ចម្រៀងជ័យនៃនគរព្រះ

បណ្ដាជនសាទរអញ ហើយសរសើរតម្កើងអញ គ្រប់មាត់ទាំងអស់ថ្លែងពីព្រះដ៏ពិតតែមួយ ហើយមនុស្សគ្រប់គ្នាងើបភ្នែកមើលស្នាព្រះហស្តរបស់អញ។ នគរព្រះចុះមកលើពិភពមនុស្ស ហើយអង្គរបស់អញសម្បូរភោគទ្រព្យ និងហូរហៀរ។ តើនរណាដែលមិនត្រេកអរចំពោះការនេះ? តើនរណាដែលមិនរាំដោយអំណរ? ឱស៊ីយ៉ូនអើយ! ចូរលើកទង់ជ័យរបស់ឯងឡើង ដើម្បីអបអរអញ! ចូរច្រៀងចម្រៀងជ័យឃោសរបស់ឯង ដើម្បីផ្សាយព្រះនាមដ៏បរិសុទ្ធរបស់អញ! ឱស្នាព្រះហស្ដទាំងអស់ រហូតដល់ចុងបំផុតនៃផែនដីអើយ! ចូររួសរាន់សម្អាតខ្លួនឯងឲ្យបានស្អាត ដើម្បីឲ្យឯងអាចធ្វើជាតង្វាយដល់អញ! ឱហ្វូងផ្កាយនៅលើមេឃអើយ! ចូររួសរាន់ត្រឡប់ទៅកន្លែងរបស់ឯងវិញចុះ ដើម្បីបង្ហាញពីព្រះចេស្ដាដ៏មានអនុភាពរបស់អញនៅក្នុងលំហរអាកាស! អញផ្ទៀងព្រះកាណ៌របស់អញ ស្ដាប់សម្លេងមនុស្សនៅលើផែនដី គឺមនុស្សដែលបង្ហូរក្ដីស្រលាញ់ និងការគោរពគ្មានព្រំដែនចំពោះអញតាមរយៈបទចម្រៀង! នៅថ្ងៃនេះ នៅពេលដែលស្នាព្រះហស្ដទាំងអស់មានជីវិតឡើងវិញ នោះអញក៏យាងចុះមកក្នុងពិភពមនុស្ស។ នៅខណៈពេលនេះ គឺនៅខណៈពេលដ៏រីករាយនេះ ផ្កាទាំងអស់ក៏រីកស្គុសស្គាយ ហើយបក្សាបក្សីទាំងអស់ក៏ស្រែកច្រៀងត្រសង អ្វីៗទាំងអស់កក្រើកដោយអំណរ! នគររបស់សាតាំងក៏ដួលរលំដោយសារសម្លេងគំនាប់នៃនគរព្រះ គឺត្រូវបំផ្លាញដោយសម្លេងផ្គរលាន់នៃចម្រៀងជ័យរបស់នគរព្រះ ហើយមិនអាចងើបឡើងវិញបានទៀតឡើយ!

នៅលើផែនដី តើនរណាហ៊ានក្រោកឡើង ហើយតតាំង? នៅពេលអញយាងចុះមកផែនដី អញនាំយកភ្លើង យកសេចក្ដីក្រោធ និងយកគ្រោះហមន្ដរាយគ្រប់បែបយ៉ាងមក។ ឥលូវនេះ នគរនៅលើផែនដី គឺជានគររបស់អញ! នៅលើមេឃ ពពកវិលចុះវិលឡើង ហើយនៅក្រោមមេឃ បឹងបួរ និងទន្លេក៏កញ្ជ្រោលឡើង ជាបទភ្លេងដ៏ពីរោះរណ្ដំ។ សត្វទាំងពួងដែលកំពុងសម្រាក ក៏ស្ទុះងើបចេញពីរូងរបស់ខ្លួនមក មនុស្សម្នាទាំងពួង ក៏ងើបពីភាពលង់លក់របស់ខ្លួនដោយសារអញ។ ទីបំផុត ថ្ងៃដែលមនុស្សដ៏ច្រើនលើសលប់បានទន្ទឹងរង់ចាំ ក៏មកដល់! ពួកគេក៏ច្រៀងបទចម្រៀងដ៏ពីរោះបំផុតថ្វាយដល់អញ!

