តើអ្នកដឹងអ្វីខ្លះអំពីសេចក្តីជំនឿ?

នៅក្នុងមនុស្សមានតែពាក្យមិនច្បាស់លាស់អំពីសេចក្តីជំនឿ ប៉ុន្តែមនុស្សមិនបាន ដឹងអំពីអ្វីដែលផ្សំគ្នាឡើងឲ្យមានសេចក្តីជំនឿ និងកាន់តែមិនដឹងពីហេតុផលដែលនាំឲ្យគេ មានសេចក្តីជំនឿនោះឡើយ។ មនុស្សមានការយល់ដឹងតិចតួចណាស់ ហើយមនុស្សខ្លួន ឯងផ្ទាល់ក៏កំពុងតែខ្វះខាតច្រើនពេកហើយ ព្រោះថាសេចក្តីជំនឿរបស់គេ ចំពោះអញ ជាសេចក្តីជំនឿខ្វះការពិចារណា និងល្ងិតល្ងង់។ ទោះបីជាគេមិន ដឹងថាអ្វីជាសេចក្តីជំនឿ ឬមិនដឹងពីហេតុផលដែលនាំឲ្យគេមានសេចក្តីជំនឿលើអញ ក៏ដោយ ក៏គេបន្តជឿលើអញទាំងគិតមមៃ។ អ្វីដែលអញទាម ទារពីមនុស្ស គឺមិនគ្រាន់តែឲ្យគេអំពាវនាវរកអញទាំងមមៃបែបនេះ ឬជឿលើអញដោយគ្មាន ទិសដៅបែបនេះឡើយ ដ្បិតកិច្ចការដែលអញធ្វើ គឺដើម្បីឲ្យមនុស្សអាចមើលឃើញ និង ស្គាល់អញ មិនមែនឲ្យមនុស្សដក់អារម្មណ៍នឹងអញ និងមើលមកអញ ដោយទស្សនៈមួយថ្មីនោះឡើយ។ អញធ្លាប់សម្ដែងទីសម្គាល់ ការអស្ចារ្យ និង ធ្វើការឫទ្ធិបារមីជាច្រើន ហើយពួកអ៊ីស្រាអែលនៅសម័យនោះក៏បានបង្ហាញនូវការកោត សរសើរ និងការគោរពស្ញប់ស្ញែងយ៉ាងខ្លាំង ចំពោះសមត្ថភាពដ៏អស្ចារ្យរបស់អញ ក្នុងការ ប្រោសអ្នកជំងឺឲ្យជា និងការបណ្ដេញអារក្ស។ នៅគ្រានោះ ពួកយូដាបានគិតថា ព្រះចេស្ដា ប្រោសឲ្យជារបស់អញ គឺជាកិច្ចការដ៏ប៉ិនប្រសប់អស្ចារ្យ ហើយដោយសារតែ ទង្វើជាច្រើនរបស់អញ ពួកគេគ្រប់គ្នាបានគោរពចំពោះអញ ហើយនិងមានអារម្មណ៍កោត សរសើរយ៉ាងខ្លាំងចំពោះគ្រប់ទាំងព្រះចេស្ដារបស់អញ។ ដូច្នេះ មនុស្សគ្រប់គ្នាដែលបាន ឃើញអញធ្វើការអស្ចារ្យ បានដើរតាមអញយ៉ាងប្រកិត រហូតដល់ ថ្នាក់មានមនុស្សរាប់ពាន់នាក់ដែលបានហ៊ុមព័ទ្ធជុំវិញអញ ដើម្បីមើលអញប្រោសអ្នកជំងឺ ឲ្យជា។ អញបានសម្ដែងទីសម្គាល់ និងការអស្ចារ្យជាច្រើន ប៉ុន្តែ មនុស្សចាត់ទុកអញត្រឹម ជាគ្រូពេទ្យដ៏ពូកែម្នាក់ប៉ុណ្ណោះ ហើយអញក៏ បានចែកចាយសេចក្តីបង្រៀនជាច្រើនទៅកាន់មនុស្សនៅសម័យនោះផងដែរ ប៉ុន្តែ ពួកគេចាត់ទុកអញ ត្រឹមជាបរមគ្រូម្នាក់ចំពោះពួកសិស្សរបស់គាត់តែប៉ុណ្ណោះ។ សូម្បីតែសព្វថ្ងៃនេះក៏ដោយ ក្រោយពេលមនុស្សបានឃើញកំណត់ត្រាប្រវត្តិសាស្ត្រនៃ កិច្ចការរបស់អញ ក៏ពួកគេបន្តកាត់ស្រាយថា អញជាគ្រូពេទ្យដ៏ពូកែ ដែលបានប្រោសអ្នក ជំងឺឲ្យជា និងជាគ្រូបង្រៀនដល់មនុស្សល្ងិតល្ងង់ ហើយពួកគេបានបរិយាយពីអញ ថា អញជាព្រះអម្ចាស់ព្រះយេស៊ូវគ្រីស្ទដ៏មានមេត្តាករុណា។ អស់អ្នកដែលកាត់ស្រាយ បទគម្ពីរ អាចមានជំនាញពូកែលើសអញនៅក្នុងការប្រោសឲ្យជា ឬមួយពេលនេះ គេអាច ក្លាយជាសិស្សដែលពូកែលើសគ្រូរបស់គេ ប៉ុន្តែ មនុស្សពូកែ ដែលមានកិត្តិនាមល្បីរន្ទឺ មានកេរ្តិ៍ឈ្មោះល្បីល្បាញនៅជុំវិញពិភពលោកទាំងនេះ ចាត់ទុក អញត្រឹមតែជាគ្រូពេទ្យដ៏តូចទាបម្នាក់ប៉ុណ្ណោះ។ ទង្វើរបស់អញមានចំនួនច្រើនជាងគ្រាប់ខ្សាច់នៅតាមឆ្នេរសមុទ្រ ហើយព្រះប្រាជ្ញាញាណ របស់អញទៀតសោត ក៏ខ្ពង់ខ្ពស់លើសបុត្រាទាំងអស់របស់ព្រះបាទសាឡូម៉ូនផងដែរ ប៉ុន្តែ មនុស្សគិតត្រឹមថា អញជាគ្រូពេទ្យម្នាក់ដែលមិនសូវល្បី និង ជាគ្រូបង្រៀនម្នាក់ដែលគ្មានមនុស្សណាស្គាល់សោះ។ មនុស្សជាច្រើនជឿលើអញ ដើម្បីឲ្យអញប្រោសគេឲ្យជាតែប៉ុណ្ណោះ។ មនុស្សជាច្រើនជឿលើអញ ដើម្បីឲ្យអញប្រើព្រះចេស្ដា បណ្ដេញវិញ្ញាណស្មោកគ្រោកចេញពីរូបកាយរបស់គេ មនុស្សជាច្រើនជឿលើអញ ដើម្បីឲ្យតែបានសេចក្តីសុខសាន្ត និងសេចក្តីអំណរពីអញប៉ុណ្ណោះ។ មនុស្សជាច្រើន ដើម្បីទាមទារចង់បានទ្រព្យសម្បត្តិកាន់តែច្រើនពីអញ។ មនុស្សជាច្រើនជឿលើអញ ដើម្បី ឲ្យជីវិតនេះអាចរស់នៅយ៉ាងសុខសាន្ត និងមានសុវត្ថិភាពល្អ នៅលោកខាងមុខ តែប៉ុណ្ណោះ។ មនុស្សជាច្រើនជឿលើអញ ដើម្បីឲ្យបានរួចខ្លួនពីទុក្ខវេទនានៃស្ថាននរក និង ដើម្បីទទួលបានព្រះពរនៃស្ថានសួគ៌។ មនុស្សជាច្រើនជឿលើអញ ដើម្បីភាពស្រាកស្រាន្ត មួយរយៈខ្លី ប៉ុន្តែ គេមិនព្យាយាមដើម្បីឲ្យបានអ្វីៗដែលមាននៅលោកខាងមុខឡើយ។ នៅពេលដែលអញ សម្ដែងព្រះពិរោធទៅលើមនុស្ស ហើយដកហូតរាល់ទាំងសេចក្តីអំណរ និងសេចក្តីសុខ សាន្តដែលគេធ្លាប់មាន នោះមនុស្សចាប់ផ្ដើមមានចិត្តសង្ស័យ។ ពេលដែលអញប្រគល់ទុក្ខ វេទនានៃស្ថាននរកឲ្យទៅមនុស្ស ហើយយកព្រះពរនៃស្ថានសួគ៌មកវិញ នោះសេចក្តីអាម៉ាស់របស់មនុស្សប្រែក្លាយជាកំហឹង។ ពេលមនុស្សទូលសុំឲ្យ អញប្រោសគេឲ្យជា អញមិនស្ដាប់ឡើយ ហើយមានអារម្មណ៍ស្អប់ខ្ពើមគេយ៉ាងខ្លាំងទៀត ផង។ មនុស្សបានចាកចេញពីអញ ហើយបែរទៅរកវិធីព្យាបាលតាមផ្លូវងងឹត និងអំពើ អាបធ្មប់។ នៅពេលដែលអញដកហូតអ្វីៗគ្រប់យ៉ាងដែលមនុស្សបានទាមទារពីអញ ស្រាប់តែមនុស្សគ្រប់គ្នាបាត់ស្រមោលឈឹង ទាំងគ្មានបន្សល់ដានអ្វីឡើយ។ បើដូច្នេះ អញ អាចនិយាយបានថា មនុស្សមានជំនឿលើអញ ដោយសារតែអញប្រទានព្រះគុណច្រើន ពេក ហើយពួកគេទទួលបានប្រយោជន៍ច្រើនពេក។ ពួកយូដាបានជឿលើអញ ដើម្បីបានព្រះគុណរបស់អញ ហើយបានដើរតាមអញទៅគ្រប់ទីកន្លែងដែលអញ បានទៅផង។ មនុស្សល្ងិតល្ងង់ដែលមានចំណេះដឹង និងបទពិសោធន៍ដ៏មានកម្រិតទាំង នេះ បានស្វែងរកអញ ដើម្បីចង់ឃើញទីសម្គាល់ និងការអស្ចារ្យដែលអញបានធ្វើ តែប៉ុណ្ណោះ។ ពួកគេបានចាត់ទុកអញជាមេគ្រួសាររបស់ពួកយូដា ដែលអាចសម្ដែងការឫទ្ធិ បារមីដ៏ពូកែបំផុត។ ហើយនៅពេលដែលអញបានបណ្ដេញអារក្សចេញពីមនុស្ស វាក៏បាន ធ្វើឲ្យមានការពិភាក្សាជាច្រើននៅក្នុងចំណោមពួកគេ៖ ពួកគេបាននិយាយថា អញ ជាលោកអេលីយ៉ា ថាអញជាលោកម៉ូសេ ថាអញជាហោរាដ៏ចំណាស់បំផុត ក្នុងចំណោម ពួកហោរាទាំងអស់នាសម័យបុរាណ ឬថាអញជាគ្រូពេទ្យដ៏ពូកែជាងគេបំផុត។ ក្រៅពីអញ ផ្ទាល់ដែលមានបន្ទូលថា អញជាជីវិត ជាផ្លូវ និងជាសេចក្តីពិត គ្មាននរណាម្នាក់អាច ស្គាល់អង្គអញ ឬអត្តសញ្ញាណរបស់អញបានឡើយ។ ក្រៅពីអញផ្ទាល់ដែលមាន បន្ទូលថា ស្ថានសួគ៌ជាកន្លែងមួយដែលព្រះវរបិតាអញគង់នៅ គ្មាននរណាម្នាក់បានដឹង ឡើយថា អញជាព្រះបុត្រានៃព្រះ ហើយក៏ជាព្រះជាម្ចាស់ផ្ទាល់ផងដែរ។ ក្រៅពីអញផ្ទាល់ ដែលមានបន្ទូលថា អញនឹងនាំសេចក្តីប្រោសលោះ ទៅឲ្យមនុស្សលោកទាំង អស់ ហើយបង់ថ្លៃលោះយកមនុស្ស គ្មាននរណាម្នាក់បានដឹងថា អញជាព្រះដែលប្រោស លោះមនុស្សលោក ហើយមនុស្សស្គាល់អញ ត្រឹមតែជាមនុស្សម្នាក់ដែលមានចិត្តមេត្តា និងចិត្តក្ដួលអាណិតប៉ុណ្ណោះ។ ហើយក្រៅពីអញផ្ទាល់ ដែលអាចពន្យល់គ្រប់ទាំងសេចក្តី អំពីខ្លួនអញ នោះគ្មាននរណាម្នាក់បានស្គាល់អញ ហើយក៏គ្មាននរណាម្នាក់ជឿថា អញ ជាព្រះរាជបុត្រារបស់ព្រះដ៏មានព្រះជន្មរស់នោះដែរ។ នេះហើយគឺជាសេចក្តីជំនឿរបស់ មនុស្សដែលមានចំពោះអញ និងជារបៀបដែលគេព្យាយាមបញ្ឆោតអញ។ តើពួកគេ អាចធ្វើបន្ទាល់អំពីអញយ៉ាងដូចម្ដេច ខណៈពេលដែលគេមានទស្សនៈបែបនេះ ចំពោះអញ?

