ប្រសិនបើនៅក្នុងសកម្មភាពរបស់ឯង ឯងមិនប្រាស់ចាកពីនិស្ស័យរបស់ព្រះជាម្ចាស់ទេ ហើយស្វែងយល់ពីបំណងព្រះហឫទ័យរបស់ព្រះជាម្ចាស់ និងមានចិត្តគោរពចុះចូលចំពោះព្រះជាម្ចាស់យ៉ាងអស់ពីចិត្ត នោះជំនឿរបស់ឯងមានលក្ខណៈឈានដល់កម្រិតបទដ្ឋាន។ អ្នកណាដែលមិនគោរពតាមព្រះជាម្ចាស់ និងមិនមានចិត្ត កោតខ្លាចដោយញាប់ញ័រទេនោះ គឺអាចនឹងរំលោភបញ្ញត្ដិរដ្ឋបាលរបស់ព្រះជាម្ចាស់។ មនុស្សជាច្រើនដែលបម្រើព្រះជាម្ចាស់ដោយអំណាចនៃចំណង់ចំណូលចិត្តរបស់ពួកគេ ប៉ុន្តែពួកគេមិនបានយល់ដឹងអំពីបញ្ញត្ដិរដ្ឋបាលរបស់ព្រះជាម្ចាស់នោះទេ ដូច្នេះនៅតែមានកម្រិតយល់ដឹងទាបអំពីអត្ថន័យនៃព្រះបន្ទូលរបស់ព្រះជាម្ចាស់ដដែល។ ហេតុដូច្នេះ ជាមួយនឹងចេតនាល្អរបស់ពួកគេ ពួកគេជាញឹកញាប់ធ្វើអ្វីៗដែលបង្កជាផលរំខានដល់ការរៀបចំរបស់ព្រះជាម្ចាស់ទៅវិញ។ ក្នុងករណីធ្ងន់ធ្ងរ ពួកគេត្រូវបានបណ្តេញចេញ មិនផ្ដល់ឱកាសជាថ្មីទៀតក្នុងការដើរតាមព្រះជាម្ចាស់ឡើយ ហើយត្រូវបានបោះចូលទៅក្នុងឋាននរកដែលទាំងអស់នេះជាប់ទាក់ទងនឹងដំណាក់នៃព្រះជាម្ចាស់នៅទីបញ្ចប់។ មនុស្សទាំងនេះធ្វើការនៅក្នុងដំណាក់នៃព្រះជាម្ចាស់ដោយកំលាំងចេតនាល្អនៃភាពល្ងង់ខ្លៅរបស់ពួកគេ ហើយបញ្ចប់ដោយការខឹងក្រោធនឹងនិស្ស័យរបស់ព្រះជាម្ចាស់។ មនុស្សនាំយករបៀបនៃការបម្រើជាសាមីជន និង ជាម្ចាស់របស់ពួកគេទៅក្នុងដំណាក់នៃព្រះជាម្ចាស់ និងព្យាយាមដាក់ខ្លួនរបស់ពួកឲ្យសកម្មដោយការគិតឥតប្រយោជន៍ថា ចេតនាទាំងនោះអាចត្រូវបានអនុវត្តនៅទីនេះដោយងាយស្រួល គ្មានការខិតខំប្រឹងប្រែង។ ពួកគេមិនដែលនឹកស្រម៉ៃថាព្រះជាម្ចាស់មិនមែនមាននិស្ស័យជាកូនចៀមទេ ប៉ុន្ដែមាននិស្ស័យជាសត្វតោទៅវិញ។ ហេតុដូច្នេះ អ្នកដែលពាក់ព័ន្ធនឹងព្រះជាម្ចាស់ជាលើកដំបូង គឺមិនអាចធ្វើការទំនាក់ទំនងជាមួយព្រះអង្គបានទេព្រោះព្រះហឫទ័យព្រះជាម្ចាស់មិនដូចនឹងចិត្ដមនុស្សទេ។ មានតែក្រោយពីឯងបានយល់អំពីសេចក្ដីពិតច្រើនឡើងៗ ទើបឯងអាចបន្ដការស្វែងយល់អំពីព្រះជាម្ចាស់បាន។ ចំណេះដឹងនេះមិនត្រូវបានបង្កើតឡើងដោយពាក្យ និងគោលលទ្ធិទេ ប៉ុន្តែអាចត្រូវបានប្រើជាកំណប់ទ្រព្យតាមរយៈមធ្យោបាយដែលឯងមានភាពជឿជាក់កាន់តែខ្លាំងចំពោះព្រះជាម្ចាស់ និងដោយភស្ដុតាងបង្ហាញថា ព្រះជាម្ចាស់ពេញចិត្ដនឹងឯង។ ប្រសិនបើឯងខ្វះខាតភាពពិតនៃចំណេះដឹង និងមិនដឹងពីសេចក្ដីពិត នោះការបម្រើការងារដោយភាពងប់ងល់របស់ឯងអាចនាំមកនូវភាពគួរឱ្យស្អប់ខ្ពើម និងការខ្ពើមរអើមដល់ព្រះជាម្ចាស់វិញ។ ឥឡូវនេះ ឯងគួរតែបានស្វែងយល់ហើយថា ជំនឿលើព្រះជាម្ចាស់គឺគ្មានអ្វីដូចទៅនឹងការសិក្សាអំពីទេវវិទ្យានោះទេ។

