ទម្រាំដល់ពេលដែលឯងបានឃើញព្រះកាយខាងវិញ្ញាណ របស់ព្រះយេស៊ូវពីចម្ងាយ នោះព្រះជាម្ចាស់បានបង្កើតឋានសួគ៌ និងផែនដីថ្មីរួចស្រេចបាត់ទៅហើយ

តើឯងចង់ឃើញព្រះយេស៊ូវដែរឬទេ? តើឯងចង់រស់នៅជាមួយព្រះយេស៊ូវដែរឬទេ? តើឯងចង់ឮព្រះបន្ទូលដែលចេញមកពីព្រះឱស្ឋព្រះយេស៊ូវដែរឬទេ? ប្រសិនបើឯងចង់ តើឯងនឹងត្រូវស្វាគមន៍ការយាងត្រឡប់មកវិញរបស់ព្រះយេស៊ូវ ដោយវិធីណា? តើឯងបានប្រុងប្រៀបស្រេចហើយឬនៅ? តើឯងនឹងស្វាគមន៍ការយាងត្រឡប់មកវិញរបស់ព្រះយេស៊ូវ ដោយឥរិយាបថបែបណា? អញគិតថា បងប្អូនប្រុសស្រីគ្រប់គ្នាដែលដើរតាមព្រះយេស៊ូវ ចង់ទទួលស្វាគមន៍ទ្រង់ឲ្យបានល្អ។ ប៉ុន្តែ តើឯងរាល់គ្នាបានពិចារណាចំណុចនេះទេថា៖ នៅពេលដែលទ្រង់យាងត្រឡប់មកវិញ តើឯងនឹងស្គាល់ព្រះយេស៊ូវពិតប្រាកដដែរឬទេ? តើឯងរាល់គ្នានឹងយល់អ្វីៗគ្រប់យ៉ាង ដែលទ្រង់មានព្រះបន្ទូលពិតប្រាកដដែរឬទេ? តើឯងរាល់គ្នានឹងទទួលយកកិច្ចការទាំងអស់ ដែលទ្រង់ធ្វើដោយឥតលក្ខខណ្ឌ ពិតប្រាកដដែរឬទេ? អស់អ្នកដែលបានអានព្រះគម្ពីរ គឺសុទ្ធតែដឹងអំពីការយាងត្រឡប់មកវិញរបស់ព្រះយេស៊ូវ ហើយអស់អ្នកដែលបានអានព្រះគម្ពីរ ក៏សុទ្ធតែទន្ទឹងរង់ចាំការយាងត្រឡប់មកវិញរបស់ទ្រង់ដោយចិត្តស្មោះត្រង់ដែរ។ ឯងរាល់គ្នាសុទ្ធតែខ្វាយខ្វល់ក្នុងចិត្ត ចំពោះការមកដល់នៃគ្រានោះ ហើយភាពស្មោះត្រង់របស់ឯងរាល់គ្នា ពិតជាគួរឲ្យកោតស្ញប់ស្ញែង ជំនឿរបស់ឯងរាល់គ្នា ពិតជាល្អគួរឲ្យច្រណែន ប៉ុន្តែ តើឯងរាល់គ្នាដឹងទេថា ឯងរាល់គ្នាបានប្រព្រឹត្តនូវកំហុសមួយយ៉ាងធ្ងន់? តើព្រះយេស៊ូវនឹងយាងត្រឡប់មកវិញក្នុងលក្ខណៈដូចម្ដេច? ឯងរាល់គ្នាជឿថា ព្រះយេស៊ូវនឹងយាងត្រឡប់មកវិញនៅលើដុំពពកស ប៉ុន្តែ អញសូមសួរឯងរាល់គ្នាថា តើដុំពពកសមួយនេះសំដៅលើអ្វី? មានអ្នកដើរតាមព្រះយេស៊ូវច្រើនណាស់ កំពុងទន្ទឹងរង់ចាំការយាងត្រឡប់មកវិញរបស់ទ្រង់ តើទ្រង់នឹងយាងចុះមកវិញក្នុងចំណោមក្រុមមនុស្សណាមួយ? ប្រសិនបើឯងរាល់គ្នាស្ថិតក្នុងចំណោមក្រុមមនុស្សដំបូងគេដែលព្រះយេស៊ូវយាងចុះមក តើអ្នកដទៃទៀតនឹងមិនយល់ថា នេះគឺជាអំពើអយុត្តិធម៌ដែលមិនអាចទទួលយកបានទេឬអី? អញដឹងថា ឯងរាល់គ្នាមានភាពស្មោះត្រង់ និងមានភក្ដីភាពចំពោះព្រះយេស៊ូវខ្លាំងណាស់ ប៉ុន្តែ តើឯងរាល់គ្នាធ្លាប់ជួបព្រះយេស៊ូវដែរឬទេ? តើឯងរាល់គ្នាស្គាល់និស្ស័យរបស់ទ្រង់ដែរឬទេ? តើឯងរាល់គ្នាធ្លាប់រស់នៅជាមួយទ្រង់ដែរឬទេ? តើឯងរាល់គ្នាយល់ពីទ្រង់ច្បាស់ប៉ុនណា? អ្នកខ្លះមុខជានិយាយថា សម្ដីទាំងនេះធ្វើឲ្យពួកគេស្ថិតក្នុងស្ថានការណ៍មួយដ៏អាម៉ាស់។ ពួកគេមុខជានិយាយថា “ខ្ញុំបានអានព្រះគម្ពីរពីដើមដល់ចប់ ជាច្រើនលើកច្រើនសា។ ម្ដេចក៏ថាខ្ញុំមិនយល់ពីព្រះយេស៊ូវ? កុំថាដល់និស្ស័យរបស់ព្រះយេស៊ូវ សូម្បីតែពណ៌សម្លៀក​បំពាក់ដែលទ្រង់សព្វព្រះហឫទ័យ ក៏ខ្ញុំដឹងដែរ។ នៅពេលដែលអ្នកនិយាយថា ខ្ញុំមិនយល់អំពីទ្រង់ តើអ្នកមិនមែនកំពុងតែមើលងាយខ្ញុំទេឬអី?” អញសូមទូន្មានឯងទៅចុះថា កុំទៅប្រកែកគ្នាពីរឿងទាំងនេះអី យកល្អគួរធ្វើចិត្តឲ្យស្ងប់ រួចជុំគ្នាជជែកអំពីសំណួរដូចតទៅនេះវិញ៖ ទីមួយ តើអ្នកដឹងទេថា អ្វីទៅជាភាពជាក់ស្ដែង ហើយអ្វីទៅជាទ្រឹស្ដី? ទីពីរ តើអ្នកដឹងទេថា អ្វីទៅជាការសន្មត ហើយអ្វីទៅជាសេចក្ដីពិត? ទីបី តើអ្នកដឹងទេថា អ្វីទៅជាការស្រមើស្រមៃ ហើយអ្វីទៅជាការពិត?

