នៅពេលដែលភយន្តរាយដ៏ធំសម្បើមកាន់តែខិតជិតមកដល់ អ្នកជឿជាច្រើនកំពុងសង្ឃឹមយ៉ាងអន្ទះសាថានឹងស្វាគមន៍ព្រះអម្ចាស់ ដើម្បីពួកគេអាចគេចផុតពីមហន្តរាយ និងចូលទៅក្នុងនគរស្ថានសួគ៌។ ប៉ុន្តែនៅពេលនិយាយដល់ការរង់ចាំស្វាគមន៍ការយាងត្រឡប់មកវិញរបស់ព្រះអម្ចាស់ អាកប្បកិរិយារបស់មនុស្សមានភាពខុសៗគ្នា។ អ្នកខ្លះធ្វើតាមសេចក្ដីបង្រៀនរបស់ព្រះអម្ចាស់។ ពួកគេឃ្លាំមើល និងអធិដ្ឋាន ស្វែងរក និងត្រួតពិនិត្យយ៉ាងសកម្ម ហើយផ្ដោតលើការស្ដាប់សំឡេងរបស់កូនកម្លោះ។ ទោះជាយ៉ាងណាក៏ដោយ អ្នកផ្សេងទៀតនៅតែនៅក្នុងពួកជំនុំរបស់ពួកគេ ដោយរង់ចាំតែព្រះអម្ចាស់យាងចុះមកលើពពកប៉ុណ្ណោះ។ ពួកគេធ្វើបែបនេះដោយផ្អែកលើអ្វីដែលព្រះអម្ចាស់យេស៊ូវមានបន្ទូលថា៖ «បន្ទាប់ពីសេចក្ដីទុក្ខវេទនានៃគ្រាទាំងនោះភ្លាមៗ នោះព្រះអាទិត្យក៏នឹងប្រែជាងងឹត ហើយព្រះចន្ទនឹងមិនបញ្ចេញរស្មីឡើយ ហ្វូងតារានានានឹងធ្លាក់ចុះពីស្ថានសួគ៌ ហើយអំណាចនៃស្ថានសួគ៌នឹងញ័ររញ្ជួយ។ ហើយពេលនោះ ទីសម្គាល់អំពីបុត្រមនុស្សនឹងលេចមកនៅលើមេឃ ហើយគ្រប់កុលសម្ព័ន្ធនៅលើផែនដីនឹងនាំគ្នាកាន់ទុក្ខ ដ្បិតពួកគេនឹងឃើញបុត្រមនុស្សកំពុងយាងមកលើពពកនៅលើមេឃ ប្រកបដោយព្រះចេស្ដា និងសិរីល្អយ៉ាងខ្លាំង» (ម៉ាថាយ ២៤:២៩-៣០)។ ពួកគេគិតថា៖ «សេចក្ដីទំនាយនេះត្រូវបានថ្លែងដោយព្រះអម្ចាស់ផ្ទាល់។ យើងកំពុងរង់ចាំស្វាគមន៍ព្រះអម្ចាស់ ដោយឃ្លាំមើលទ្រង់យាងចុះមកលើពពក។ តើមានអ្វីខុស?»

