តើព្រះអង្គសង្រ្គោះ សង្រ្គោះមនុស្សដោយរបៀបណា ពេលទ្រង់យាងមក?

10-09-2021

ពេលដែលយើងនិយាយអំពីព្រះសង្រ្គោះ គ្រប់អ្នកជឿសុទ្ធតែយល់ស្របគ្នាថា នៅគ្រាចុងក្រោយ ទ្រង់ប្រាកដជាយាងមកកាន់ផែនដី ដើម្បីសង្រ្គោះមនុស្សជាតិ។ ពួកហោរាជាច្រើនបានថ្លែងថា ព្រះសង្គ្រោះនឹងយាងមកនៅគ្រាចុងក្រោយ ដូច្នេះ តើព្រះសង្រ្គោះនោះជានរណាទៅ? និកាយផ្សេងៗមានការបកស្រាយខុសៗគ្នា ហើយសាសនាផ្សេងៗក៏ចែងខុសៗគ្នាអំពីទ្រង់ផងដែរ។ តើព្រះសង្រ្គោះដ៏ពិតគឺជានរណាទៅ? ព្រះសង្គ្រោះដ៏ពិតគឺជាព្រះអម្ចាស់ដែលបានបង្កើតផ្ទៃមេឃ និងផែនដី ព្រមទាំងរបស់សព្វសារពើ ហើយទ្រង់ជាព្រះដ៏ពិតតែមួយអង្គ ជាព្រះអាទិករ។ មានតែព្រះអម្ចាស់ដែលបានបង្កើតអ្វីៗគ្រប់យ៉ាងប៉ុណ្ណោះ ទើបជាព្រះដ៏ពិតតែមួយព្រះអង្គ ហើយមានតែព្រះដ៏ពិតដែលគង់នៅក្នុងសាច់រឿងប៉ុណ្ណោះ ទើបជាព្រះសង្រ្គោះដែលអាចសង្រ្គោះមនុស្សជាតិ។ បើមិនមែនជាព្រះដ៏ពិតដែលបានបង្កើតរបស់សព្វសារពើទេ បុគ្គលនោះមិនមែនជាព្រះអាទិករ ហើយមិនអាចសង្រ្គោះមនុស្សជាតិបានឡើយ។ នេះជាអ្វីមួយដែលយើងត្រូវតែយល់ឱ្យបានច្បាស់។ ចូរចាំ! មានតែព្រះដ៏ពិតតែមួយអង្គប៉ុណ្ណោះ និងមានតែព្រះជាម្ចាស់ដែលយកកំណើតជាមនុស្សប៉ុណ្ណោះ ទើបជាព្រះសង្រ្គោះ។ មានតែព្រះដ៏ពិតមួយអង្គនៅក្នុងសាច់ឈាមប៉ុណ្ណោះ ទើបអាចសម្ដែងចេញនូវសេចក្តីពិត និងសង្គ្រោះមនុស្សជាតិបានយ៉ាងពេញលេញ ហើយនាំយើងទៅរកវាសនាមួយដ៏ស្រស់ស្អាត។ មានព្រះក្លែងក្លាយជាច្រើន ដូច្នេះ មិនចាំបាច់រៀបរាប់ពីព្រះទាំងនោះទេ ប៉ុន្តែ មានព្រះសង្រ្គោះដ៏ពិតតែមួយអង្គប៉ុណ្ណោះ។ ដូច្នេះ តើព្រះសង្រ្គោះដ៏ពិតនេះជានរណាឱ្យប្រាកដទៅ? កាល ២ ០០០ ឆ្នាំមុន ព្រះអម្ចាស់យេស៊ូវបានយាងមក និងមានបន្ទូលថា «ចូរអ្នករាល់គ្នាប្រែចិត្ត ដ្បិតនគរព្រះនៅជិតបង្កើយ» (ម៉ាថាយ ៤:១៧)។ ទ្រង់បានជាប់ឆ្កាង ដើម្បីប្រោសលោះអំពើបាបរបស់មនុស្ស។ ទ្រង់បានបញ្ចប់កិច្ចការប្រោសលោះ ហើយចាប់ផ្ដើមយុគសម័យនៃព្រះគុណ ដោយអនុញ្ញាតឱ្យមនុស្សចូលមកចំពោះព្រះជាម្ចាស់ អធិស្ឋាន ប្រាស្រ័យទាក់ទងជាមួយព្រះជាម្ចាស់ និងដើរតាមព្រះជាម្ចាស់ រហូតមកដល់ពេលសព្វថ្ងៃ។ នេះជាកិច្ចការប្រោសលោះរបស់ព្រះអម្ចាស់យេស៊ូវ។ ព្រះអម្ចាស់យេស៊ូវគឺជាព្រះសង្រ្គោះ ដែលបានយាងមកនៅក្នុងចំណោមមនុស្ស ហើយបានធ្វើការ។ ដោយផ្អែកលើអ្វីដែលយើងបានឃើញកន្លងមក តើព្រះសង្រ្គោះជានរណាទៅ? ព្រះជាម្ចាស់នៅក្នុងសាច់ឈាម ដែលបានយាងមកដោយផ្ទាល់ ដើម្បីសង្រ្គោះមនុស្សជាតិ។ ព្រះអម្ចាស់យេស៊ូវបានធ្វើកិច្ចការប្រោសលោះ ដោយអត់ទោសអំពើបាបរបស់មនុស្ស ប៉ុន្តែ មនុស្សនៅតែបន្តប្រព្រឹត្តបាប ហើយមិនអាចសម្រេចបានការប្រែចិត្តដ៏ពិតឡើយ។ សេចក្តីសង្រ្គោះរបស់ព្រះជាម្ចាស់គឺដើម្បីឱ្យមនុស្សមានការប្រែចិត្តដ៏ពិត មិនមែនគ្រាន់តែអត់ទោសអំពើបាបរបស់យើង ហើយឈប់ធ្វើនោះឡើយ។ នេះហើយជាហេតុផលដែលព្រះអម្ចាស់យេស៊ូវបានសន្យាថា ទ្រង់នឹងយាងត្រលប់មកវិញនៅគ្រាចុងក្រោយ ដើម្បីសង្រ្គោះមនុស្សជាតិឱ្យបានពេញលេញនោះ។ ឥឡូវនេះ ព្រះសង្រ្គោះបានយាងត្រលប់មកវិញ ហើយស្ថិតនៅក្នុងចំណោមយើង។ ទ្រង់បានសម្ដែងចេញនូវសេចក្តីពិតជាច្រើន ដើម្បីបន្សុទ្ធមនុស្ស និងសង្រ្គោះយើងពីអំពើបាប ដើម្បីឱ្យយើងអាចបែរទាំងស្រុងទៅរកព្រះជាម្ចាស់ និងត្រូវបានទទួលដោយទ្រង់ ក្រោយមក ចូលទៅក្នុងវាសនាដ៏ស្រស់ស្អាត ដែលទ្រង់បានរៀបចំទុកសម្រាប់យើង ដែលជានគររបស់ទ្រង់។ សព្វថ្ងៃនេះ មានមនុស្សនៅជុំវិញពិភពលោកដែលបានឮព្រះសូរសៀងរបស់ព្រះជាម្ចាស់ ហើយត្រូវបានលើកឡើងនៅចំពោះបល្ល័ង្ករបស់ទ្រង់។ ពួកគេកំពុងតែត្រូវបានព្រះជាម្ចាស់ជំនុំជម្រះ និងបន្សុទ្ធ ហើយពួកគេមាននូវទីបន្ទាល់ដ៏គួរឱ្យទាក់ទាញ។ ពួកគេជាអ្នកមានជ័យជម្នះ ដែលព្រះជាម្ចាស់បានបង្កើតមក។ គួរឱ្យសោកស្ដាយ នៅមានមនុស្សជាច្រើននាក់ទៀត ដែលមិនទាន់បានឮព្រះសូរសៀងរបស់ព្រះជាម្ចាស់ ដែលមិនទាន់បានឃើញនូវការលេចមក និងកិច្ចការរបស់ព្រះជាម្ចាស់។ នេះហើយជាហេតុផលដែល យើងកំពុងតែធ្វើបន្ទាល់ឥឡូវនេះអំពីរបៀបដែលព្រះសង្រ្គោះសង្រ្គោះមនុស្សជាតិនោះ។