មនុស្សជឿលើអញ ប៉ុន្តែ ពួកគេគ្មានសមត្ថភាពធ្វើបន្ទាល់ពីអញ ហើយពួកគេក៏ មិនអាចផ្ដល់សក្ខីភាពសម្រាប់អញ មុនពេលអញធ្វើឲ្យមនុស្សស្គាល់អញនោះដែរ។ មនុស្សបានត្រឹមមើលឃើញថា អញមានភាពប្រសើរលើសពួកមនុស្សលោក និងមនុស្ស បរិសុទ្ធទាំងអស់ ហើយមើលឃើញថា កិច្ចការដែលអញធ្វើ មនុស្សមិនអាច ធ្វើបានឡើយ។ ដូច្នេះ តាំងពីពួកយូដា រហូតដល់មនុស្សនាពេលសព្វថ្ងៃ មនុស្សគ្រប់គ្នា ដែលបានឃើញនូវទង្វើដ៏ពេញដោយសិរីល្អរបស់អញ បានពេញដោយភាពចង់ដឹងចង់ ស្គាល់អំពីអញ ហើយគ្មានមាត់មនុស្សលោកណាម្នាក់ ដែលអាចធ្វើបន្ទាល់ពី អញនោះឡើយ។ មានតែព្រះបិតាអញប៉ុណ្ណោះ ដែលអាចធ្វើបន្ទាល់ពីអញ និងបាន រៀបចំផ្លូវសម្រាប់អញ នៅក្នុងចំណោមមនុស្សលោកទាំងអស់។ បើទ្រង់មិនបានធ្វើទេ ទោះបីអញខំប្រឹងបែបណា ក៏មនុស្សនឹងគ្មានផ្លូវដឹងថា អញគឺជាព្រះអម្ចាស់នៃសកល លោកនេះដែរ ព្រោះថាមនុស្សដឹងតែចង់បានពីអញ ហើយគេគ្មានសេចក្តីជំនឿលើអញ ចេញពីលទ្ធផលនៃកិច្ចការរបស់អញឡើយ។ មនុស្សស្គាល់អញ ដោយសារតែអញជា មនុស្សស្លូតត្រង់ និងគ្មានបាបសោះឡើយ។ ពួកគេស្គាល់អញ ដោយសារតែអញអាច ពន្យល់ពីសេចក្តីលាក់កំបាំងជាច្រើន ដោយសារតែអញមានឋានៈខ្ពស់ជាងបណ្ដាជន ឬដោយសារតែមនុស្សបានទទួលប្រយោជន៍យ៉ាងច្រើនពីអញ ប៉ុន្តែ មានមនុស្សតិចតួច ណាស់ដែលជឿថា អញជាព្រះអម្ចាស់នៃសកលលោកទាំងមូល។ នេះជាហេតុផលដែល អញនិយាយថា មនុស្សមិនដឹងអំពីហេតុផលដែលគេមានជំនឿលើអញឡើយ។ គេមិន ដឹងអំពីគោលបំណង ឬសារៈសំខាន់នៃសេចក្តីជំនឿរបស់គេចំពោះអញឡើយ។ គេកំពុងតែខ្វះតថភាពជាមនុស្ស ដែលជាហេតុនាំឲ្យគេមិនសក្តិសមនឹងធ្វើបន្ទាល់ ពីអញឡើយ។ អ្នករាល់គ្នាមានសេចក្តីជំនឿដ៏ពិតតិចពេក ហើយក៏បានទទួលតិចពេក ផងដែរ ដូច្នេះ អ្នករាល់គ្នាមានសក្ខីភាពតិចពេកហើយ។ លើសពីនេះទៅទៀត អ្នករាល់គ្នា មានការយល់ដឹងតិចពេក និងនៅខ្វះខាតច្រើនណាស់ ដូច្នេះ អ្នកសឹងតែ មិនសមមកធ្វើបន្ទាល់ពីទង្វើរបស់អញផង។ ពិតណាស់ ការតាំងចិត្តរបស់អ្នករាល់ គ្នា គួរជាទីពិចារណា ប៉ុន្តែ តើអ្នករាល់គ្នាប្រាកដច្បាស់ដែរឬទេថា អ្នកនឹងអាចធ្វើ បន្ទាល់ពីលក្ខណៈរបស់ព្រះជាម្ចាស់បានដោយជោគជ័យ? អ្វីដែលអ្នករាល់គ្នាបានពិសោធ និងបានឃើញ គឺប្រសើរជាងពួកបរិសុទ្ធ និង ពួកហោរាពីគ្រប់សម័យកាលទៅទៀត ប៉ុន្តែ តើអ្នករាល់គ្នាអាចធ្វើទីបន្ទាល់ឲ្យបានប្រសើរ ជាងពួកបរិសុទ្ធ និងពួកហោរាពីសម័យបុរាណទាំងនេះដែរឬទេ? អ្វីដែលអញប្រទានឲ្យ អ្នករាល់គ្នាឥឡូវនេះ គឺប្រសើរលើសលោកម៉ូសេ ហើយច្រើនជាងដាវីឌផង ដូច្នេះ អញ ក៏សុំឲ្យទីបន្ទាល់របស់អ្នករាល់គ្នា ល្អលើសម៉ូសេ ហើយសុំឲ្យពាក្យរបស់អ្នករាល់គ្នា អស្ចារ្យ ជាងដាវីឌផងដែរ។ អញប្រទានដល់អ្នករាល់គ្នាលើសគេមួយរយដង ដូច្នេះ អញតម្រូវឲ្យអ្នករាល់គ្នាតបស្នងមកអញវិញដូចគ្នាផងដែរ។ អ្នកត្រូវតែដឹងថា អញគឺជា ព្រះមួយអង្គដែលប្រទានជីវិតដល់មនុស្សលោក គឺជាអ្នករាល់គ្នាហើយ ដែលទទួលបាននូវ ជីវិតពីអញ និងត្រូវធ្វើបន្ទាល់សម្រាប់អញ។ នេះជាភារកិច្ច ដែលអញប្រទានដល់អ្នក រាល់គ្នា ហើយវាជាអ្វីដែលអ្នករាល់គ្នាគួរតែធ្វើសម្រាប់អញ។ អញបានប្រទាននូវសិរីល្អ ទាំងអស់របស់អញ ដល់អ្នករាល់គ្នា អញបានប្រទានដល់អ្នករាល់គ្នានូវជីវិត ដែលពួក អ៊ីស្រាអែល ជាមនុស្សរើសតាំងរបស់អញ មិនធ្លាប់បានទទួលពីមុនឡើយ។ តាមត្រូវ អ្នករាល់គ្នាគួរតែធ្វើបន្ទាល់ពីអញ ហើយថ្វាយភាពយុវវ័យរបស់អ្នក និងលះបង់ជីវិតរបស់អ្នកសម្រាប់អញ។ អស់អ្នកណាដែលអញប្រទានសិរីល្អអញដល់ ដល់គេ អ្នកនោះនឹងត្រូវធ្វើបន្ទាល់ពីអញ និងថ្វាយជីវិតរបស់គេសម្រាប់អញ។ នេះជាសេចក្ដីដែលអញបានកំណត់ទុកយូរណាស់មកហើយ។ សំណាងល្អហើយដែល អញប្រទានសិរីល្អរបស់អញដល់អ្នករាល់គ្នា ហើយ ភារកិច្ចរបស់អ្នករាល់គ្នា គឺត្រូវធ្វើបន្ទាល់ពីសិរីល្អរបស់អញ។ បើអ្នករាល់គ្នាជឿលើអញ ដោយគ្រាន់តែចង់បានព្រះពរ នោះកិច្ចការរបស់អញនឹងទទួលបាននូវសារៈសំខាន់ តិចតួចបំផុត ហើយអ្នករាល់គ្នានឹងមិនបំពេញភារកិច្ចរបស់អ្នករាល់គ្នាឡើយ។ ពួកអ៊ីស្រាអែលបានឃើញតែសេចក្តីមេត្តា សេចក្តីស្រឡាញ់ និងភាពធំឧត្ដមរបស់ អញប៉ុណ្ណោះ ហើយពួកយូដាបានឃើញព្រះទ័យអត់ធ្មត់ និងការប្រោសលោះរបស់ អញផ្ទាល់ភ្នែកដែរ។ ពួកគេបានឃើញ កិច្ចការនៃព្រះវិញ្ញាណរបស់អញតិចតួចបំផុត គឺថា ពួកគេយល់បានតែមួយភាគមួយម៉ឺននៃអ្វីដែលអ្នករាល់គ្នាបានឮ និងបានឃើញប៉ុណ្ណោះ។ អ្វីដែលអ្នករាល់គ្នាបានឃើញ គឺប្រសើរជាង ពួកសម្ដេចសង្ឃដែលស្ថិតនៅក្នុងចំណោមពួកគេទៅទៀត។ សេចក្តីពិតដែលអ្នករាល់គ្នា យល់នាពេលសព្វថ្ងៃ គឺប្រសើរលើសសេចក្តីពិតដែលគេយល់ទៅទៀត។ អ្វីដែលអ្នករាល់ គ្នាបានឃើញនាពេលសព្វថ្ងៃ គឺប្រសើរលើសអ្វីដែលគេបានឃើញ នៅក្នុងយុគសម័យនៃ ក្រឹត្យវិន័យ ក៏ដូចជាយុគសម័យនៃព្រះគុណទៅទៀត ហើយសេចក្ដីអ្វីដែលអ្នករាល់គ្នាបាន ពិសោធ ក៏លើសទាំងលោកម៉ូសេ និងលោកអេលីយ៉ាផងដែរ។ ដ្បិតអ្វីដែល ពួកអ៊ីស្រាអែលបានយល់ គឺគ្រាន់តែជាក្រឹត្យវិន័យរបស់ព្រះយេហូវ៉ា ហើយអ្វីដែលពួកគេ បានឃើញ គឺគ្រាន់តែជាប្រឹស្ដាង្គរបស់ព្រះយេហូវ៉ាប៉ុណ្ណោះ។ អ្វីដែលពួកយូដាបាន យល់ គ្រាន់តែជាការប្រោសលោះរបស់ព្រះយេស៊ូវ។ អ្វីដែលពួកគេបានទទួល គ្រាន់តែជា ព្រះគុណដែលព្រះយេស៊ូវបានប្រទានមក ហើយអ្វីដែលពួកគេបានឃើញ គឺគ្រាន់តែជារូប អង្គរបស់ព្រះយេស៊ូវ នៅក្នុងផ្ទះរបស់សាសន៍យូដាប៉ុណ្ណោះ។ អ្វីដែលអ្នករាល់គ្នាមើល ឃើញសព្វថ្ងៃ គឺជាសិរីល្អរបស់ព្រះយេហូវ៉ា ការប្រោសលោះរបស់ព្រះយេស៊ូវ និងគ្រប់ទាំង ទង្វើរបស់អញនៅសម័យនេះ។ ដូច្នេះ អ្នកក៏បានឮអំពីព្រះបន្ទូលនៃ ព្រះវិញ្ញាណរបស់អញ បានកោតសរសើរព្រះប្រាជ្ញាញាណរបស់អញ មកស្គាល់ ពីឫទ្ធិបារមីរបស់អញ និងបានរៀនអំពីនិស្ស័យរបស់អញផង។ អញក៏បានប្រាប់ អ្នករាល់គ្នាអំពីផែនការគ្រប់គ្រងទាំងអស់របស់អញដែរ។ អ្វីដែលអ្នករាល់គ្នាបានឃើញ មិនគ្រាន់តែជាព្រះជាម្ចាស់ដ៏ពេញដោយសេចក្តីស្រឡាញ់ និងក្តីមេត្តាប៉ុណ្ណោះទេ ប៉ុន្តែក៏ជាព្រះដ៏ពេញដោយសេចក្តីសុចរិតផងដែរ។ អ្នកបានឃើញ កិច្ចការដ៏អស្ចារ្យរបស់អញ និងបានដឹងហើយថា អញពេញពោរដោយព្រះចេស្ដា និង ព្រះពិរោធ។ លើសពីនេះទៅទៀត អ្នកដឹងថា អញធ្លាប់នាំ សេចក្តីពិរោធរបស់អញមក លើពូជពង្សអ៊ីស្រាអែល ហើយដឹងថា នៅថ្ងៃនេះ សេចក្ដីពិរោធនេះបានមកដល់អ្នក រាល់គ្នាហើយ។ អ្នករាល់គ្នាយល់អំពីសេចក្តីលាក់កំបាំងរបស់អញនៅឯស្ថានសួគ៌ ច្រើន​ ជាងលោកអេសាយ និងលោកយ៉ូហានទៅទៀតផង ហើយអ្នករាល់គ្នាក៏ស្គាល់ពីភាពគួរឲ្យ ស្រឡាញ់ និងភាពគួរឲ្យ គោរពរបស់អញ ច្រើនជាងពួកបរិសុទ្ធទាំងអស់ កាលពីអតីត កាលផងដែរ។ អ្វីដែលអ្នករាល់គ្នាបានទទួល មិនគ្រាន់តែជាសេចក្តីពិត ជាផ្លូវ និងជាជីវិត របស់អញប៉ុណ្ណោះទេ ប៉ុន្តែ ជានិមិត្ត និងការបើកសម្ដែង ដែលអស្ចារ្យជាង អ្វីដែលលោកយ៉ូហានបានទទួលទៅទៀត។ អ្នករាល់គ្នាយល់នូវសេចក្តីលាក់កំបាំង ច្រើនលើសនេះទៅទៀត ហើយក៏បានសម្លឹងឃើញព្រះភក្ត្រពិតរបស់អញ ផងដែរ។ អ្នករាល់គ្នាបានទទួលការជំនុំជម្រះរបស់អញកាន់តែច្រើន ហើយក៏ស្គាល់អំពី និស្ស័យសុចរិតរបស់អញកាន់តែច្រើនផងដែរ។ ហើយទោះបីជាអ្នករាល់គ្នាបាន កើតមកនៅគ្រាចុងក្រោយក៏ដោយ ប៉ុន្តែ អ្នកក៏មានការយល់ដឹងបែបចាស់គំរិលពីអតីត កាល ហើយអ្នកក៏បានពិសោធរឿងរ៉ាវសព្វថ្ងៃ ដែលការទាំងអស់នេះ សុទ្ធ តែត្រូវបានធ្វើឡើង ដោយអញផ្ទាល់។ អ្វីដែលអញតម្រូវពីអ្នករាល់គ្នា មិនជ្រុលពេក ឡើយ ដ្បិតអញបានប្រទានដល់អ្នករាល់គ្នាច្រើនណាស់ ហើយអ្នករាល់គ្នាក៏បានឃើញ រឿងរ៉ាវជាច្រើននៅក្នុងអញផងដែរ។ ដូច្នេះ អញសុំឲ្យអ្នករាល់គ្នាធ្វើបន្ទាល់ ពីអញទៅកាន់ពួកបរិសុទ្ធនាសម័យមុន ហើយនេះជាបំណងព្រះហឫទ័យតែមួយគត់ របស់អញ។