មនុស្សខ្លះបដិសេធការពិតដែលថា ពួកគេមិនស្គាល់ព្រះយេស៊ូវ។ ហើយអញនៅតែនិយាយថា ឯងរាល់គ្នាមិនយល់ពីទ្រង់សូម្បីតែបន្តិច ហើយក៏មិនយល់ពីព្រះបន្ទូលរបស់ព្រះយេស៊ូវសូម្បីមួយម៉ាត់ដែរ។ នេះមកពីឯងរាល់គ្នាដើរតាមទ្រង់ ដោយសារកំណត់ហេតុក្នុងព្រះគម្ពីរ និងដោយសារអ្វីដែលអ្នកដទៃបាននិយាយ។ ឯងរាល់គ្នាមិនធ្លាប់ឃើញព្រះយេស៊ូវសោះ ក៏រឹតតែមិនធ្លាប់រស់នៅជាមួយនឹងទ្រង់ ហើយឯងក៏មិនធ្លាប់បានប្រកបជាមួយទ្រង់ដែរ សូម្បីតែមួយរយៈពេលខ្លី។ ដូច្នេះ តើការយល់ដឹងរបស់ឯងអំពីព្រះយេស៊ូវ មិនមែនគ្រាន់តែជាទ្រឹស្ដីទេឬអី? តើវាមិនមែនជាការយល់ដឹងដែលគ្មានការពិតទេឬអី? អ្នកខ្លះក៏ប្រហែលជាធ្លាប់បានឃើញរូបគំនូរព្រះយេស៊ូវ ឬអ្នកខ្លះទៀតប្រហែលធ្លាប់បានទៅលេងទឹកដីកំណើតរបស់ព្រះយេស៊ូវ។ អ្នកខ្លះទៀតក៏ប្រហែលជាធ្លាប់បានប៉ះសម្លៀកបំពាក់របស់ព្រះយេស៊ូវផង។ ប៉ុន្តែ ការយល់ដឹងរបស់ឯងអំពីទ្រង់ នៅតែជាទ្រឹស្ដីនៅឡើយ មិនមែនជាភាពជាក់ស្ដែងនោះទេ បើទោះបីជាខ្លួនឯងផ្ទាល់ ធ្លាប់បានភ្លក់អាហារដែលព្រះយេស៊ូវធ្លាប់បានសោយក៏ដោយ។ ទោះក្នុងករណីបែបណាក៏ដោយ ក៏ឯងមិនធ្លាប់បានឃើញព្រះយេស៊ូវដែរ ហើយមិនធ្លាប់បានប្រកបជាមួយទ្រង់ក្នុងសណ្ឋានជាសាច់ឈាមនោះដែរ ហេតុនេះ ការយល់ដឹងរបស់ឯងអំពីព្រះយេស៊ូវ នឹងនៅតែជាទ្រឹស្ដីទទេស្អាត ដែលគ្មានជាក់ស្ដែងបន្តិចសោះ។ ប្រហែលជាព្រះ​បន្ទូលរបស់អញ មិនធ្វើឲ្យឯងចាប់អារម្មណ៍ប៉ុន្មានទេ ប៉ុន្តែ អញសូមសួរឯងនូវសំណួរមួយនេះថា៖ ថ្វីបើឯងបានអានស្នាដៃជាច្រើនរបស់អ្នកនិពន្ធដែលឯងចូលចិត្តក៏​ដោយ ប៉ុន្តែ តើឯងអាចយល់អំពីគាត់បានទាំងស្រុង ដោយមិនចំណាយពេលជាមួយគាត់បានទេ? តើឯងដឹងថា គាត់មានបុគ្គលិកលក្ខណៈបែបណាទេ? តើឯងដឹងថា គាត់សម្រេចចិត្តក្នុងជីវិតបែបណាទេ? តើឯងដឹងអ្វីខ្លះពីអារម្មណ៍ពិតរបស់គាត់ទេ? សូម្បីតែមនុស្សដែលឯងកោតសរសើរ ក៏ឯងមិនអាចយល់អំពីគេអស់ផង ចុះទម្រាំព្រះយេស៊ូវគ្រីស្ទវិញ តើឯងអាចយល់ពីទ្រង់បានដោយវិធីណា? គ្រប់យ៉ាងដែលឯងយល់ពីព្រះយេស៊ូវ គឺពោរពេញដោយការស្រមើស្រមៃ និងការសន្មត ហើយគ្មានសេចក្ដីពិត ឬភាពជាក់ស្ដែងឡើយ។ ការយល់ដឹងរបស់ឯង គឺមានតែក្លិនអសោច និងពោរពេញទៅដោយសាច់ឈាមប៉ុណ្ណោះ។ តើការយល់ដឹងបែបនេះ នឹងអាចឲ្យឯងមានលក្ខណសម្បត្តិគ្រប់គ្រាន់ ដើម្បីស្វាគមន៍ការយាងត្រឡប់មកវិញរបស់ព្រះយេស៊ូវដូចម្ដេចបាន? ព្រះយេស៊ូវនឹងមិនទទួលយកមនុស្សណាដែលមានពេញដោយគំនិតស្រមើស្រមៃ និងការសន្មតបែបសាច់ឈាមនោះឡើយ ។ តើមនុស្សដែលមិនយល់ពីព្រះយេស៊ូវ សមនឹងធ្វើជាអ្នកជឿដល់ទ្រង់បានដោយរបៀបណា?