ពេលដែលយើងនិយាយអំពីសេចក្តីសង្រ្គោះ មនុស្សខ្លះមានគំនិតស្រពេចស្រពិលបែបនេះថា ព្រះជាម្ចាស់នឹងយាងចុះភ្លាមៗពីលើមេឃ ហើយនាំយកពួកអ្នកជឿឡើង ដោយរួចផុតពីគ្រោះមហន្តរាយ និងលើកទៅលើមេឃ។ នេះជាសញ្ញាណ និងការរវើរវាយរបស់មនុស្ស ប៉ុន្តែ វាគ្មានភាពពិតជាក់ស្ដែងទេ។ វាមាននូវបញ្ហាដ៏សំខាន់មួយទៀត។ មនុស្សទាំងអស់ត្រូវបានសាតាំងធ្វើឱ្យពុករលួយយ៉ាងខ្លាំង និងមានធម្មជាតិបែបសាតាំង។ គ្រប់គ្នាកំពុងតែរស់នៅក្នុងអំពើបាប ពេញដោយសេចក្តីស្មោកគ្រោក និងសេចក្តីពុករលួយ។ តើយើងអាចត្រូវបានលើកឡើងដោយផ្ទាល់ទៅលើពពកដែរឬទេ? តើយើងស័ក្ដិសមនឹងនគរស្ថានសួគ៌ដែរឬទេ? បើគ្រប់គ្នារង់ចាំឱ្យព្រះសង្រ្គោះយាងចុះមក ដោយប្រកាន់ខ្ជាប់នឹងសញ្ញាណនេះ នោះវាជារឿងឥតប្រយោជន៍ហើយ។ ពួកគេនឹងធ្លាក់ទៅក្នុងគ្រោះមហន្តរាយ ដោយយំសោក និងសង្កៀតធ្មេញរបស់ខ្លួនមិនខាន។ បើដូច្នោះ តើព្រះសង្រ្គោះសង្រ្គោះមនុស្សជាតិដោយរបៀបណាទៅ ពេលដែលទ្រង់យាងមក? ជាដំបូង ទ្រង់សង្រ្គោះយើងពីអំពើបាប។ ព្រះអម្ចាស់យេស៊ូវបានធ្វើកិច្ចការប្រោសលោះ ដើម្បីអត់ទោសអំពើបាបរបស់យើង ប៉ុន្តែទោះបានការអត់ទោសនោះក៏ដោយ ក៏យើងនៅតែបន្តប្រព្រឹត្តបាបដដែលហ្នឹង។ យើងមិនបានរួចខ្លួនពីច្រវាក់នៃអំពើបាបឡើយ។ នេះជាការពិតមួយដែលមិនអាចប្រកែកបានទេ។ ព្រះជាម្ចាស់ជាព្រះបរិសុទ្ធ និងសុចរិត។ ទ្រង់លេចមកសម្រាប់កន្លែងដែលបរិសុទ្ធ ហើយលាក់ព្រះអង្គទ្រង់ពីទឹកដីដែលស្មោកគ្រោក។ ដោយមិនបរិសុទ្ធ មនុស្សមិនអាចមើលឃើញព្រះអម្ចាស់ទេ ដូច្នេះ តើយើង ដែលកំពុងរស់នៅក្នុងអំពើបាប អាចស័ក្ដិសមចូលទៅក្នុងនគររបស់ព្រះជាម្ចាស់ដោយរបៀបណាទៅ? នេះជាហេតុផលដែលព្រះជាម្ចាស់បានយកកំណើតជាមនុស្សជាថ្មីម្ដងទៀតនៅគ្រាចុងក្រោយ ហើយកំពុងតែសម្ដែងចេញនូវសេចក្តីពិត និងកំពុងធ្វើកិច្ចការជំនុំជម្រះ និងការវាយផ្ចាល ដើម្បីបន្សុទ្ធមនុស្ស និងសង្រ្គោះយើងទាំងស្រុងពីអំពើបាប ពីសាតាំង។ នេះដូចអ្វីដែលព្រះដ៏មានគ្រប់ព្រះចេស្ដាមានបន្ទូលថា៖ «ទោះបីជាព្រះយេស៊ូវបានធ្វើកិច្ចការជាច្រើននៅក្នុងចំណោមមនុស្សក៏ដោយ ប៉ុន្តែទ្រង់គ្រាន់តែបញ្ចប់នូវកិច្ចការប្រោសលោះមនុស្សជាតិទាំងអស់ ហើយបានក្លាយជាតង្វាយលោះបាបរបស់មនុស្សប៉ុណ្ណោះ។ ទ្រង់មិនបានដកចោលនូវនិស្ស័យពុករលួយទាំងអស់ចេញពីមនុស្សឡើយ។ ការសង្រ្គោះមនុស្សយ៉ាងពេញលេញចេញពីឥទ្ធិពលរបស់អារក្សសាតាំង មិនគ្រាន់តែតម្រូវឲ្យព្រះយេស៊ូវក្លាយជាតង្វាយលោះបាប និងទទួលយកអំពើបាបរបស់មនុស្សប៉ុណ្ណោះទេ ប៉ុន្តែវាក៏តម្រូវឲ្យព្រះជាម្ចាស់ធ្វើកិច្ចការកាន់តែខ្លាំង ដើម្បីដកចោលនិស្ស័យពុករលួយបែបសាតាំងទាំងអស់ចេញពីមនុស្សផងដែរ។ ដូច្នេះ ឥឡូវនេះមនុស្សត្រូវបានអត់ទោសពីអំពើបាបរបស់ខ្លួន ព្រះជាម្ចាស់បានត្រឡប់ជាសាច់ឈាម ដើម្បីដឹកនាំមនុស្សចូលទៅក្នុងយុគសម័យថ្មី ហើយចាប់ផ្ដើមកិច្ចការនៃការវាយផ្ចាល និងការជំនុំជម្រះ។ កិច្ចការនេះបាននាំមនុស្សចូលទៅក្នុងពិភពមួយកាន់តែខ្ពស់។ អស់អ្នកដែលចុះចូលក្រោមដែនគ្រប់គ្រងរបស់ទ្រង់នឹងរីករាយចំពោះសេចក្តីពិតកាន់តែខ្ពស់ ហើយទទួលព្រះពរកាន់តែធំ។ ពួកគេនឹងរស់នៅយ៉ាងពិតប្រាកដនៅក្នុងពន្លឺ ហើយគេនឹងទទួលបានសេចក្តីពិត ផ្លូវ និងជីវិត» («អារម្ភកថា» នៃសៀវភៅ «ព្រះបន្ទូល» ភាគ១៖ ការលេចមក និងកិច្ចការរបស់ព្រះជាម្ចាស់)

ព្រះសង្រ្គោះបានយាងមករួចហើយ។ ព្រះអម្ចាស់យេស៊ូវបានយាងត្រលប់មកនៅក្នុងសាច់ឈាម ជាព្រះដ៏មានគ្រប់ព្រះចេស្ដាដែលយកកំណើតជាមនុស្ស។ ព្រះដ៏មានគ្រប់ព្រះចេស្ដាបានសម្ដែងចេញនូវគ្រប់ទាំងសេចក្តីពិត ដែលបន្សុទ្ធ និងសង្គ្រោះមនុស្សជាតិ ដោយធ្វើកិច្ចការជំនុំជម្រះ ដោយចាប់ផ្ដើមជាមួយដំណាក់របស់ព្រះជាម្ចាស់។ ក្រៅពីព្រះជាម្ចាស់នៅក្នុងសាច់ឈាម គ្មាននរណាម្នាក់ អាចសម្ដែងចេញនូវសេចក្តីពិត និងសង្រ្គោះមនុស្សជាតិបានឡើយ មិនថាពួកគេអស្ចារ្យ ឬល្បីល្បាញប៉ុនណាឡើយ។ មានតែព្រះជាម្ចាស់ដែលយកកំណើតជាមនុស្សដែលយាងមកកាន់ផែនដីប៉ុណ្ណោះ ទើបជាព្រះគ្រីស្ទ ជាព្រះសង្រ្គោះរបស់យើង។ តើ «ព្រះគ្រីស្ទ» មានន័យដូចម្ដេចទៅ? វាមានន័យថា ព្រះសង្គ្រោះ។ បើដូច្នោះ តើព្រះដ៏មានគ្រប់ព្រះចេស្ដា ជាព្រះគ្រីស្ទនៃគ្រាចុងក្រោយ ធ្វើកិច្ចការជំនុំជម្រះ ដើម្បីបន្សុទ្ធ និងសង្រ្គោះមនុស្សដោយរបៀបណាទៅ?