ការស្វាគមន៍ព្រះអម្ចាស់ដោយផ្អែកលើសេចក្ដីទំនាយនៅក្នុងព្រះគម្ពីរ គឺគ្មានអ្វីខុសទេ ប៉ុន្តែវាពិបាកនឹងនិយាយណាស់ថាតើការរង់ចាំព្រះអម្ចាស់យាងចុះមកលើពពក ពិតជាស្របតាមព្រះរាជបំណងរបស់ព្រះជាម្ចាស់ឬយ៉ាងណា ពីព្រោះព្រះអម្ចាស់យេស៊ូវបានថ្លែងទំនាយជាចម្បងថា ការយាងត្រឡប់មកវិញរបស់ទ្រង់នឹងមានលក្ខណៈជាបុត្រមនុស្ស ដោយយាងមកដោយសម្ងាត់។ ឧទាហរណ៍ ព្រះអម្ចាស់យេស៊ូវបានថ្លែងទំនាយថា៖ «ឯពន្លឺផ្លេកបន្ទោរ ចេញពីទិសខាងកើត ហើយចាំងពន្លឺទៅទិសខាងលិចយ៉ាងណា ដំណើរយាងមករបស់បុត្រមនុស្សក៏យ៉ាងនោះដែរ» (ម៉ាថាយ ២៤:២៧)។ «ដូចសម័យរបស់លោកណូអេយ៉ាងណា បុត្រមនុស្សក៏នឹងយាងមកយ៉ាងនោះដែរ» (ម៉ាថាយ ២៤:៣៧)។ «ដ្បិតដូចជាផ្លេកបន្ទោរ ដែលចាំងចេញពីផ្នែកម្ខាងនៅក្រោមមេឃ ហើយបំភ្លឺទៅដល់ផ្នែកម្ខាងទៀតនៅក្រោមមេឃយ៉ាងណា នោះបុត្រមនុស្សនៅថ្ងៃដែលទ្រង់យាងមក ក៏នឹងមានសភាពដូច្នោះដែរ។ ប៉ុន្តែ ជាដំបូង ទ្រង់ត្រូវរងទុក្ខវេទនាជាច្រើន ហើយត្រូវមនុស្សជំនាន់នេះបដិសេធចោល» (លូកា ១៧:២៤-២៥)។ ព្រះអម្ចាស់យេស៊ូវក៏បានថ្លែងទំនាយដែរថា៖ «ដូច្នេះ ចូរអ្នករាល់គ្នាបានត្រៀមខ្លួនជាស្រេច ដ្បិតក្នុងវេលាមួយដែលអ្នកគិតមិនដល់ បុត្រមនុស្សក៏យាងមកដល់» (ម៉ាថាយ ២៤:៤៤)។ «លុះកណ្ដាលអធ្រាត ក៏មានសម្រែកបន្លឺឡើងថា មើលណ៎ កូនកម្លោះមកដល់ហើយ ចូរអ្នករាល់គ្នា ចេញទៅទទួលលោកចុះ» (ម៉ាថាយ ២៥:៦)។ សេចក្ដីទំនាយទាំងនេះលើកឡើងអំពី «បុត្រមនុស្សនឹងយាងមក» ឬ «បុត្រមនុស្សក៏នឹងយាងមក»។ ពាក្យ «បុត្រមនុស្ស» សំដៅលើអ្នកដែលកើតពីមនុស្ស។ និយាយម្យ៉ាងទៀត ព្រះជាម្ចាស់នឹងគ្រងព្រះកាយទ្រង់ជាសាច់ឈាម ហើយក្លាយជាមនុស្សសាមញ្ញធម្មតាម្នាក់ ដោយយាងចុះមកដោយសម្ងាត់នៅក្នុងចំណោមមនុស្សជាតិ ដើម្បីមានបន្ទូល និងធ្វើកិច្ចការ។ ការណ៍នេះខុសគ្នាទាំងស្រុងពីការលេចមកជាសាធារណៈនៅលើពពក។ ដោយមានសេចក្ដីទំនាយជាច្រើនអំពីការដែលព្រះអម្ចាស់យាងត្រឡប់មកវិញក្នុងនាមជាបុត្រមនុស្សបែបនេះ ហេតុអ្វីបានជាពិភពខាងសាសនាជ្រើសរើសផ្ដោតតែលើសេចក្ដីទំនាយអំពីការដែលទ្រង់យាងចុះមកលើពពកទៅវិញ? ហេតុអ្វីបានជាពួកគេមិនយកចិត្តទុកដាក់លើសេចក្ដីទំនាយអំពីបុត្រមនុស្សនឹងយាងមក អំពីការយាងចុះមករបស់បុត្រមនុស្ស? រឿងនេះមានអត្ថន័យច្រើនជាងអ្វីដែលភ្នែកមើលឃើញទៅទៀត។