ព្រះបិតារបស់អញ គឺជាអ្នកទីមួួយដែលបានធ្វើបន្ទាល់សម្រាប់អញ ប៉ុន្តែ អញចង់ទទួលបានសិរីល្អច្រើនជាងនេះ និងចង់ឲ្យមានបន្ទាល់ចេញពីមាត់ របស់មនុស្សដែលព្រះបានបង្កើតមក ដូច្នេះ អញប្រទានអ្វីគ្រប់យ៉ាងរបស់អញដល់អ្នក រាល់គ្នា ដើម្បីឲ្យអ្នករាល់គ្នាបំពេញភារកិច្ចរបស់ខ្លួន គឺសម្រេចកិច្ចការរបស់អញ នៅ ក្នុងចំណោមមនុស្សលោក។ អ្នករាល់គ្នាគួរតែយល់អំពីហេតុផល ដែលនាំឲ្យអ្នករាល់គ្នាជឿ លើអញហើយ។ បើអ្នករាល់គ្នាគ្រាន់តែចង់ក្លាយជាសិស្ស ឬជាអ្នកជំងឺរបស់អញ ឬ ក្លាយជាពួកបរិសុទ្ធម្នាក់ក្នុងចំណោមពួកបរិសុទ្ធរបស់អញនៅឯស្ថានសួគ៌ នោះការដែល អ្នករាល់គ្នាដើរតាមអញ នឹងគ្មានន័យឡើយ។ ការដើរតាមអញនៅ ក្នុងឥរិយាបថបែបនេះ គឺជាការខ្ជះខ្ជាយកម្លាំងចោលប៉ុណ្ណោះ។ ការមានសេចក្តី ជំនឿបែបនេះចំពោះអញ វាគ្រាន់តែជាការចំណាយពេលឥតប្រយោជន៍ ដែល នាំឲ្យខាតបង់ដល់យុវភាពរបស់អ្នកទៀតផង។ ហើយនៅទីបញ្ចប់ អ្នករាល់គ្នា នឹងមិនទទួលបានអ្វីសោះឡើយ។ តើនេះវាមិនមែនជាការប្រឹងប្រែង ជាអសារឥតការទេឬ អី? អញបានចាកចេញពីក្នុងចំណោមសាសន៍យូដាជាយូរមកហើយ ហើយក៏លែងជាគ្រូ ពេទ្យរបស់មនុស្ស ឬក៏ជាឱសថព្យាបាលមនុស្សទៀតដែរ។ អញលែងធ្វើជាសត្វ សម្រាប់ ឲ្យមនុស្សលោកជិះ ឬកាប់យកសាច់តាមតែចិត្តគេចង់ទៀតហើយ។ ផ្ទុយទៅវិញ អញបានមកនៅក្នុងចំណោមមនុស្ស ដើម្បីជំនុំជម្រះ និងដាក់ទោសមនុស្ស វិញ ដើម្បីឲ្យមនុស្សអាចស្គាល់អញ។ អ្នកគួរតែដឹងថា អញធ្លាប់ធ្វើកិច្ចការនៃការប្រោស លោះ និងដឹងថា អញធ្លាប់ជាព្រះយេស៊ូវ ប៉ុន្តែ អញមិនអាចបន្តនៅជាព្រះយេស៊ូវរហូត ឡើយ គឺដូចជាអញធ្លាប់ជាព្រះយេហូវ៉ា ប៉ុន្តែ ក្រោយមកក៏បានក្លាយជាព្រះ យេស៊ូវដូច្នឹងដែរ។ អញជាព្រះជាម្ចាស់របស់មនុស្សលោក ជាព្រះអម្ចាស់នៃសកល លោក ប៉ុន្តែ អញមិនអាចជាព្រះយេស៊ូវ ឬព្រះយេហូវ៉ាជារៀងរហូតឡើយ។ អញបាន ក្លាយជាបុគ្គលម្នាក់ដែលមនុស្សចាត់ទុកថាជាគ្រូពេទ្យ ប៉ុន្តែ មិនអាចនិយាយបានថា ព្រះជាម្ចាស់គ្រាន់តែជាគ្រូពេទ្យម្នាក់ សម្រាប់មនុស្សលោកឡើយ។ ដូច្នេះ ប្រសិនបើអ្នក ប្រកាន់ខ្ជាប់នូវទស្សនៈចាស់គំរិល នៅក្នុងសេចក្តីជំនឿរបស់អ្នកចំពោះអញ នោះអ្នកនឹងមិនទទួលបានអ្វីឡើយ។ បើទោះបីជាអ្នកសរសើរអញនៅថ្ងៃនេះថា៖ “ព្រះដ៏ជាមនុស្ស គួរឲ្យស្រឡាញ់ ណាស់។ ទ្រង់ប្រោសខ្ញុំឲ្យបានជា ហើយប្រទានដល់ខ្ញុំនូវព្រះពរ សេចក្តីសុខសាន្ត និង សេចក្តីអំណរ។ ព្រះអង្គពិតជាល្អ ចំពោះមនុស្សលោកខ្លាំងណាស់។ ប្រសិនបើ ខ្ញុំគ្រាន់តែមានជំនឿលើទ្រង់ នោះខ្ញុំមិនចាំបាច់ខ្វល់ខ្វាយអំពីរឿង ប្រាក់កាស និងទ្រព្យសម្បត្តិឡើយ...” ក៏អញនៅតែមិនអាចបញ្ឈប់កិច្ចការដើមរបស់អញ បានឡើយ។ បើអ្នកជឿលើអញនៅថ្ងៃនេះ នោះអ្នកនឹងទទួលបានតែសិរីល្អរបស់អញ ហើយអ្នកនឹងសក្តិសមធ្វើបន្ទាល់ពីអញ ហើយអ្វីៗផ្សេងទៀត នឹងក្លាយជារឿងបន្ទាប់ បន្សំប៉ុណ្ណោះ។ អ្នកត្រូវតែយល់អំពីការនេះឲ្យបានច្បាស់។