ព្រះដ៏មានគ្រប់ព្រះចេស្ដាមានបន្ទូលប្រាប់យើងថា៖ «ព្រះគ្រីស្ទនៃគ្រាចុងក្រោយ ប្រើនូវសេចក្ដីពិតជាច្រើន មកបង្រៀនមនុស្ស មកលាតត្រដាងពីលក្ខណៈរបស់មនុស្ស និងមកវិភាគពីពាក្យសម្ដី និងទង្វើរបស់មនុស្ស។ ព្រះបន្ទូលទាំងនេះមានរួមបញ្ចូលនូវសេចក្ដីពិតជាច្រើនខុសៗគ្នា ដូចជា ភារកិច្ចរបស់មនុស្ស របៀបដែលគេគួរស្ដាប់បង្គាប់ព្រះជាម្ចាស់ របៀបរក្សាភក្ដីភាពថ្វាយព្រះជាម្ចាស់ របៀបដែលមនុស្សគួរស្ដែងចេញនូវសភាពជាមនុស្សសាមញ្ញ ក៏ដូចជាព្រះប្រាជ្ញាញាណ និងនិស្ស័យរបស់ព្រះជាម្ចាស់ផងដែរ ។ល។ ពាក្យពេចន៍ទាំងអស់នេះសំដៅទៅលើសារៈសំខាន់របស់មនុស្ស និងនិស្ស័យពុករលួយរបស់គេ។ ជាពិសេស ព្រះបន្ទូលដែលលាតត្រដាងពីរបៀបដែលមនុស្សបដិសេធព្រះជាម្ចាស់ បានលើកឡើងទាក់ទងនឹងវិធីដែលមនុស្សក្លាយជាតំណាងរបស់អារក្សសាតាំង និងជាកម្លាំងសត្រូវ មកទាស់ទទឹងនឹងព្រះជាម្ចាស់។ នៅក្នុងការអនុវត្តការងារជំនុំជម្រះរបស់ព្រះជាម្ចាស់ ព្រះអង្គមិនមែនយកតែព្រះបន្ទូលពីរបីម៉ាត់មកបញ្ជាក់ពីធម្មជាតិរបស់មនុស្សនោះទេ តែទ្រង់នឹងលាតត្រដាង ដោះស្រាយជាមួយ និងលួសកាត់ក្នុងរយៈពេលយូរអង្វែង។ វិធីសាស្ដ្រផ្សេងៗទាំងនេះអំពីការលាតត្រដាង ការដោះស្រាយ និងការលួសកាត់ មិនអាចធ្វើឡើងដោយពាក្យពេចន៍ធម្មតាៗបានឡើយ ទាល់តែសេចក្ដីពិត ដែលមនុស្សខ្វះខាតទាំងស្រុង ទើបជំនួសបាន។ មានតែវិធីបែបនេះទេ ទើបអាចហៅបានថាជាការជំនុំជម្រះ ហើយមានតែតាមរយៈការជំនុំជម្រះបែបនេះទេ ទើបអាចបង្ក្រាបមនុស្ស និងត្រូវបញ្ចុះបញ្ចូលយ៉ាងច្បាស់អំពីព្រះជាម្ចាស់ ព្រមទាំងស្គាល់ដល់ព្រះជាម្ចាស់ពិតប្រាកដទៀតផង។ លទ្ធផលដែលកិច្ចការជំនុំជម្រះបាននាំមក គឺឱ្យមនុស្សបានស្គាល់ព្រះភក្ដ្រព្រះជាម្ចាស់ពិត និងស្គាល់សេចក្ដីពិតអំពីការបះបោររបស់ខ្លួនគេផ្ទាល់។ កិច្ចការនៃការជំនុំជម្រះ ធ្វើឱ្យមនុស្សទទួលបាននូវការយល់ដឹងច្រើនអំពីបំណងព្រះហឫទ័យនៃព្រះជាម្ចាស់ អំពីគោលបំណងនៃកិច្ចការរបស់ព្រះជាម្ចាស់ និងអំពីអាថ៌កំបាំងដែលគេមិនអាចយល់បាន។ កិច្ចការនេះក៏អនុញ្ញាតឱ្យមនុស្សទទួលស្គាល់ និងដឹងអំពីសារជាតិពុករលួយ និងឫសគល់នៃសេចក្ដីពុករលួយរបស់ខ្លួន ព្រមទាំងរកឃើញភាពស្មោកគ្រោករបស់មនុស្សផងដែរ។ លទ្ធផលទាំងអស់នេះ សុទ្ធតែបានមកពីកិច្ចការជំនុំជម្រះ ដ្បិតលក្ខណៈសម្បត្តិនៃកិច្ចការនេះ ការពិតគឺជាកិច្ចការបើកបង្ហាញអំពីសេចក្ដីពិត អំពីផ្លូវ និងអំពីជីវិតរបស់ព្រះជាម្ចាស់ ដល់អស់អ្នកណាដែលមានសេចក្ដីជំនឿលើទ្រង់។ កិច្ចការនេះ គឺជាកិច្ចការជំនុំជម្រះដែលត្រូវបានធ្វើឡើងដោយព្រះជាម្ចាស់» («ព្រះគ្រីស្ទធ្វើកិច្ចការជំនុំជម្រះ ដោយសេចក្ដីពិត» នៃសៀវភៅ «ព្រះបន្ទូល» ភាគ១៖ ការលេចមក និងកិច្ចការរបស់ព្រះជាម្ចាស់)