នៅវេលាដ៏ស្រស់ត្រកាលនេះ គឺនៅវេលាដ៏រំភើបរីករាយនេះ ការសរសើរតម្កើងក៏បន្លឺឡើងនៅគ្រប់ទីកន្លែង ទាំងនៅស្ថានសួគ៌ខាងលើ និងផែនដីខាងក្រោម។ 

តើនរណាដែលមិនរំភើបចំពោះរឿងនេះ? 

តើដួងចិត្តរបស់នរណាដែលមិនធូរស្រាល?

តើនរណាដែលមិនសម្រក់ទឹកភ្នែក ពេល ឃើញទិដ្ឋភាពនេះ?

ផ្ទៃមេឃ មិនមែនជាផ្ទៃមេឃចាស់ទេ ប៉ុន្ដែឥលូវនេះ គឺជាផ្ទៃមេឃនៃនគរព្រះវិញ។

ផែនដីលែងជាផែនដីកាលពីមុនទៀតហើយ ប៉ុន្ដែឥលូវនេះ គឺជាទឹកដីដ៏បរិសុទ្ធវិញ។

ក្រោយភ្លៀងមួយមេធំបានកន្លងទៅ ពិភពលោកចាស់ដ៏ស្មោកគ្រោក ក៏បានត្រលប់ជាពិភពលោកថ្មីទាំងស្រុង។

ភ្នំនានាកំពុងផ្លាស់ប្ដូរ... ទឹកក៏កំពុងផ្លាស់ប្ដូរ...

មនុស្សក៏កំពុងផ្លាស់ប្ដូរដែរ... គឺអ្វីៗទាំងអស់កំពុងផ្លាស់ប្ដូរ...។

ឱភ្នំដ៏ស្ងាត់ជ្រងំអើយ! ចូរក្រោកឡើង ហើយរាំថ្វាយអញ!

ឱទឹកដ៏នឹងថ្កល់អើយ! ចូរបន្ដហូរដោយ សេរីចុះ!

ឯងរាល់គ្នា ជាមនុស្សដែលកំពុងសុបិន អើយ! ចូរក្រោកឡើង ហើយដេញតាមក្ដីសុបិនទាំងនោះចុះ!

អញយាងមកហើយ.... អញគឺជាមហាក្សត្រ...

មនុស្សជាតិទាំងអស់នឹងឃើញព្រះភ័ក្រ្ដរបស់អញដោយភ្នែករបស់ពួកគេផ្ទាល់

ពួកគេនឹងស្ដាប់ឮព្រះសូរសៀងរបស់អញដោយត្រចៀករបស់ពួកគេផ្ទាល់

ហើយពួកគេរស់ក្នុងជីវិតនៃនគរព្រះ ដោយបញ្ញាចិត្តជ្រះថ្លា...។

ពិតជាផ្អែមល្ហែមណាស់... ពិតជាស្រស់ស្អាតណាស់...

បំភ្លេចមិនបានទេ....

មិនអាចបំភ្លេចបានទេ...។

នាគក្រហមដ៏ធំកំពុងប្រតាយប្រតប់ក្នុង ក្នុងកំសួលនៃសេចក្ដីក្រោធរបស់អញ

អារក្សក៏បង្ហាញរូបពិតរបស់វានៅក្នុងការ ជំនុំជម្រះដ៏អស្ចារ្យរបស់អញ

មនុស្សទាំងអស់មានអារម្មណ៍ខ្មាស ពេលឮព្រះបន្ទូលដ៏ប្រឹតប្រៀនរបស់អញ

និងគ្មានកន្លែងណាលាក់ខ្លួនឡើយ។

ពួកគេនឹកឃើញអតីតកាល នឹកឃើញ ពីរបៀបដែលពួកគេបានចំអក និងបានមើលងាយអញ។

គ្មានពេលណាដែលពួកគេមិនបានសម្ញែងខ្លួនឯងឡើយ

ហើយគ្មានពេលណាដែលពួកគេមិនបានបំពានលើអញឡើយ។

ថ្ងៃនេះ តើនរណាមិនស្រក់ទឹកភ្នែក? តើនរណាមិនមានអារម្មណ៍ស្ដាយក្រោយ?

ពិភពចក្រវាឡទាំងមូលពោរពេញដោយទំនួញសោក...

ពេញដោយសម្លេងត្រេកអរ...និងសម្លេងសើចក្អាកក្អាយ...