តើឯងរាល់គ្នាចង់ដឹងអំពីឫសគល់នៃមូលហេតុ ដែលពួកផារិស៊ីប្រឆាំងទាស់ជាមួយព្រះយេស៊ូវដែរឬទេ? តើឯងរាល់គ្នាចង់ដឹងពីសារជាតិរបស់ពួកផារិស៊ីទេ? ពួកគេពោរពេញដោយការស្រមើស្រមៃអំពីព្រះមែស្ស៊ី។ ជាងនេះទៅទៀត ពួកគេជឿត្រឹមថា ព្រះមែស្ស៊ីនឹងយាងមក ប៉ុន្តែ ពួកគេមិនបានស្វែងរកសេចក្តីពិតនៃជីវិតឡើយ។ ហេតុនេះ សូម្បីសព្វថ្ងៃនេះ ក៏ពួកគេនៅតែទន្ទឹងរង់ចាំព្រះមែស្ស៊ីដែរ ដ្បិតពួកគេមិនស្គាល់ផ្លូវនៃជីវិត ហើយក៏មិនដឹងថា ផ្លូវនៃសេចក្ដីពិតនោះជាអ្វីដែរ។ តើមនុស្សល្ងីល្ងើ ចចេសរឹងរូស និងល្ងង់ខ្លៅដូចជាឯងរាល់គ្នា អាចទទួលបានព្រះពរពីព្រះជាម្ចាស់បានដោយវិធីណា? តើពួកគេអាចមើលឃើញព្រះមែស្ស៊ីបានដោយរបៀបណា? ពួកគេប្រឆាំងទាស់នឹងព្រះយេស៊ូវ ព្រោះពួកគេមិនស្គាល់ទិសដៅនៃកិច្ចការរបស់ព្រះវិញ្ញាណបរិសុទ្ធ ព្រោះពួកគេមិនស្គាល់ផ្លូវនៃសេចក្ដីពិតដែលព្រះយេស៊ូវមានបន្ទូលប្រាប់ ហើយលើសនេះទៅទៀត គឺមកពីពួកគេមិនយល់អំពីព្រះមែស្ស៊ី។ ហើយដោយសារតែពួកគេមិនធ្លាប់បានឃើញព្រះមែស្ស៊ី និងមិនធ្លាប់បានប្រកបជាមួយនឹងព្រះមែស្ស៊ី ទើបពួកគេបានប្រព្រឹត្តកំហុសមួយ គឺប្រកាន់ខ្ជាប់នូវព្រះនាមរបស់ព្រះមែស្ស៊ី ជាអសារឥតការ ទាំងដែលពួកគេកំពុងប្រឆាំងទាស់នឹងនិស្ស័យពិតរបស់ព្រះមែស្ស៊ី អស់ពីលទ្ធភាពដែលគេមាន។ សារជាតិនៃពួកផារិស៊ីនេះ គឺចចេសរឹងរូស ក្រអឺតក្រទម ហើយមិនស្ដាប់បង្គាប់តាមសេចក្ដីពិតឡើយ។ គោលការណ៍នៃសេចក្តីជំនឿរបស់ពួកគេចំពោះព្រះជាម្ចាស់គឺ៖ បើទោះបីសេចក្ដីបង្រៀនរបស់ឯងជ្រៅជ្រះយ៉ាងណា ទោះបីជាសិទ្ធិអំណាចរបស់ឯងខ្ពង់ខ្ពស់យ៉ាងណា ក៏ឯងមិនមែនជាព្រះគ្រីស្ទដែរ លុះត្រាតែគេហៅថា ព្រះមែស្ស៊ី។ តើទស្សនៈទាំងនេះមិនគួរឲ្យអស់សំណើច និងខុសទំនងទេឬអី? អញសូមសួរឯងរាល់គ្នាទៀតចុះថា៖ ឯងរាល់គ្នាគ្មានការយល់ដឹងអំពីព្រះយេស៊ូវ សូម្បីតែបន្តិច តើការប្រព្រឹត្តកំហុសដូចនឹងពួកផារិស៊ីសម័យដើម វាមិនងាយស្រួលជ្រុលពេក សម្រាប់ឯងរាល់គ្នាទេឬអី? តើឯងអាចស្គាល់ផ្លូវនៃសេចក្ដីពិត បានដែរឬទេ? តើឯងពិតជាអាចធានាបានថា ឯងនឹងមិនប្រឆាំងទាស់នឹងព្រះគ្រីស្ទបានដែរឬទេ? តើឯងអាចធ្វើតាមកិច្ចការរបស់ព្រះវិញ្ញាណបរិសុទ្ធ បានដែរឬទេ? ប្រសិនបើឯងមិនដឹងថា ឯងនឹងប្រឆាំងទាស់នឹងព្រះគ្រីស្ទ ឬក៏អត់នោះ អញសូមប្រាប់ថា ឯងកំពុងរស់ក្បែរមាត់ច្រកនៃសេចក្ដីស្លាប់ហើយ។ អស់អ្នកណាដែលមិនស្គាល់ព្រះមែស្ស៊ី