នៅគ្រាចុងក្រោយ ព្រះជាម្ចាស់សង្រ្គោះមនុស្សជាតិ ដោយសម្ដែងចេញនូវសេចក្តីពិត ដើម្បីលាតត្រដាងពីធម្មជាតិបាបរបស់យើង ដូច្នេះ យើងអាចមើលឃើញពីឫសគល់នៃបាបកម្មរបស់យើង និងពីការពិតដែលសាតាំងធ្វើឱ្យយើងពុករលួយ។ ពេលមនុស្សដឹងពីសេចក្ដីនេះ ពួកគេអាចចាប់ផ្ដើមមានការសោកស្ដាយដ៏ពិត ហើយខ្ពើម និងស្អប់ខ្លួនឯង។ ក្រោយមក ពួកគេអាចចាប់ផ្ដើមានការប្រែចិត្តដ៏ពិតប្រាកដ ហើយពួកគេគ្រាន់តែទន្ទឹងចង់យល់ និងទទួលយកសេចក្តីពិតប៉ុណ្ណោះ។ ពេលដែលពួកគេអាចអនុវត្តតាមសេចក្តីពិត ពួកគេបានរៀនពីរបៀបចុះចូលចំពោះព្រះជាម្ចាស់។ ពួកគេយល់អំពីសេចក្តីពិត និងរស់នៅស្របតាមព្រះបន្ទូលរបស់ព្រះជាម្ចាស់ និងសេចក្តីពិត ដូច្នេះ និស្ស័យជីវិតរបស់ពួកគេចាប់ផ្ដើមផ្លាស់ប្រែ។ តាមរយៈការបន្តដកបទពិសោធន៍នូវការជំនុំជម្រះនៃព្រះបន្ទូលរបស់ព្រះជាម្ចាស់ នៅទីបំផុត ពួកគេត្រូវបានសម្អាតឱ្យជ្រះស្អាតពីនិស្ស័យដ៏ពុករលួយរបស់ពួកគេ។ នេះជាបុគ្គលម្នាក់ដែលត្រូវបានសង្រ្គោះយ៉ាងពេញលេញ ហើយក្រោយមក ពួកគេអាចចូលទៅក្នុងវាសនាដ៏ស្រស់ស្អាត ដែលព្រះជាម្ចាស់បានរៀបចំទុកសម្រាប់មនុស្ស។ នេះហើយជាហេតុផលដែលយើងត្រូវទទួលយកការជំនុំជម្រះ និងការវាយផ្ចាលចេញពីព្រះបន្ទូលរបស់ព្រះដ៏មានគ្រប់ព្រះចេស្ដានោះ។ យើងត្រូវតែប្រែចិត្តយ៉ាងពិតប្រាកដ ផ្លាស់ប្ដូរយ៉ាងពិតប្រាកដ ហើយក្លាយជាមនុស្សដែលចុះចូល និងថ្វាយបង្គំព្រះជាម្ចាស់។ មានតែបែបនេះទេ ទើបជាសេចក្តីសង្រ្គោះដ៏ពិត ហើយមានតែបែបនេះទេ ទើបធ្វើឱ្យយើងស័ក្ដិសមចូលទៅក្នុងនគររបស់ទ្រង់។

ឥឡូវនេះ មាននូវរឿងមួយដែលយើងត្រូវតែយល់ឱ្យបានច្បាស់។ មានតែព្រះជាម្ចាស់ មានតែព្រះអាទិករប៉ុណ្ណោះ ទើបអាចសង្រ្គោះមនុស្សជាតិ និងនាំយើងចូលទៅដល់គោលដៅដ៏ស្រស់ស្អាតនោះ។ ព្រះជាម្ចាស់នេះ ព្រះអាទិករនេះបានកំពុងតែមានបន្ទូល និងធ្វើការ ដើម្បីចង្អុលបង្ហាញ និងសង្រ្គោះមនុស្សជាតិគ្រប់ពេលវេលា រហូតមក