ទោះបីជាពាក្យសម្ដីដែលអញដាស់តឿនឯងរាល់គ្នានេះជាសេចក្ដីសង្ខេបក៏ដោយ អ្វីដែលអញបានបរិយាយមកនេះ គឺជាអ្វីដែលឯងរាល់គ្នាខ្វះខាតបំផុតនៅក្នុងខ្លួនរបស់ឯង។ ឯងរាល់គ្នាគប្បីដឹងថា អ្វីដែលអញនិយាយនៅពេលនេះគឺដើម្បីជាប្រយោជន៍ដល់ការងារចុងក្រោយរបស់អញសម្រាប់មនុស្ស ដើម្បីជាប្រយោជន៍ដល់ការកំណត់ទីបញ្ចប់របស់មនុស្ស។ អញមិនមានបំណងចង់ធ្វើការងារច្រើនផ្សេងទៀតដែលគ្មានគោលបំណងនោះទេ ឬក៏បន្ដណែនាំមនុស្សដែលអស់សង្ឃឹមដូចជាឈើពុកនោះដែរ ហើយនឹងមិនបន្តដឹកនាំមនុស្សដែលមានចេតនាអាក្រក់យ៉ាងសម្ងាត់នោះដែរ។ ប្រហែលជាថ្ងៃណាមួយ ឯងរាល់គ្នានឹងយល់ពីចេតនាដ៏ស្មោះត្រង់នៅពីក្រោយពាក្យសម្ដីរបស់អញ និងការលះបង់ដែលអញបានធ្វើសម្រាប់មនុស្សជាតិ។ ប្រហែលជាថ្ងៃណាមួយ ឯងរាល់គ្នានឹងយល់អំពីសារនេះដែលអាចឱ្យឯងរាល់គ្នាសម្រេចចិត្តអំពីទីបញ្ចប់របស់ខ្លួនឯងបាន។

ខាង​ដើម៖ តើអ្នកស្មោះត្រង់ចំពោះអ្នកណា?

បន្ទាប់៖ ការយល់ដឹងអំពីនិស្ស័យរបស់ព្រះជាម្ចាស់ ពិតជាសំខាន់ក្រៃលែង

តើយើងគួរអធិស្ឋានយ៉ាងដូចម្ដេច ដើម្បីឲ្យព្រះជាម្ចាស់ទ្រង់សណ្ដាប់? សូមទាក់ទងមកកាន់យើងខ្ញុំ ដើម្បីស្វែងរកដំណោះស្រាយ។
សូមទាក់ទងមកកាន់យើងខ្ញុំ
សូមទាក់ទងមកកាន់យើងខ្ញុំ តាមរយៈMessenger

ខ្លឹមសារ​ពាក់ព័ន្ធ

តើកិច្ចការរបស់ព្រះជាម្ចាស់ ងាយស្រួលដូចមនុស្សគិតដែរឬទេ?

ក្នុងនាមជាអ្នកជឿលើព្រះជាម្ចាស់ ម្នាក់ៗក្នុងចំណោមអ្នករាល់គ្នាគួរតែលើកសរសើរអំពីរបៀបដែលអ្នករាល់គ្នាបានទទួលការលើកតម្កើង...

អ្នកគួរតែស្ដាប់បង្គាប់ព្រះជាម្ចាស់ នៅក្នុងជំនឿដែលអ្នកជឿដល់ទ្រង់

ហេតុអ្វីបានជាអ្នកជឿលើព្រះជាម្ចាស់? មនុស្សភាគច្រើនត្រូវស្រឡាំង កាំង ដោយសារតែសំណួរនេះ។ ពួកគេតែងតែមានទស្សនៈពីរផ្ទុយគ្នាស្រឡះអំពីព្រះដ៏សកម្ម...

ការកំណត់

  • អត្ថបទ
  • ប្រធានបទ

ពណ៌​ដិតច្បាស់

ប្រធានបទ

ប្រភេទ​អក្សរ

ទំហំ​អក្សរ

ចម្លោះ​បន្ទាត់

ចម្លោះ​បន្ទាត់

ប្រវែងទទឹង​ទំព័រ

មាតិកា

ស្វែងរក

  • ស្វែង​រក​អត្ថបទ​នេះ
  • ស្វែង​រក​សៀវភៅ​នេះ