គឺសុទ្ធតែអាចប្រឆាំងទាស់នឹងព្រះយេស៊ូវ អាចបដិសេធព្រះយេស៊ូវ ហើយក៏អាចនិយាយបង្កាច់បង្ខូចទ្រង់បានដែរ។ មនុស្សដែលមិនស្គាល់ព្រះយេស៊ូវ សុទ្ធតែអាចបដិសេធទ្រង់ និងអាចជេរប្រមាថទ្រង់បាន។ ជាងនេះទៀត ពួកគេអាចយល់ឃើញថា ការយាងត្រឡប់មកវិញរបស់ព្រះយេស៊ូវ គឺជាការបោកបញ្ឆោតរបស់សាតាំងទៅវិញ ហើយមនុស្សកាន់តែច្រើននឹងផ្ដន្ទាទោសព្រះយេស៊ូវដែលបានត្រឡប់មកជាសាច់ឈាមវិញ។ តើកត្តាអស់ទាំងនេះ មិនធ្វើឲ្យឯងរាល់គ្នាខ្លាចរអារទេឬអី? អ្វីដែលឯងរាល់គ្នាជួបប្រទះ គឺជាការប្រមាថដល់ព្រះវិញ្ញាណបរិសុទ្ធ គឺជាការបំផ្លាញព្រះបន្ទូលនៃព្រះវិញ្ញាណបរិសុទ្ធទៅកាន់ពួកជំនុំ និងជាការច្រានចោលអស់ទាំងសេចក្ដីដែលសម្ដែងឲ្យឃើញ តាមរយៈព្រះយេស៊ូវ ។ ប្រសិនបើឯងរាល់គ្នាវង្វេងវង្វាន់យ៉ាងនេះ តើឯងអាចទទួលបានអ្វីខ្លះពីព្រះយេស៊ូវ? ប្រសិនបើឯងរាល់គ្នា មានះបដិសេធមិនព្រមទទួលស្គាល់កំហុសខ្លួន ពេលទ្រង់យាងត្រឡប់ជាសាច់ឈាមវិញ នៅលើពពកស តើឯងរាល់គ្នាអាចយល់ពីកិច្ចការរបស់ព្រះយេស៊ូវបាន ដោយវិធីណា? ខ្ញុំសូមប្រាប់ឯងរាល់គ្នាដូច្នេះថា៖ មនុស្សដែលមិនទទួលបានសេចក្ដីពិត ហើយនៅទន្ទឹងចាំការយាងត្រឡប់មកវិញរបស់ព្រះយេស៊ូវ នៅលើពពកស ទាំងងងឹតងងុល គេច្បាស់ជាប្រមាថដល់ព្រះវិញ្ញាណបរិសុទ្ធជាក់ជាមិនខាន ហើយពួកគេគឺជាក្រុមមនុស្សដែលនឹងត្រូវវិនាសទៅ។ ឯងរាល់គ្នាគ្រាន់តែជាចង់បានព្រះគុណរបស់ព្រះយេស៊ូវ និងគ្រាន់តែចង់ត្រេកអរសប្បាយនឹងនគរស្ថានសួគ៌ដ៏មានសិរីរុងរឿង ប៉ុន្តែ ឯងមិនបានស្ដាប់បង្គាប់តាមព្រះបន្ទូលរបស់ព្រះយេស៊ូវ និងមិនបានទទួលសេចក្ដីពិតដែលព្រះយេស៊ូវបើកសម្ដែង ពេលទ្រង់យាងត្រឡប់ជាសាច់ឈាមវិញឡើយ។ តើឯងនឹងប្រកាន់ខ្ជាប់នូវរបស់អ្វីខ្លះ ដើម្បីប្ដូរជាមួយសេចក្តីពិតនៃការយាងត្រឡប់មកវិញរបស់ព្រះយេស៊ូវនៅលើពពកស? តើការដែលឯងរមែងប្រព្រឹត្តអំពើបាបដដែលៗ រួចលន់តួបាបម្ដងហើយម្ដងទៀតនោះ វាជាភាពស្មោះត្រង់ដែរឬទេ? តើឯងរាល់គ្នានឹងថ្វាយអ្វីខ្លះជាតង្វាយដល់ព្រះយេស៊ូវ ដែលយាងត្រឡប់មកវិញនៅលើពពកស? តើវាជាកិច្ចការរាប់សិបឆ្នាំ ដែលឯងអួតសរសើរដល់ខ្លួនឯងនោះមែនទេ? តើឯងនឹងប្រកាន់ខ្ជាប់អ្វីខ្លះ ដើម្បីធ្វើឲ្យព្រះយេស៊ូវដែលយាងត្រឡប់មកវិញនោះ មានព្រះហ​ឫទ័យទុកចិត្តចំពោះឯង? តើជាសារជាតិក្រអឺតក្រទមរបស់ឯងរាល់គ្នា ដែលមិនព្រមស្ដាប់បង្គាប់តាមសេចក្ដីពិតនោះមែនទេ?