ដល់ពេលបច្ចុប្បន្ន។ ព្រះគម្ពីរទាំងមូលគឺជាទីបន្ទាល់មួយអំពីការលេចមក និងកិច្ចការរបស់ព្រះជាម្ចាស់។ វាផ្ដល់នូវទីបន្ទាល់ថា ផ្ទៃមេឃ និងផែនដី ព្រមទាំងរបស់សព្វសារពើ ត្រូវបានបង្កើតឡើងដោយព្រះជាម្ចាស់ និងធ្វើបន្ទាល់អំពីការលេចមក និងកិច្ចការរបស់ព្រះអាទិករ។ មានតែព្រះជាម្ចាស់ដែលយកកំណើតជាមនុស្សដ៏ពិតមួយអង្គ ដែលយាងមកនៅក្នុងចំណោមយើងនេះប៉ុណ្ណោះ ទើបជាព្រះសង្រ្គោះ។ មានតែទ្រង់មួយអង្គប៉ុណ្ណោះ ទើបអាចសង្រ្គោះមនុស្សជាតិបាន។ ព្រះសង្គ្រោះនេះត្រូវតែជាព្រះជាម្ចាស់នៅក្នុងសាច់ឈាម ហើយត្រូវតែសម្ដែងចេញនូវសេចក្តីពិត។ នេះហើយជាព្រះសង្រ្គោះដ៏ពិតតែមួយព្រះអង្គនោះ។ ព្រះសង្រ្គោះផ្សេងទៀតដែលមិនអាចសម្ដែងចេញនូវសេចក្តីពិត គ្រាន់តែជាវិញ្ញាណអាក្រក់ដែលកំពុងបោកបញ្ឆោតមនុស្សប៉ុណ្ណោះ។ មានព្រះក្លែងក្លាយជាច្រើន ដូចជា តារាល្បីល្បាញដែលត្រូវបានលើកតម្កើង ហើយក្រោយមក ត្រូវបានតាំងឡើងជាព្រះ ដោយពួកព្រះចៅអធិរាជ ក្រោយមរណភាពរបស់ពួកគេ។ តើការនេះអាចត្រឹមត្រូវដែរឬទេ? មនុស្សទាំងនោះគ្រាន់តែជាមនុស្សដែលពុករលួយ ដែលត្រូវទៅស្ថាននរក ពេលដែលពួកគេស្លាប់ទៅប៉ុណ្ណោះ ដូច្នេះ តើពួកគេអាចសង្រ្គោះនរណាបានទៅ? ពួកគេសង្រ្គោះខ្លួនឯងមិនទាំងបានផងហ្នឹង ហើយព្រះជាម្ចាស់ដាក់ទោសពួកគេសម្រាប់អំពើបាបរបស់ពួកគេ។ ដូច្នេះ តើពួកគេអាចសង្រ្គោះមនុស្សជាតិបានដែរឬទេ? គ្រប់ពួកព្រះចៅអធិរាជទាំងនោះបានសុគតតាំងពីយូរមកហើយ ហើយឥឡូវនេះ ពួកគេសុទ្ធតែនៅស្ថាននរក។ ព្រះក្លែងក្លាយដែលពួកគេបានតាំងឡើង មិនអាចសង្រ្គោះមនុស្សជាតិបានទេ។ ទោះយ៉ាងម៉េចក៏ដោយ មិនត្រូវជឿលើព្រះក្លែងក្លាយឡើយ។ នោះជារឿងល្ងីល្ងើ និងល្ងង់ខ្លៅណាស់ ហើយវានឹងនាំអ្នកឱ្យវិនាសមិនខាន។ ត្រូវចាំថា ព្រះសង្រ្គោះត្រូវតែជាព្រះជាម្ចាស់ដែលយកកំណើតជាមនុស្ស ចាំថា ទ្រង់ត្រូវតែសម្ដែងចេញនូវសេចក្តីពិត។ ការនេះអាចចេញមកពីព្រះជាម្ចាស់តែមួយប៉ុណ្ណោះ។ ព្រះសង្រ្គោះណាផ្សេងដែលមិនអាចសម្ដែងចេញនូវសេចក្តីពិតគឺជាព្រះក្លែងក្លាយ ហើយកំពុងតែនាំមនុស្សឱ្យវង្វេង។ អស់អ្នកណាដែលមិនមែនជាព្រះជាម្ចាស់នៅក្នុងសាច់ឈាម តែអះអាងថាខ្លួនជាព្រះជាម្ចាស់ គឺជាព្រះគ្រីស្ទក្លែងក្លាយ និងជាវិញ្ញាណអាក្រក់។ មនុស្សទាំងនោះមិនមែនជាព្រះសង្រ្គោះ ហើយមិនអាចសង្រ្គោះមនុស្សជាតិបានទេ។ សាតាំង និងពួកវិញ្ញាណអាក្រក់ទាំងអស់ក្លែងធ្វើជាព្រះជាម្ចាស់ ប៉ុន្តែ ពួកវានៅតែមិនហ៊ានអះអាងថា ខ្លួនជាព្រះអាទិករនៃរបស់សព្វសារពើនោះឡើយ ហើយពួកវាមិនហ៊ានអះអាងថា ពួកវាបានបង្កើតមនុស្សនោះទេ។ ពួកវាក៏មិនហ៊ានអះអាងថា វាអាចមានអធិបតេយ្យលើវាសនារបស់មនុស្សនោះដែរ។ ពួកវាគ្រាន់តែបង្ហាញនូវទីសម្គាល់ និងការអស្ចារ្យមួយចំនួននៅតាមកន្លែងផ្សេងៗ នាំមនុស្សឱ្យវង្វេង ដើម្បីទទួលបានស្វាមីភក្ដិរបស់ពួកគេប៉ុណ្ណោះ។ ព្រះក្លែងក្លាយ និងពួកវិញ្ញាណអាក្រក់ទាំងនេះសុទ្ធតែជាអារក្ស ជាមេកំណាចដែលនាំមនុស្សឱ្យយល់ខុស និងធ្វើឱ្យពួកគេពុករលួយ។ ពួកវាជាខ្មាំងសត្រូវរបស់ព្រះអាទិករ ដែលជាព្រះដ៏ពិតតែមួយព្រះអង្គ ហើយកំពុងតែព្យាយាមឆក់យកមនុស្សជាតិចេញពីទ្រង់។ នេះហើយជាហេតុផលដែលពួកអារក្ស និងពួកវិញ្ញាណអាក្រក់ទាំងនេះ សុទ្ធតែជាសត្រូវដ៏ជូរចត់របស់ព្រះជាម្ចាស់ ជាហេតុផលដែលព្រះអង្គស្អប់ខ្ពើម និងថ្កោលទោសពួកវា។ អស់អ្នកដែលគោរព និងថ្វាយបង្គំពួកអារក្ស និងពួកវិញ្ញាណអាក្រក់ទាំងនេះ នឹងត្រូវព្រះជាម្ចាស់ថ្កោលទោស និងបំផ្លាញមិនខាន។ ព្រះដ៏មានគ្រប់ព្រះចេស្ដាមានបន្ទូលថា៖ «ដរាបណាពិភពលោកចាស់នេះនៅតែបន្តមានវត្តមាន នោះខ្ញុំនឹងជះសេចក្ដីក្រោធរបស់ខ្ញុំ មកលើជាតិសាសន៍ទាំងអម្បាលម៉ាន ខ្ញុំនឹងចេញបញ្ញត្ដិរដ្ឋបាលរបស់ខ្ញុំពាសពេញសកលលោក ព្រមទាំងធ្វើការវាយផ្ចាលដល់មនុស្សណាដែលល្មើសនឹងបញ្ញត្ដិរដ្ឋបាលទាំងនេះ៖ ពេលខ្ញុំបែរព្រះភក្ត្ររបស់ខ្ញុំទៅកាន់សកលលោក ដើម្បីថ្លែងព្រះបន្ទូល មនុស្សទាំងអស់ស្ដាប់ឮព្រះសូរសៀងរបស់ខ្ញុំ ហើយពេលនោះគេមើលឃើញកិច្ចការទាំងអស់ដែលខ្ញុំបានសាងនៅទូទាំងសកលលោក។ អស់អ្នកដែលបានតាំងខ្លួនទាស់ទទឹងនឹងបំណងព្រះហឫទ័យរបស់ខ្ញុំ ពោលគឺ មនុស្សដែលទាស់ទទឹងនឹងខ្ញុំដោយទង្វើរបស់មនុស្ស នឹងត្រូវនៅក្រោមការវាយផ្ចាលរបស់ខ្ញុំ។ ខ្ញុំនឹងយកផ្កាយជាច្រើននៅលើមេឃ រួចធ្វើវាឲ្យថ្មីវិញ ចូរអរព្រះគុណខ្ញុំ ដ្បិតព្រះអាទិត្យនិងព្រះចន្ទ នឹងត្រូវបានស្អាងឲ្យថ្មីឡើង ផ្ទៃមេឃលែងចាស់ដូចពីមុន ហើយរបស់សព្វសារពើជាច្រើនអនេកនៅលើផែនដីនឹងត្រូវបានស្អាងជាថ្មីឡើងវិញដែរ។ អ្វីគ្រប់យ៉ាងនឹងបានសម្រេចតាមរយៈព្រះបន្ទូលរបស់ខ្ញុំ។ ជាតិសាសន៍ជាច្រើន នៅក្នុងសកលលោកនឹងត្រូវបែងចែកជាថ្មីម្ដងទៀត ហើយជំនួសដោយនគររបស់ខ្ញុំ ដើម្បីឲ្យប្រជាជាតិនានាលើផែនដីរលាយបាត់ទៅរហូត ហើយជាតិសាសន៍ទាំងអស់នឹងក្លាយទៅជានគរមួយ ដែលថ្វាយបង្គំខ្ញុំ ប្រជាជាតិទាំងអស់លើផែនដីនឹងត្រូវវិនាស ហើយលែងមានវត្តមានជារៀងរហូត។ មនុស្សទាំងអស់នៅក្នុងសកលលោក មនុស្សទាំងអស់ដែលជាកម្មសិទ្ធិរបស់អារក្សនឹងត្រូវវិនាសសាបសូន្យ នឹងត្រូវពិការដោយភ្លើងដ៏សន្ធោសន្ធៅរបស់ខ្ញុំ ពោលគឺ មនុស្សទាំងអស់នឹងត្រូវក្លាយទៅជាផេះ លើកលែងតែមនុស្សនៅក្នុងលំហូរនេះតែប៉ុណ្ណោះ។ ពេលខ្ញុំដាក់ទោសមនុស្សជាច្រើនតាមការប្រព្រឹត្តិខុសៗគ្នានោះ មនុស្សដែលនៅក្នុងចំណោមអ្នកកាន់សាសនា នឹងត្រឡប់មកឯនគររបស់ខ្ញុំ ត្រូវបានបង្ក្រាបដោយកិច្ចការរបស់ខ្ញុំ ដ្បិតពួកគេនឹងបានឃើញការមកដល់របស់ព្រះដ៏បរិសុទ្ធ ដោយយាងគង់លើដុំពពកស។ មនុស្សគ្រប់គ្នានឹងត្រូវញែកទៅតាមជំពូករបស់គេផ្ទាល់ ហើយគេនឹងទទួលការវាយផ្ចាលសមទៅនឹងទង្វើរបស់គេ។ អស់អ្នកដែលបានក្រោកឡើងប្រឆាំងនឹងខ្ញុំ គេនឹងវិនាស ចំណែកមនុស្សដែលពុំមានសកម្មភាពពាក់ព័ន្ធនឹងខ្ញុំ នោះគេនឹងបន្តមានវត្តមាននៅលើផែនដី ក្រោមការគ្រប់គ្រងរបស់ពួកកូនប្រុស និងរាស្ត្ររបស់ខ្ញុំ ដោយព្រោះតែរបៀបដែលគេបំពេញកាតព្វកិច្ចរបស់ខ្លួន។ ខ្ញុំនឹងបើកសម្ដែងព្រះកាយរបស់ខ្ញុំឲ្យមនុស្ស និងជាតិសាសន៍ជាច្រើនបានឃើញ រួចខ្ញុំនឹងបន្លឺព្រះសូរសៀងផ្ទាល់របស់ខ្ញុំលើផែនដី ទាំងប្រកាសពីការសម្រេចកិច្ចការដ៏អស្ចារ្យរបស់ខ្ញុំ ដើម្បីឲ្យមនុស្សជាតិទាំងអស់បានឃើញផ្ទាល់ភ្នែករបស់គេ» (ដកស្រង់ពី «ព្រះបន្ទូលរបស់ព្រះជាម្ចាស់ ថ្លែងទៅកាន់សកលលោកទាំងមូល» ជំពូកទី ២៦ នៃសៀវភៅ «ព្រះបន្ទូល» ភាគ១៖ ការលេចមក និងកិច្ចការរបស់ព្រះជាម្ចាស់)