ដំបូង យើងត្រូវតែយល់ ពីភាពខុសគ្នាដ៏ធំបំផុតរវាងសេចក្ដីទំនាយរបស់ព្រះអម្ចាស់អំពី «បុត្រមនុស្សនឹងយាងមក» និង «កូនកម្លោះមកដល់ហើយ» ហើយនិងសេចក្ដីទំនាយអំពីការយាងចុះមករបស់ទ្រង់នៅលើពពក។ យើងត្រូវតែមើលឱ្យច្បាស់ថា ពេលវេលា និងបរិបទនៃសេចក្ដីទំនាយទាំងពីរប្រភេទនេះ គឺខុសគ្នាទាំងស្រុង។ តើបរិបទសម្រាប់ការយាងមករបស់បុត្រមនុស្សគឺជាអ្វី? ព្រះអម្ចាស់យេស៊ូវបានថ្លែងទំនាយថា៖ «ដូចសម័យរបស់លោកណូអេយ៉ាងណា បុត្រមនុស្សក៏នឹងយាងមកយ៉ាងនោះដែរ» (ម៉ាថាយ ២៤:៣៧)។ នៅក្នុងសម័យរបស់លោកណូអេ មនុស្សកំពុងស៊ីផឹក រៀបការ និងលើកកូនឲ្យគេ។ បរិបទនៃការយាងមករបស់បុត្រមនុស្សគឺច្បាស់ណាស់ថាមិនមែននៅក្នុងអំឡុងពេលដែលមានភយន្តរាយដ៏ធំសម្បើមនោះទេ ប៉ុន្តែគឺនៅក្នុងអំឡុងពេលដែលជីវិតមានភាពធម្មតា មុនពេលភយន្តរាយមកដល់ទៅវិញ។ យ៉ាងណាមិញ ការយាងចុះមកលើពពកនឹងកើតឡើងបន្ទាប់ពីភយន្តរាយដ៏ធំសម្បើម។ ហេតុដូច្នេះហើយ បានជាព្រះអម្ចាស់យេស៊ូវមានបន្ទូលជាញឹកញាប់ថា៖ «អ្នកត្រូវតែឃ្លាំមើល និងត្រៀមប្រេងរបស់អ្នក ដើម្បីស្វាគមន៍ព្រះអម្ចាស់»។ នេះមានន័យថា ស្វាគមន៍បុត្រមនុស្សដែលយកកំណើតជាមនុស្ស មុនពេលមានភយន្តរាយ។ ទ្រង់ក៏បានថ្លែងទំនាយអំពីលទ្ធផលផ្សេងៗគ្នាសម្រាប់ស្រីព្រហ្មចារីដែលមានប្រាជ្ញា និងស្រីព្រហ្មចារីដែលល្ងង់ខ្លៅផងដែរ។ អស់អ្នកដែលស្វាគមន៍បុត្រមនុស្សដែលយកកំណើតជាមនុស្ស មុនពេលមានភយន្តរាយ គឺជាស្រីព្រហ្មចារីដែលមានប្រាជ្ញា។ ស្រីព្រហ្មចារីដែលមានប្រាជ្ញាទាំងនេះចូលរួមពិធីជប់លៀងនៃនគរស្ថានសួគ៌ និងអាចឆ្លងកាត់ការជំនុំជម្រះនៅចំពោះបល្ល័ង្ករបស់ព្រះគ្រីស្ទ ដើម្បីត្រូវបានបន្សុទ្ធ។ ពួកគេត្រូវបានធ្វើឱ្យក្លាយជាអ្នកយកឈ្នះ និងចូលទៅក្នុងនគររបស់ព្រះជាម្ចាស់។ ប៉ុន្តែមនុស្សខាងសាសនាដែលទទូចរង់ចាំព្រះអម្ចាស់យាងចុះមកលើពពកដើម្បីស្វាគមន៍ទ្រង់ គឺជាស្រីព្រហ្មចារីដែលល្ងង់ខ្លៅ។ តើនឹងមានផលវិបាកអ្វីខ្លះសម្រាប់អស់អ្នកដែលរង់ចាំមើលព្រះអម្ចាស់យាងចុះមកលើពពក? គឺជាលទ្ធផលដែល «អស់ទាំងពូជមនុស្សនៅលើផែនដីនឹងទ្រហោយំដោយសារទ្រង់»។ នេះច្បាស់ណាស់ថាមានន័យថា ពួកគេបានខកខានឱកាសស្វាគមន៍បុត្រមនុស្សដែលយកកំណើតជាមនុស្ស ហើយត្រូវបានជំនុំជម្រះ ថ្កោលទោស និងដាក់ទោស។ គឺដូចជាថូម៉ាស ដែលបានទទួលស្គាល់ព្រះអម្ចាស់យេស៊ូវថាជាព្រះអម្ចាស់ និងជាព្រះគ្រីស្ទ តែនៅពេលដែលគាត់បានឃើញរូបកាយខាងវិញ្ញាណរបស់ទ្រង់លេចមកប៉ុណ្ណោះ។ ចំពោះរឿងនេះ គាត់ត្រូវបានព្រះអម្ចាស់ថ្កោលទោស។ ដូចដែលព្រះអម្ចាស់យេស៊ូវមានបន្ទូលថា៖ «អ្នកបានជឿដោយសារតែអ្នកបានឃើញខ្ញុំ ដូច្នេះមានពរហើយចំពោះអ្នកណាដែលជឿ ដោយមិនបានឃើញនោះ» (យ៉ូហាន ២០:២៩)។ តាមរយៈនេះ យើងអាចឃើញថា លទ្ធផលនៃអស់អ្នកដែលស្វាគមន៍ព្រះអម្ចាស់មុនពេលមានភយន្តរាយ និងអស់អ្នកដែលស្វាគមន៍ទ្រង់ក្រោយពេលមានភយន្តរាយ គឺខុសគ្នាទាំងស្រុង។ ព្រះរាជបំណងរបស់ព្រះអម្ចាស់គឺចង់ឲ្យមនុស្សស្វាគមន៍ទ្រង់មុនពេលមានភយន្តរាយ ហើយដាច់ខាតមិនមែនបន្ទាប់ពីភយន្តរាយដ៏ធំសម្បើមបានបញ្ចប់នោះទេ។

ឥឡូវនេះ ចូរយើងនិយាយអំពីសារសំខាន់នៃការស្វាគមន៍ព្រះអម្ចាស់មុនពេលមានភយន្តរាយ។ ព្រះអម្ចាស់យេស៊ូវបានមានបន្ទូលថា៖ «ខ្ញុំនៅមានសេចក្ដីជាច្រើនចង់ប្រាប់ដល់អ្នករាល់គ្នា ប៉ុន្តែពេលនេះអ្នករាល់គ្នាមិនអាចទ្រាំនឹងសេចក្ដីទាំងនេះបានទេ។ យ៉ាងណាមិញ កាលណាព្រះវិញ្ញាណនៃសេចក្ដីពិត ទ្រង់យាងមកដល់ នោះទ្រង់នឹងនាំអ្នករាល់គ្នាចូលទៅក្នុងសេចក្ដីពិតគ្រប់យ៉ាង» (យ៉ូហាន ១៦:១២-១៣)។ គម្ពីរវិវរណៈក៏ថ្លែងទំនាយដែរថា៖ «មើលខ្ញុំឈរនៅមាត់ទ្វារទាំងគោះ ប្រសិនបើអ្នកណា ឮសំឡេងខ្ញុំ ហើយបើកទ្វារឲ្យខ្ញុំ នោះខ្ញុំនឹងចូលទៅឯអ្នកនោះ រួចបរិភោគជាមួយអ្នកនោះ ហើយអ្នកនោះ ក៏បរិភោគជាមួយនឹងខ្ញុំដែរ» (វិវរណៈ ៣:២០)។ «អស់អ្នកណាដែលមានជ័យជម្នះ ខ្ញុំនឹងឱ្យអ្នកនោះអង្គុយជាមួយខ្ញុំលើបល្ល័ង្ករបស់ខ្ញុំ ដូចដែលខ្ញុំបានយកឈ្នះ ហើយអង្គុយជាមួយព្រះវរបិតានៃខ្ញុំនៅលើបល្ល័ង្ករបស់ទ្រង់អ៊ីចឹងដែរ» (វិវរណៈ ៣:២១)។ តាមរយៈសេចក្ដីទំនាយទាំងនេះ យើងអាចឃើញ ថាមុនពេលមានភយន្តរាយ ព្រះអម្ចាស់នឹងអនុវត្តកិច្ចការមួយដំណាក់កាល គឺកិច្ចការនៃការជំនុំជម្រះដោយចាប់ផ្ដើមពីដំណាក់ព្រះជាម្ចាស់។ នេះមានន័យថា មុនពេលមានភយន្តរាយ ព្រះអម្ចាស់នឹងសម្ដែងចេញសេចក្ដីពិត