ភក្ដីភាពរបស់ឯងរាល់គ្នា គឺមានតែលើបបូរមាត់ប៉ុណ្ណោះ រីឯចំណេះដឹងរបស់ឯងរាល់គ្នា ក៏គ្រាន់តែជាចំណេះដឹងផ្នែកបញ្ញា និងគំនិតតែប៉ុណ្ណោះ ការអនុវត្តកិច្ចការរបស់ឯងរាល់គ្នា គឺដើម្បីឲ្យបានទទួលព្រះពរពីស្ថានសួគ៌ប៉ុណ្ណោះ បើដូច្នេះ តើឯងរាល់គ្នាត្រូវមានជំនឿបែបណា? សូម្បីសព្វថ្ងៃ ឯងរាល់គ្នាក៏នៅតែខ្ទប់ត្រចៀក មិនព្រមស្ដាប់ព្រះបន្ទូលនៃសេចក្ដីពិតមួយម៉ាត់ណាឡើយ។ ឯងរាល់គ្នាមិនដឹងថាព្រះជាម្ចាស់ជាអ្វី មិនដឹងថាព្រះគ្រីស្ទជាអ្វី ក៏មិនដឹងពីរបៀបគោរពកោតខ្លាចព្រះយេហូវ៉ា មិនដឹងថាត្រូវចូលទៅក្នុងកិច្ចការនៃព្រះវិញ្ញាណបរិសុទ្ធដោយរបៀបណា ហើយក៏មិនដឹងពីវិធីបែងចែកភាពខុសគ្នា រវាងកិច្ចការផ្ទាល់របស់ព្រះជាម្ចាស់ និងការបោកបញ្ឆោតរបស់មនុស្សផង។ ឯងដឹងត្រឹមតែថ្កោលទោសព្រះបន្ទូលនៃសេចក្ដីពិត ដែលព្រះជាម្ចាស់សម្ដែងចេញមក ជាសេចក្ដីពិតដែលមិនត្រូវគំនិតផ្ទាល់ខ្លួនរបស់ឯងប៉ុណ្ណោះ។ តើឯណាទៅការបន្ទាបខ្លួនរបស់ឯង? តើឯណាទៅការស្ដាប់បង្គាប់របស់ឯង? តើឯណាទៅភក្ដីភាពរបស់ឯង? តើឯណាទៅសេចក្ដីប្រាថ្នាចង់ស្វែងរកសេចក្ដីពិតរបស់ឯង? តើឯណាទៅការគោរពរបស់ឯង ចំពោះព្រះជាម្ចាស់? អញប្រាប់ឯងរាល់គ្នាចុះ មនុស្សដែលជឿលើព្រះជាម្ចាស់ ដោយសារទីសម្គាល់ គឺច្បាស់ជាប្រភេទមនុស្សដែលនឹងត្រូវវិនាសជាក់ជាពុំខាន។ អស់អ្នកដែលមិនអាចទទួលព្រះបន្ទូលរបស់ព្រះយេស៊ូវ ដែលបានយាងត្រឡប់មកជាសាច់ឈាមវិញ គឺច្បាស់ជាពូជពង្សនរក ជាកូនចៅមហាទេវតា ជាប្រភេទមនុស្សដែលត្រូវវិនាសអស់កល្បជានិច្ច​។ មនុស្សជាច្រើនអាចនឹងមិនខ្វាយខ្វល់ចំពោះព្រះ​បន្ទូលរបស់អញទេ ប៉ុន្តែ អញនៅតែចង់មាន​បន្ទូលប្រាប់អ្នកដើរតាមព្រះយេស៊ូវ ជាអ្នកដែលហៅខ្លួនឯងជាពួកបរិសុទ្ធថា កាលណាឯងឃើញព្រះយេស៊ូវយាងចុះពីស្ថានសួគ៌ផ្ទាល់នឹងភ្នែកលើដុំពពកស នេះហើយជាការលេច​មក​ជាសាធារណៈរបស់ព្រះ​អាទិត្យនៃសេចក្ដីសុចរិត។ គ្រានោះអាចជាគ្រាអរសប្បាយយ៉ាងក្រៃលែងសម្រាប់ឯង ប៉ុន្តែ ឯងតោងដឹងថា គ្រាដែលឯងមើលឃើញព្រះយេស៊ូវយាងចុះពីស្ថានសួគ៌ ក៏ជាគ្រាដែលឯងត្រូវចុះទៅស្ថាននរកដើម្បីទទួលទុក្ខទោសដែរ។ គ្រានោះនឹងក្លាយជាគ្រាចុងក្រោយនៃផែនការគ្រប់គ្រងរបស់ព្រះជាម្ចាស់ ហើយក៏ជាគ្រាដែលព្រះជាម្ចាស់ប្រទានរង្វាន់ដល់មនុស្សល្អ ហើយដាក់ទោសមនុស្សអាក្រក់ដែរ។ ដ្បិតការជំនុំជម្រះរបស់ព្រះជាម្ចាស់នឹងត្រូវបញ្ចប់ទៅ មុនពេលមនុស្សមើលឃើញទីសម្គាល់ គឺជាពេលដែលមានតែការបើកសម្ដែងអំពីសេចក្ដីពិតតែប៉ុណ្ណោះ។ អស់អ្នកណាដែលទទួលយកសេចក្ដីពិត មិនស្វែងរកទីសម្គាល់ ហើយត្រូវបានបន្សុទ្ធ នឹងត្រូវត្រឡប់មកចំពោះបល្ល័ង្កនៃព្រះជា​ម្ចាស់ រួចត្រូវចូលទៅក្នុងការឱបក្រសោបពីសំណាក់ព្រះអាទិករ។ មានតែមនុស្សដែលមានះជឿថា “ព្រះយេស៊ូវដែលមិនយាងចុះមកដោយជិះលើពពកស ជាព្រះគ្រីស្ទក្លែងក្លាយ” ប៉ុណ្ណោះ ដែលនឹងត្រូវទទួលទោសអស់កល្បជានិច្ច ដ្បិតពួកគេជឿតែលើព្រះយេស៊ូវដែលបង្ហាញទីសម្គាល់ តែមិនទទួលស្គាល់ព្រះយេស៊ូវដែលប្រកាសពីការជំនុំជម្រះដ៏ធ្ងន់ធ្ងរ និងបង្ហើបប្រាប់ពីផ្លូវពិតនៃជីវិត។ ដូច្នេះ គឺមានតែព្រះយេស៊ូវទេ ទើបអាចចាត់ការពួកគេបាន នៅពេលទ្រង់យាងត្រឡប់មកវិញដោយបើកចំហ នៅលើពពកស។ ពួកគេចចេសរឹងរូស មានភាពជឿជាក់លើខ្លួនឯង និងក្រអឺតក្រទមណាស់​។ តើមនុស្សអាក្រក់បែបនេះ អាចនឹងទទួលរង្វាន់ពីព្រះយេស៊ូវដូចម្ដេចបាន? ការយាងត្រឡប់មកវិញរបស់ព្រះយេស៊ូវ គឺជាសេចក្ដីសង្គ្រោះដ៏មហិមា ដល់អស់អ្នកណាដែលអាចទទួលយកសេចក្ដីពិតបាន ប៉ុន្តែ ការយាងត្រឡប់មកវិញរបស់ទ្រង់ គឺជាទីសម្គាល់នៃការដាក់ទោសដល់អស់អ្នកណាដែលមិនអាចទទួលយកសេចក្ដីពិតបាន។ ឯងរាល់គ្នាតោងជ្រើសរើសផ្លូវរបស់ខ្លួន និងមិនគប្បីប្រមាថដល់ព្រះវិញ្ញាណបរិសុទ្ធ និងបដិសេធសេចក្ដីពិតឡើយ។ ឯងមិនគួរធ្វើជាមនុស្សក្រអឺតក្រទម និងក្អេងក្អាងនោះឡើយ ប៉ុន្តែ ត្រូវធ្វើជាមនុស្សម្នាក់ដែលស្ដាប់បង្គាប់តាមការដឹកនាំរបស់ព្រះវិញ្ញាណបរិសុទ្ធ ហើយសង្វាត និងខ្នះខ្នែងរកសេចក្ដីពិត។ គឺទាល់តែបែបនេះ ទើបឯងនឹងទទួលបានប្រយោជន៍។ អញសូមទូន្មានឯងរាល់គ្នាឲ្យដើរតាមផ្លូវនៃសេចក្តីជំនឿក្នុងព្រះជាម្ចាស់ដោយយកចិត្តទុកដាក់។ ចូរកុំប្រញាប់សន្មតពេក ហើយសូមកុំឲ្យជំនឿដែលឯងមានចំពោះព្រះជាម្ចាស់ ក្លាយជាជំនឿមួយគ្រាៗ ហើយខ្វះការពិចារណានោះ​ឡើយ។ ឯងរាល់គ្នាតោងដឹងថា យ៉ាងហោចណាស់អស់អ្នកណាដែលជឿលើព្រះជាម្ចាស់ គួរតែបន្ទាបខ្លួន និងចេះគោរពកោតខ្លាចដល់ព្រះជា​ម្ចាស់។ អស់អ្នកណាដែលបានស្ដាប់ឮសេចក្ដីពិត តែបដិសេធមិនទទួលយកសេចក្ដីពិតនេះ គឺល្ងីល្ងើ និងល្ងង់ខ្លៅណាស់។ អស់អ្នកណាដែលបានស្ដាប់ឮសេចក្ដីពិត ប៉ុន្តែ គេបែរជាប្រញាប់សន្មតដោយធ្វេសប្រហែស ឬច្រានសេចក្ដីពិតនោះចោល គេគឺជាមនុស្សដែលរងទុក្ខ ដោយភាពក្រអឺតក្រទម។ គ្មាននរណាម្នាក់ដែលជឿព្រះយេស៊ូវ មានសិទ្ធិជេរប្រមាថ ឬមួយក៏ថ្កោលទោសអ្នកដទៃឡើយ។ ឯងរាល់គ្នាគប្បីធ្វើជាមនុស្សដែលមានការយល់ដឹង ហើយទទួលយកនូវសេចក្ដីពិត។ ប្រហែលជាការដែលបានស្ដាប់ឮអំពីផ្លូវនៃសេចក្ដីពិត និងការដែលបានអានព្រះបន្ទូលនៃជីវិតនេះហើយ បានជាឯងជឿថា ក្នុងចំណោមពាក្យសម្ដី១ម៉ឺនម៉ាត់នេះ គឺមានតែ១ម៉ាត់គត់ដែលស្របទៅនឹងជំនឿរបស់ឯង ហើយស្របទៅនឹងព្រះគម្ពីរ ដូច្នេះ ឯងគួរបន្តស្វែងរកផ្លូវនៃសេចក្ដីពិត និងព្រះបន្ទូលនៃជីវិត នៅក្នុងពាក្យសម្ដី១ម៉ឺនម៉ាត់នេះចុះ។ អញក៏នៅតែទូន្មានឲ្យឯងចេះបន្ទាបខ្លួន កុំឲ្យជឿជាក់ខ្លួនឯងជ្រុលពេក និងមិនត្រូវតម្កើងខ្លួនឯងឲ្យខ្ពស់ពេកដែរ។ ឯងនឹងទទួលបាននូវពន្លឺកាន់តែត្រចះត្រចង់ថែមទៀតតាមរយៈដួងចិត្តដ៏តូចទាប ដែលប្រកាន់ខ្ជាប់ការគោរពកោតខ្លាចព្រះជាម្ចាស់។ ប្រសិនបើឯងពិនិត្យពិច័យពាក្យសម្ដីទាំងនេះដោយយកចិត្តទុកដាក់ រួចថ្លឹងថ្លែងពិចារណាពាក្យសម្ដីទាំងនេះម្ដងហើយម្ដងទៀត នោះឯងនឹងដឹងថា តើពាក្យសម្ដីទាំងនោះ គឺជាសេចក្ដីពិត ឬក៏មិនមែន និងដឹងថា ពាក្យសម្ដីទាំងនោះ គឺជាជីវិត ឬក៏មិនមែន។ ប្រហែលជាអ្នកខ្លះគ្រាន់តែបានអានពីរបីប្រយោគ រួចក៏​ថ្កោល​ទោសព្រះ​បន្ទូល​ទាំងនេះទាំងងងឹតងងុល ដោយនិយាយថា “នេះគ្មានអ្វីផ្សេងក្រៅពីការស្រាយបំភ្លឺពីព្រះវិញ្ញាណបរិសុទ្ធទេ” ឬនិយាយថា “នេះគឺជាព្រះគ្រីស្ទ​ក្លែងក្លាយ ដែលបោកបញ្ឆោតមនុស្សតែប៉ុណ្ណោះ”។ អស់អ្នកដែលនិយាយដូច្នេះ ជាមនុស្សដែលខ្វាក់ភ្នែក ដោយសារតែភាពល្ងង់ខ្លៅ! ឯងយល់ដឹងពីកិច្ចការ និងព្រះប្រាជ្ញាញាណរបស់ព្រះជាម្ចាស់តិចតួចណាស់ ហើយអញសុំទូន្មានឲ្យឯងរាល់គ្នា ចាប់ផ្ដើមសាជាថ្មីពីចំណុចសូន្យវិញ! ឯងរាល់គ្នាមិនត្រូវច្រានចោលព្រះបន្ទូលដែលព្រះជាម្ចាស់បង្ហាញប្រាប់ ទាំងងងឹតងងុល ដោយសារការបង្ហាញខ្លួនរបស់ព្រះគ្រីស្ទក្លែងក្លាយនៅគ្រាចុងក្រោយនោះទេ ហើយឯងក៏មិនត្រូវធ្វើជាមនុស្សដែលប្រមាថដល់ព្រះវិញ្ញាណបរិសុទ្ធ ដោយសារខ្លាចរអារការបោកបញ្ឆោតនោះដែរ។ តើនេះវាមិនគួរឲ្យអាណិតពេកទេឬអី? បន្ទាប់ពីពិនិត្យពិច័យល្អិតល្អន់ហើយ ប្រសិនបើឯងនៅតែជឿថា ព្រះ​បន្ទូលទាំងនេះ វាមិនមែនជាសេចក្ដីពិត មិនមែនជាផ្លូវ និងមិនមែនជាការបើកសម្ដែងពីព្រះជាម្ចាស់ទេ នៅទីបំផុត ឯងនឹងត្រូវទទួលទោស ហើយឯងនឹងមិនទទួលបានព្រះពរនោះឡើយ។ ប្រសិនបើឯងមិនអាចទទួលសេចក្ដីពិតដែលថ្លែងដោយត្រង់ៗ និងច្បាស់លាស់បែបនេះបានទេ តើឯងស័ក្តិសមនឹងទទួលសេចក្ដីសង្គ្រោះពីព្រះជាម្ចាស់ដែរឬអី? តើឯងមិនមែនជាមនុស្សដែលមិនទទួលបានព្រះពរគ្រប់គ្រាន់ នឹងអាចចូលទៅចំពោះបល្ល័ង្កនៃព្រះទេឬអី? សូមពិចារណាមើលចុះ! ចូរកុំប្រញាប់ប្រញាល់ និងច្រឡោតពេក ហើយសូមកុំចាត់ទុកសេចក្ដីជំនឿក្នុងព្រះជាម្ចាស់ជាល្បែងលេងសើចឲ្យសោះ។ ចូរគិតពិចារណាឲ្យបានជាប្រយោជន៍ដល់គោលដៅរបស់ឯង សម្រាប់ជាប្រយោជន៍ដល់ក្ដីសង្ឃឹមរបស់ឯង ជាប្រយោជន៍ដល់ជីវិតរបស់ឯង ហើយកុំលេងសើចនឹងខ្លួនឯងឲ្យសោះ។ តើឯងអាចទទួលយកព្រះ​បន្ទូលទាំងអស់នេះបានដែរឬទេ?