ឥឡូវនេះ តើអ្នកដឹងអំពីហេតុផលដែលនាំឲ្យអ្នកជឿលើអញ យ៉ាងពិតប្រាកដហើយ ឬនៅ? តើអ្នកដឹងអំពីគោលបំណង និងសារៈសំខាន់នៃកិច្ចការរបស់អញពិតប្រាកដ ហើយឬនៅ? តើអ្នកដឹងអំពីភារកិច្ចរបស់អ្នកពិតប្រាកដដែរឬទេ? តើអ្នកស្គាល់ទី បន្ទាល់របស់អញ ពិតប្រាកដដែរឬទេ? ប្រសិនបើអ្នកគ្រាន់តែជឿលើអញ ប៉ុន្តែ គ្មាន សញ្ញាអំពីសិរីល្អ ឬបន្ទាល់របស់អញនៅក្នុងអ្នកទេ នោះអញបានលុបបំបាត់ អ្នកចោលតាំងពីយូរណាស់មកហើយ។ សម្រាប់អស់អ្នកដែលចេះអស់ហើយ ពួកគេរឹតតែ ប្រៀបដូចជាបន្លាដ៏ច្រើននៅក្នុងព្រះនេត្រអញ ពួកគេគ្មានអ្វីក្រៅតែជាឧបសគ្គរាំងផ្លូវរបស់ អញ និងនៅក្នុងដំណាក់របស់អញ ពួកគេជាស្រងែដែលត្រូវដករំលើងចោលចេញពីកិច្ចការរបស់អញ ព្រោះថា ពួក គេគ្មានប្រយោជន៍ និងគ្មានតម្លៃទាល់តែសោះ ហើយអញបានស្អប់ខ្ពើមពួកគេយូរណាស់ មកហើយ។ ជារឿយៗ ព្រះពិរោធរបស់អញធ្លាក់ទៅលើអស់អ្នកណាដែលលែងមាន ទីបន្ទាល់ ហើយដំបងរបស់អញក៏នៅមិនឆ្ងាយពីពួកគេដែរ។ អញមានបំណងចង់ ប្រគល់ពួកគេទៅក្នុងដៃរបស់មេកំណាចជាយូរមកហើយ។ ពួកគេលែងមានព្រះពរ របស់អញហើយ។ នៅពេលដែលថ្ងៃនោះមកដល់ ទោសរបស់គេនឹងគួរឲ្យសោក សង្រេងជាងទោសរបស់ពួកស្ត្រីល្ងង់ខ្លៅទៅទៀត។ ថ្ងៃនេះ អញធ្វើកិច្ចការណាដែលជា ភារកិច្ចដែលអញត្រូវធ្វើតែប៉ុណ្ណោះ។ អញនឹងចងស្រូវសាលីទាំងអស់ជាកណ្ដាប់ រួមជាមួយស្រងែទាំងនោះផងដែរ។ នេះជាកិច្ចការរបស់អញនៅថ្ងៃនេះ។ ស្រងែទាំងនោះ នឹងត្រូវដករលើងចោលទាំងអស់ នៅក្នុងគ្រានៃការញែករបស់អញ បន្ទាប់មក គ្រាប់ស្រូវ នឹងត្រូវប្រមូលទុកនៅក្នុងឃ្លាំង ហើយស្រងែទាំងប៉ុន្មានដែលប្រមូលបាន នឹងត្រូវដុតចោល ឲ្យក្លាយជាផេះ។ កិច្ចការរបស់អញនៅថ្ងៃនេះ គឺគ្រាន់តែចងមនុស្សទាំងអស់ជាកណ្ដាប់ មានន័យថា ត្រូវច្បាំងយកជ័យលើពួកគេទាំងស្រុងសិន។ បន្ទាប់មក អញនឹង ចាប់ផ្ដើមដំណើរការនៃការញែក ដើម្បីបើកសម្ដែងពីគ្រាចុងបញ្ចប់របស់មនុស្សទាំងអស់។ ឥឡូវនេះ អ្នកគួរតែដឹងអំពីរបៀបដែលអ្នកគួរតែបំពេញព្រះទ័យអញ និងរបៀបដែល អ្នកគួរតែរៀបចំផ្លូវឲ្យបានត្រឹមត្រូវ នៅក្នុងសេចក្តីជំនឿរបស់អ្នកចំពោះអញហើយ ។ អ្វីដែលអញចង់បាន គឺជាភក្តីភាព និងការស្ដាប់បង្គាប់ សេចក្តីស្រឡាញ់ និងបន្ទាល់របស់អ្នកនៅពេលនេះ។ ទោះបីជាពេលនេះអ្នកមិនដឹង ថា អ្វីទៅជាទីបន្ទាល់ ឬអ្វីទៅជាសេចក្តីស្រឡាញ់ក៏ដោយ ប៉ុន្តែ អ្នកគួតែថ្វាយដល់អញ នូវអ្វីគ្រប់យ៉ាងរបស់អ្នក ហើយប្រគល់ដល់អញនូវទ្រព្យសម្បត្តិតែមួយគត់ ដែលអ្នក មាន គឺជាភក្តីភាព និងការស្ដាប់បង្គាប់របស់អ្នក។ អ្នកគួរតែដឹងថា ទីបន្ទាល់អំពីជ័យ ជម្នះរបស់អញលើអារក្សសាតាំងស្ថិត គឺនៅក្នុងភក្តីភាព និងការស្ដាប់បង្គាប់របស់ មនុស្ស ហើយក៏ស្ថិតលើទីបន្ទាល់អំពីជ័យជម្នះទាំងស្រុងរបស់អញ ទៅលើមនុស្ស ផងដែរ។ ភារកិច្ចនៃសេចក្តីជំនឿរបស់អ្នកចំពោះអញ គឺត្រូវធ្វើបន្ទាល់អំពីអញ មានភក្តីភាពចំពោះអញតែម្នាក់គត់ ហើយស្ដាប់បង្គាប់ដល់ទីបញ្ចប់។ មុនពេលអញ ចាប់ផ្ដើមជំហានបន្ទាប់នៃកិច្ចការរបស់អញ តើអ្នកនឹងធ្វើបន្ទាល់អំពីអញ យ៉ាងដូច ម្ដេច? តើអ្នកនឹងមានភក្តីភាព និងស្ដាប់បង្គាប់ចំពោះអញដោយរបៀបណា? តើអ្នក ដាក់ភក្តីភាពទាំងស្រុងរបស់អ្នកចំពោះកិច្ចការរបស់អ្នក ឬក៏អ្នកនឹងគ្រាន់តែបោះបង់វា ចោល? តើអ្នកនឹងចុះចូលចំពោះគ្រប់ទាំងការរៀបចំរបស់អញ (ទោះបីជាត្រូវ ស្លាប់ ឬវិនាស) ឬក៏រត់យករួចខ្លួនទាំងពាក់កណ្ដាលទី ដើម្បីគេចវេសពីការដាក់ទោស របស់អញ? អញដាក់ទោសអ្នក ដើម្បីឲ្យអ្នកនឹងធ្វើបន្ទាល់ពីអញ មានភក្ដី ភាព និងស្ដាប់បង្គាប់ចំពោះអញ។ លើសពីនេះ ការដាក់ទោសនាពេលសព្វថ្ងៃ គឺដើម្បី បើកបង្ហាញពីជំហានបន្ទាប់នៃកិច្ចការរបស់អញ និងអនុញ្ញាតឲ្យកិច្ចការនេះ វិវឌ្ឍទៅមុខ ដោយគ្មានការបង្អាក់។ ដូច្នេះ អញសូមដាស់តឿនអ្នកថា អ្នកគួរតែមានប្រាជ្ញា ហើយមិន ត្រូវចាត់ទុកជីវិតរបស់អ្នក ក៏ដូចជាសារៈសំខាន់នៃវត្តមានជីវិតអ្នក ដូចជាគ្រាប់ខ្សាច់ ដែលគ្មានតម្លៃនោះទេ។ តើអ្នកអាចដឹងថា កិច្ចការនាពេលខាងមុខរបស់អញ នឹងមានលក្ខណៈបែបណាឲ្យប្រាកដដែរឬទេ? តើអ្នកដឹងអំពីរបៀបដែលអញនឹងធ្វើ ការនៅថ្ងៃខាងមុខ និងរបៀបដែលកិច្ចការអញនឹងបើកបង្ហាញដែរឬទេ? អ្នកគួរតែដឹងពី សារៈសំខាន់នៃបទពិសោធន៍របស់អ្នកអំពីកិច្ចការរបស់អញ ហើយលើសពីនេះទៅ ទៀត គឺដឹងអំពីសារៈសំខាន់នៃសេចក្តីជំនឿរបស់អ្នកចំពោះអញ។ អញបានធ្វើ កិច្ចការជាច្រើនរួចទៅហើយ។ តើអញអាចបោះបង់ចោលទាំងពាក់កណ្ដាលទី ដូចអ្នកស្រមើស្រមៃយ៉ាងម៉េច? អញបានធ្វើការយ៉ាងច្រើនម្ល៉ឹងហើយ តើអញអាច បំផ្លាញវាចោលយ៉ាងដូចម្ដេច? តាមពិតទៅ អញបានមក ដើម្បីបញ្ចប់យុគ សម័យនេះ។ នេះជាសេចក្តីពិត ប៉ុន្តែ លើសពីនេះទៅទៀត អ្នកត្រូវតែដឹងថា អញកំពុងតែចាប់ផ្ដើមយុគសម័យមួយថ្មី ចាប់ផ្ដើមកិច្ចការមួយថ្មី ហើយ អ្វីដែលសំខាន់បំផុតនោះគឺដើម្បីផ្សាយដំណឹងល្អអំពីនគរព្រះ។ ដូច្នេះ អ្នកគួរតែដឹងថា កិច្ចការបច្ចុប្បន្ន គឺគ្រាន់តែចាប់ផ្ដើមយុគសម័យមួយ និងចាក់គ្រឹះមូលដ្ឋាន សម្រាប់ការ ផ្សាយដំណឹងល្អនាពេលខាងមុខ ហើយបញ្ចប់សម័យកាលនេះ នៅ ពេលអនាគត។ កិច្ចការរបស់អញ មិនមែនសាមញ្ញដូចអ្វីដែលអ្នកគិតឡើយ ហើយក៏មិន មែនគ្មានតម្លៃ ឬគ្មានន័យដូចអ្វីដែលអ្នកជឿដែរ។ ដូច្នេះ អញនៅតែត្រូវនិយាយទៅ កាន់អ្នកថា៖ អ្នកគួរតែថ្វាយជីវិតរបស់អ្នកដើម្បីកិច្ចការរបស់អញ ហើយលើសពីនេះ អ្នកគួរតែលះបង់ជីវិតរបស់អ្នក សម្រាប់សិរីល្អរបស់អញ។ អញបានទន្ទឹងរង់ចាំឲ្យអ្នកធ្វើបន្ទាល់ពីអញយូរណាស់មកហើយ ហើយអញក៏ ទន្ទឹងឲ្យអ្នកផ្សាយដំណឹងល្អរបស់អញយូរជាងនេះទៅទៀត។ អ្នកគួរតែយល់ អំពីអ្វីដែលមាននៅក្នុងព្រះហឫទ័យរបស់អញ។