គ្រោះមហន្តរាយផ្សេងៗបានធ្លាក់ចុះ សំឡេងរោទិ៍នៃថ្ងៃចុងក្រោយបានបន្លឺឡើង ហើយទំនាយនៃការយាងមករបស់ព្រះអម្ចាស់ត្រូវបានសម្រេច។ តើអ្នកចង់ស្វាគមន៍ព្រះអម្ចាស់ជាមួយក្រុមគ្រួសាររបស់អ្នក ហើយទទួលបានឱកាសត្រូវបានការពារដោយព្រះទេ?

ខ្លឹមសារ​ពាក់ព័ន្ធ

តើការត្រូវបានលើកឡើងមានន័យដូចម្ដេចឲ្យប្រាកដ?

កាលពី ២ ០០០ ឆ្នាំមុន ក្រោយពេលព្រះអម្ចាស់យេស៊ូវបានជាប់ឆ្កាង និងបញ្ចប់កិច្ចការប្រោសលោះរបស់ទ្រង់ ព្រះអង្គបានសន្យាថា ទ្រង់នឹងយាងមកវិញ។...

បាបរបស់យើងត្រូវបានអត់ទោស តើព្រះអម្ចាស់នឹងនាំយើងដោយត្រង់ទៅនគររបស់ទ្រង់ឬទេ ពេលដែលទ្រង់យាងត្រឡប់មក?

គ្រោះមហន្តរាយបន្តកើនឡើង ហើយអ្នកជឿសុទ្ធតែរង់ចាំយ៉ាងអន្ទះសានូវការយាងមករបស់ព្រះសង្គ្រោះ ដោយចង់ឱ្យលើកឡើងទៅលើមេឃក្នុងដំណេក ដើម្បីជួបព្រះអម្ចាស់...

ហេតុអ្វីព្រះជាម្ចាស់ត្រូវការកិច្ចការទាំងបីដំណាក់កាល ដើម្បីសង្រ្គោះមនុស្សជាតិ?

គ្រប់គ្នាដឹងហើយថា ២ ០០០ ឆ្នាំមុន ព្រះអម្ចាស់យេស៊ូវបានលេចមកធ្វើកិច្ចការប្រោសលោះមនុស្សជាតិនៅស្រុកយូដា និងប្រកាសថា៖ «ចូរអ្នករាល់គ្នាប្រែចិត្ត...

Leave a Reply