ខាង​ដើម៖ ព្រះជាម្ចាស់និងមនុស្សលោក នឹងចូលទៅក្នុងសេចក្ដីសម្រាករួមគ្នា

បន្ទាប់៖ មនុស្សដែលមិនចុះសម្រុងនឹងព្រះគ្រីស្ទ គឺជាសត្រូវព្រះជាម្ចាស់ប្រាកដណាស់

តើយើងគួរអធិស្ឋានយ៉ាងដូចម្ដេច ដើម្បីឲ្យព្រះជាម្ចាស់ទ្រង់សណ្ដាប់? សូមទាក់ទងមកកាន់យើងខ្ញុំ ដើម្បីស្វែងរកដំណោះស្រាយ។
សូមទាក់ទងមកកាន់យើងខ្ញុំ
សូមទាក់ទងមកកាន់យើងខ្ញុំ តាមរយៈMessenger

ខ្លឹមសារ​ពាក់ព័ន្ធ

អ្នកគួរតែស្ដាប់បង្គាប់ព្រះជាម្ចាស់ នៅក្នុងជំនឿដែលអ្នកជឿដល់ទ្រង់

ហេតុអ្វីបានជាអ្នកជឿលើព្រះជាម្ចាស់? មនុស្សភាគច្រើនត្រូវស្រឡាំង កាំង ដោយសារតែសំណួរនេះ។ ពួកគេតែងតែមានទស្សនៈពីរផ្ទុយគ្នាស្រឡះអំពីព្រះដ៏សកម្ម...

តើកិច្ចការរបស់ព្រះជាម្ចាស់ ងាយស្រួលដូចមនុស្សគិតដែរឬទេ?

ក្នុងនាមជាអ្នកជឿលើព្រះជាម្ចាស់ ម្នាក់ៗក្នុងចំណោមអ្នករាល់គ្នាគួរតែលើកសរសើរអំពីរបៀបដែលអ្នករាល់គ្នាបានទទួលការលើកតម្កើង...

អំពីបទពិសោធន៍

តាមរយៈបទពិសោធន៍របស់លោកពេត្រុស គាត់បានឆ្លងកាត់ ការល្បងលរាប់រយដងមកហើយ។ បើទោះបីជាមនុស្សសព្វថ្ងៃ នេះដឹងអំពីពាក្យថា “ការល្បងល”...

ការកំណត់

  • អត្ថបទ
  • ប្រធានបទ

ពណ៌​ដិតច្បាស់

ប្រធានបទ

ប្រភេទ​អក្សរ

ទំហំ​អក្សរ

ចម្លោះ​បន្ទាត់

ចម្លោះ​បន្ទាត់

ប្រវែងទទឹង​ទំព័រ

មាតិកា

ស្វែងរក

  • ស្វែង​រក​អត្ថបទ​នេះ
  • ស្វែង​រក​សៀវភៅ​នេះ