ខាង​ដើម៖ តើក្លាយជាមនុស្សពិតប្រាកដម្នាក់មានន័យដូចម្តេច

បន្ទាប់៖ គ្មាន​នរ​ណា​ម្នាក់​ដែល​មានសាច់​ឈាមអាច​គេច​ផុត​ពី​ថ្ងៃ​នៃ​សេចក្ដី​ក្រោធបានឡើយ

តើយើងគួរអធិស្ឋានយ៉ាងដូចម្ដេច ដើម្បីឲ្យព្រះជាម្ចាស់ទ្រង់សណ្ដាប់? សូមទាក់ទងមកកាន់យើងខ្ញុំ ដើម្បីស្វែងរកដំណោះស្រាយ។
សូមទាក់ទងមកកាន់យើងខ្ញុំ
សូមទាក់ទងមកកាន់យើងខ្ញុំ តាមរយៈMessenger

ខ្លឹមសារ​ពាក់ព័ន្ធ

តើកិច្ចការរបស់ព្រះជាម្ចាស់ ងាយស្រួលដូចមនុស្សគិតដែរឬទេ?

ក្នុងនាមជាអ្នកជឿលើព្រះជាម្ចាស់ ម្នាក់ៗក្នុងចំណោមអ្នករាល់គ្នាគួរតែលើកសរសើរអំពីរបៀបដែលអ្នករាល់គ្នាបានទទួលការលើកតម្កើង...

តើអ្នកជឿគួរប្រកាន់យកទស្សនៈអ្វី

តើមនុស្សលោកបានទទួលអ្វីចាប់តាំងពីពួកគេចាប់ផ្តើមជឿដំបូងលើព្រះជាម្ចាស់? តើអ្នកបានដឹងអ្វីខ្លះពីព្រះជាម្ចាស់? ដោយសារជំនឿរបស់អ្នកលើព្រះជាម្ចាស់...

អ្នកគួរតែស្ដាប់បង្គាប់ព្រះជាម្ចាស់ នៅក្នុងជំនឿដែលអ្នកជឿដល់ទ្រង់

ហេតុអ្វីបានជាអ្នកជឿលើព្រះជាម្ចាស់? មនុស្សភាគច្រើនត្រូវស្រឡាំង កាំង ដោយសារតែសំណួរនេះ។ ពួកគេតែងតែមានទស្សនៈពីរផ្ទុយគ្នាស្រឡះអំពីព្រះដ៏សកម្ម...

ការកំណត់

  • អត្ថបទ
  • ប្រធានបទ

ពណ៌​ដិតច្បាស់

ប្រធានបទ

ប្រភេទ​អក្សរ

ទំហំ​អក្សរ

ចម្លោះ​បន្ទាត់

ចម្លោះ​បន្ទាត់

ប្រវែងទទឹង​ទំព័រ

មាតិកា

ស្វែងរក

  • ស្វែង​រក​អត្ថបទ​នេះ
  • ស្វែង​រក​សៀវភៅ​នេះ