និងធ្វើកិច្ចការនៃការជំនុំជម្រះ ដើម្បីបន្សុទ្ធ និងសង្គ្រោះមនុស្សមួយក្រុម ហើយធ្វើឲ្យពួកគេក្លាយជាអ្នកយកឈ្នះ។ អ្នកយកឈ្នះដែលបានថ្លែងទំនាយនៅក្នុងគម្ពីរវិវរណៈ គឺច្បាស់ជា អស់អ្នកដែលត្រូវបានប្រោសឱ្យគ្រប់លក្ខណ៍មុនពេល ឬក្នុងអំឡុងពេលមានភយន្តរាយ។ កន្លងមកយើងសុទ្ធតែធ្លាប់ឮហើយថា នៅពេលភយន្តរាយដ៏ធំសម្បើមចាប់ផ្ដើម ទ្វារនៃសេចក្ដីសង្គ្រោះនឹងត្រូវបិទ។ ពោលគឺ កិច្ចការនៃការសង្គ្រោះរបស់ព្រះជាម្ចាស់នឹងត្រូវបានបញ្ចប់ទាំងស្រុង។ ដូច្នេះ ប្រសិនបើយើងរង់ចាំព្រះអម្ចាស់យាងចុះមកលើពពក ដែលនឹងកើតឡើងនៅចុងបញ្ចប់នៃភយន្តរាយ តើព្រះជាម្ចាស់នៅតែអាចកំពុងធ្វើកិច្ចការនៃការសង្គ្រោះបានទៀតដែរឬទេ? នោះច្បាស់ជាមិនអាចទៅរួចទេ។ ដូចដែលព្រះបន្ទូលរបស់ព្រះដ៏មានគ្រប់ព្រះចេស្ដាមានបន្ទូលថា៖ «មនុស្សជាច្រើនអាចនឹងមិនខ្វាយខ្វល់ពីសម្ដីរបស់ខ្ញុំទេ ប៉ុន្តែខ្ញុំនៅតែចង់ប្រាប់អ្នកដើរតាមព្រះយេស៊ូវ ជាអ្នកដែលហៅខ្លួនឯងជាពួកបរិសុទ្ធថា កាលណាអ្នកឃើញព្រះយេស៊ូវយាងចុះពីស្ថានសួគ៌ផ្ទាល់នឹងភ្នែកលើដុំពពកស នេះហើយជាគ្រាលេចមកជាសាធារណៈរបស់ព្រះអាទិត្យនៃសេចក្ដីសុចរិត។ គ្រានោះអាចជាគ្រាអរសប្បាយយ៉ាងក្រៃលែងសម្រាប់អ្នក យ៉ាងណាក្តី អ្នកគួរដឹងថា គ្រាដែលអ្នកមើលឃើញព្រះយេស៊ូវយាងចុះពីស្ថានសួគ៌ ក៏នឹងជាគ្រាដែលអ្នកត្រូវចុះទៅស្ថាននរកដើម្បីទទួលទុក្ខទោសដែរជាគ្រាដែលការបិទបញ្ចប់នៃផែនការគ្រប់គ្រងរបស់ព្រះជាម្ចាស់ត្រូវបានប្រកាស ហើយដែលព្រះជាម្ចាស់ប្រទានរង្វាន់ដល់មនុស្សល្អ ហើយដាក់ទោសមនុស្សអាក្រក់ដែរ។ ដ្បិតការជំនុំជម្រះរបស់ព្រះជាម្ចាស់នឹងបានបញ្ចប់មុនពេលមនុស្សមើលឃើញទីសម្គាល់ គឺជាគ្រាដែលមានតែសម្ដែងចេញសេចក្ដីពិតប៉ុណ្ណោះ។ អស់អ្នកណាដែលទទួលយកសេចក្ដីពិត មិនស្វែងរកទីសម្គាល់ ហើយត្រូវបានបន្សុទ្ធ នឹងត្រូវនាំមកចំពោះបល្ល័ង្កនៃព្រះជាម្ចាស់ រួចត្រូវចូលទៅក្នុងការឱបក្រសោបពីសំណាក់ព្រះអាទិករ។ មានតែមនុស្សដែលមានះជឿថា 'ព្រះយេស៊ូវដែលមិនយាងចុះមកដោយជិះលើពពកស ជាព្រះគ្រីស្ទក្លែងក្លាយ' ប៉ុណ្ណោះ ដែលនឹងត្រូវទទួលទោសអស់កល្បជានិច្ច ដ្បិតពួកគេជឿតែលើព្រះយេស៊ូវដែលធ្វើសញ្ញាសម្គាល់ តែមិនទទួលស្គាល់ព្រះយេស៊ូវដែលសម្ដែងចេញការជំនុំជម្រះដ៏ធ្ងន់ធ្ងរ និងបញ្ចេញជីវិត និងផ្លូវពិត។ ដូច្នេះ គឺមានតែព្រះយេស៊ូវទេ ទើបអាចដោះស្រាយជាមួយពួកគេបាន នៅពេលទ្រង់យាងត្រឡប់មកវិញដោយបើកចំហ នៅលើពពកស» («ទម្រាំដល់ពេលដែលអ្នកសម្គាល់ឃើញព្រះកាយខាងវិញ្ញាណរបស់ព្រះយេស៊ូវ នោះព្រះជាម្ចាស់បានបង្កើតឋានសួគ៌ និងផែនដីថ្មីរួចស្រេចបាត់ទៅហើយ» នៃសៀវភៅ «ព្រះបន្ទូល» ភាគ១៖ ការលេចមក និងកិច្ចការរបស់ព្រះជាម្ចាស់)។ ព្រះបន្ទូលរបស់ព្រះដ៏មានគ្រប់ព្រះចេស្ដាគឺច្បាស់ជាពិសេស។ យើងអាចនិយាយបានយ៉ាងប្រាកដ ថាអស់អ្នកដែលទទូចស្វាគមន៍ព្រះអម្ចាស់ ទាល់តែទ្រង់យាងចុះមកលើពពកបន្ទាប់ពីមានភយន្តរាយ នឹងប្រឈមមុខនឹងសេចក្ដីវេទនា ពីព្រោះពួកគេនឹងបាត់បង់ឱកាសទទួលយកការជំនុំជម្រះ ត្រូវបានបន្សុទ្ធ និងត្រូវបានសង្គ្រោះ។ ពួកគេនឹងបាត់បង់ឱកាសទទួលយកសេចក្ដីពិតដែលបានសម្ដែងចេញ និងកិច្ចការនៃការជំនុំជម្រះដែលបានធ្វើដោយព្រះវិញ្ញាណនៃសេចក្ដីពិត។ ពួកគេនឹងមិនមានឱកាសឃើញព្រះភ័ក្ត្ររបស់ព្រះជាម្ចាស់ឡើយ។

មហន្តរាយបានចាប់ផ្ដើមរួចហើយ។ កិច្ចការនៃការសង្គ្រោះមនុស្សរបស់ព្រះជាម្ចាស់នឹងបញ្ចប់ក្នុងពេលឆាប់ៗ ហើយបន្ទាប់មកយើងនឹងចូលទៅក្នុងរយៈពេលបីឆ្នាំកន្លះចុងក្រោយនៃភយន្តរាយដ៏ធំសម្បើម។ នោះនឹងជាភយន្តរាយដ៏ធំសម្បើមដែលនឹងបំផ្លាញមនុស្សជាតិទាំងស្រុង។ វាពិតជាគ្រោះថ្នាក់ខ្លាំងណាស់ដែលមិនទាន់បានស្វាគមន៍ព្រះអម្ចាស់នៅពេលនេះ អ្នកអាចបាត់បង់ជីវិតគ្រប់ពេល។ វាពិតជាល្ងង់ខ្លៅខ្លាំងណាស់ដែលមិនស្វែងរក និងត្រួតពិនិត្យផ្លូវពិត ហើយទទួលយកសេចក្ដីពិតទាំងអស់ដែល «បុត្រមនុស្ស» បានសម្ដែងចេញ។ មនុស្សទាំងនេះច្បាស់ជាស្រីព្រហ្មចារីដែលល្ងង់ខ្លៅ ហើយមានតែត្រូវបានព្រះអម្ចាស់បោះបង់ចោល និងជម្រុះចោលប៉ុណ្ណោះ។ យើងអាចនិយាយបានថា ការស្វាគមន៍ព្រះអម្ចាស់ឥឡូវនេះ គឺជារឿងបន្ទាន់បំផុត។ ថាតើអ្នកអាចស្វាគមន៍ព្រះអម្ចាស់ឬអត់នោះមុនពេលមានភយន្តរាយដ៏ធំសម្បើមដែលនឹងបំផ្លាញមនុស្សជាតិ ហើយទទួលយកការជំនុំជម្រះនៃគ្រាចុងក្រោយរបស់ព្រះជាម្ចាស់ដើម្បីត្រូវបានបន្សុទ្ធ នឹងកំណត់ដោយផ្ទាល់នូវលទ្ធផលរបស់អ្នកនៅក្នុងភយន្តរាយដ៏ធំសម្បើម៖ ជីវិត ឬសេចក្ដីស្លាប់!