ឱក្ដីអំណរដែលគ្មានអ្វីប្រៀបបាន... ឱក្ដីអំណរដែលគ្មានអ្វីប្រៀបស្មើ...។

ភ្លៀងកំពុងរលឹមតិចៗ... ព្រិលក៏កំពុងធ្លាក់មកទាំងដុំៗ...យ៉ាងក្រាស់…

នៅក្នុងខ្លួនមនុស្ស ទុក្ខព្រួយ និងអំណរ កំពុងលាយឡំគ្នា... អ្នកខ្លះកំពុងសើចក្អាក ក្អាយ...

អ្នកខ្លះកំពុងយំខ្សឹកខ្សួល... ហើយអ្នកខ្លះ ទៀតកំពុងអបអរ...

មនុស្សគ្រប់គ្នាហាក់ដូចជាភ្លេចហើយថា....

នេះគឺជារដូវផ្ការីកដែលសម្បូរទឹកភ្លៀង និងពពក

ជារដូវក្ដៅដែលសម្បូរផ្ការីក ជាសរទរដូវ ដែលប្រមូលផលបានច្រើន 

ឬជារដូវលំហើយដែលត្រជាក់ដូចជាកំណកសន្សើម និងទឹកកក គ្មាននរណាម្នាក់ដឹងឡើយ...។

នៅលើមេឃ ពពកកំពុងរសាត់ ហើយនៅលើផែនដី មហាសមុទ្រឡើងកករ។

កូនប្រុសៗគ្រវីដៃរបស់ពួកគេ.... បណ្ដាជនក៏កម្រើកជើងរបស់ខ្លួនរាំ...

ទេវតាកំពុងធ្វើការ... ទេវតាកំពុងឃ្វាល ចៀម...

មនុស្សនៅលើផែនដីទាំងអស់ញាប់ដៃញាប់ជើង ហើយអ្វីៗទាំងអស់នៅលើផែនដី ក៏ពហុគុណឡើងដែរ។

ខាង​ដើម៖ ជំពូកទី ១០

បន្ទាប់៖ ជំពូកទី ១១

តើយើងគួរអធិស្ឋានយ៉ាងដូចម្ដេច ដើម្បីឲ្យព្រះជាម្ចាស់ទ្រង់សណ្ដាប់? សូមទាក់ទងមកកាន់យើងខ្ញុំ ដើម្បីស្វែងរកដំណោះស្រាយ។
សូមទាក់ទងមកកាន់យើងខ្ញុំ
សូមទាក់ទងមកកាន់យើងខ្ញុំ តាមរយៈMessenger

ខ្លឹមសារ​ពាក់ព័ន្ធ

អំពីបទពិសោធន៍

តាមរយៈបទពិសោធន៍របស់លោកពេត្រុស គាត់បានឆ្លងកាត់ ការល្បងលរាប់រយដងមកហើយ។ បើទោះបីជាមនុស្សសព្វថ្ងៃ នេះដឹងអំពីពាក្យថា “ការល្បងល”...

យកចិត្តទុកដាក់បន្ថែមលើតថភាព

មនុស្សគ្រប់រូបអាចក្លាយជាមនុស្សគ្រប់លក្ខណ៍ដោយសារព្រះជាម្ចាស់ ដូច្នេះហើយ គ្រប់គ្នាគួរតែយល់ថា ការបម្រើព្រះបែបណាសមស្របបំផុតនឹងព្រះហឫទ័យទ្រង់។...

អ្នកគួរតែស្ដាប់បង្គាប់ព្រះជាម្ចាស់ នៅក្នុងជំនឿដែលអ្នកជឿដល់ទ្រង់

ហេតុអ្វីបានជាអ្នកជឿលើព្រះជាម្ចាស់? មនុស្សភាគច្រើនត្រូវស្រឡាំង កាំង ដោយសារតែសំណួរនេះ។ ពួកគេតែងតែមានទស្សនៈពីរផ្ទុយគ្នាស្រឡះអំពីព្រះដ៏សកម្ម...

ការកំណត់

  • អត្ថបទ
  • ប្រធានបទ

ពណ៌​ដិតច្បាស់

ប្រធានបទ

ប្រភេទ​អក្សរ

ទំហំ​អក្សរ

ចម្លោះ​បន្ទាត់

ចម្លោះ​បន្ទាត់

ប្រវែងទទឹង​ទំព័រ

មាតិកា

ស្វែងរក

  • ស្វែង​រក​អត្ថបទ​នេះ
  • ស្វែង​រក​សៀវភៅ​នេះ