ជំពូកទី ៩

អញចង់រំឭកឯងថា សូម្បីតែភាពមិនច្បាស់លាស់ ឬការធ្វេសប្រហែសបន្ដិចបន្ដួចអំពីព្រះបន្ទូលរបស់អញ ក៏មិនអាចទទួលយកបានដែរ។ ឯងត្រូវតែយកចិត្តទុកដាក់ និងស្ដាប់បង្គាប់ ហើយអនុវត្តស្របតាមបំណងព្រះហឫទ័យរបស់អញ។ ឯងត្រូវតែប្រុងប្រៀបជានិច្ច ហើយកុំបង្ហាញនូវនិស្ស័យក្រអឺតក្រទម ឬឲ្យតម្លៃខ្លួនខ្ពស់ជាងអ្នកដទៃឲ្យសោះ។ គ្រប់ពេលទាំងអស់ ឯងត្រូវតែពឹងផ្អែកលើអញដើម្បីបោះចោលនូវនិស្ស័យចាស់ពីធម្មជាតិ ដែលមាននៅក្នុងខ្លួនឯង។ ឯងគួរតែអាចរក្សានូវសភាពធម្មតានៅចំពោះអញជានិច្ច ហើយមាននិស្ស័យដែលឋិតថេរ។ ការគិតរបស់ឯងត្រូវតែនឹងធឹង និងច្បាស់លាស់ ហើយមិនគួរត្រូវបានគ្រប់គ្រង ឬទន់ទោរទៅតាមមនុស្ស ព្រឹត្តិការណ៍ ឬវត្ថុណាមួយឡើយ។ ឯងគួរតែមានសមត្ថភាពស្ងប់ស្ងៀមនៅចំពោះព្រះវត្តមានអញជានិច្ច ហើយរក្សាភាពនូវភាពជិតស្និទ្ធ និងការប្រកបជាមួយអញជាដរាប។ ឯងត្រូវតែបង្ហាញភាពខ្លាំង និងចិត្តក្លាហាន ហើយឈរមាំនឹងទីបន្ទាល់របស់ឯងចំពោះអញ។ ចូរក្រោកឡើង ហើយនិយាយជំនួសអញ និងកុំខ្លាចអ្វីដែលអ្នកដទៃនឹងនិយាយឡើយ។ គ្រាន់តែបំពេញតាមបំណងព្រះហឫទ័យរបស់អញ ហើយកុំឲ្យនរណាម្នាក់ត្រួតត្រាឯង។ អ្វីដែលអញបើកសម្ដែងដល់ឯង ត្រូវតែធ្វើតាមស្របទៅនឹងបំណងព្រះហឫទ័យរបស់អញ ហើយមិនអាចពន្យាពេលបានឡើយ។ តើឯងមានអារម្មណ៍នៅក្នុងជម្រៅចិត្តយ៉ាងណា? ឯងមិនស្រួលមែនទេ? ឯងនឹងយល់។ ហេតុអ្វីបានជាឯងមិនអាចក្រោកឈរឡើង ហើយនិយាយជំនួសអញ ខណៈពេលដែលឯងកំពុងគិតពិចារណាបន្ទុករបស់អញ? ឯងទទូចចូលរួមក្នុងគ្រោងការកំប៉ិកកំប៉ុក ប៉ុន្តែអញឃើញអ្វីៗទាំងអស់ច្បាស់។ អញជាអ្នកគាំទ្រ និងជាខែលរបស់ឯង ហើយអ្វីៗទាំងអស់ស្ថិតនៅក្នុងព្រះហស្ដរបស់អញ។ អញ្ចឹង តើឯងខ្លាចអ្វី? តើឯងមិនមានអារម្មណ៍ហួសហេតុទេឬ? ឯងត្រូវតែបោះបង់ចោលអារម្មណ៍របស់ឯងឲ្យបានឆាប់តាមដែលឯងអាចធ្វើបាន។ អញមិនធ្វើតាមតែអារម្មណ៍ទេ តែអញអនុវត្តនូវសេចក្តីសុចរិតជំនួសវិញ។ ប្រសិនបើឪពុកម្តាយរបស់ឯងធ្វើអ្វីដែលគ្មានប្រយោជន៍ដល់ក្រុមជំនុំ នោះពួកគេមិនអាចគេចខ្លួនបានទេ។ បំណងព្រះហឫទ័យរបស់អញត្រូវបានបើកសម្ដែងដល់ឯង ហើយឯងប្រហែលជាមិនព្រងើយកន្តើយនឹងបំណងព្រះហឫទ័យរបស់អញទេ។ ផ្ទុយទៅវិញឯងត្រូវតែផ្តោតការយកចិត្តទុកដាក់ទាំងអស់របស់ឯងលើបំណងព្រះហឫទ័យរបស់អញ ហើយបោះចោលអ្វីៗផ្សេងទៀតដើម្បីដើរតាមដោយអស់ពីចិត្ត។ អញនឹងរក្សាឯងនៅក្នុងព្រះហស្ដរបស់អញជានិច្ច។ កុំចេះតែអៀនប្រៀន ហើយស្ថិតក្រោមការគ្រប់គ្រងរបស់ប្តី ឬប្រពន្ធរបស់ឯងឡើយ។ ឯងត្រូវតែអនុវត្តទៅតាមព្រះហឫទ័យរបស់អញ។

មានសេចក្ដីជំនឿ! មានសេចក្ដីជំនឿ! អញជាព្រះដ៏មានគ្រប់ព្រះ‌ចេស្តារបស់ឯង។ ប្រហែលជាឯងមានការយល់ដឹងខ្លះអំពីបញ្ហានេះ ប៉ុន្តែឯងនៅតែត្រូវប្រយ័ត្នប្រយែង។ ដើម្បីជាប្រយោជន៍ដល់ក្រុមជំនុំ ព្រះហឫទ័យរបស់អញ និងការគ្រប់គ្រងរបស់អញ ឯងត្រូវតែលះបង់ទាំងស្រុង ហើយឯងនឹងត្រូវបានបង្ហាញឲ្យមើលឃើញយ៉ាងច្បាស់នូវអាថ៌កំបាំង និងលទ្ធផលទាំងអស់។ វានឹងមិនមានការពន្យាពេលតទៅទៀតទេ។ ថ្ងៃនោះជិតមកដល់ហើយ។ តើឯងគួរធ្វើអ្វី? តើឯងគួរស្វែងរកការរីកលូតលាស់ និងធំធាត់នៅក្នុងជីវិតរបស់ឯងយ៉ាងដូចម្តេច? តើឯងអាចធ្វើឲ្យខ្លួនឯងមានប្រយោជន៍ចំពោះអញបានឆាប់ៗយ៉ាងដូចម្តេច? តើឯងនឹងធ្វើឲ្យព្រះហឫទ័យអញត្រូវបានអនុវត្តយ៉ាងដូចម្តេច? សំណួរទាំងនេះត្រូវការការគិតច្រើន និងការប្រកបកាន់តែស៊ីជម្រៅជាមួយអញ។ ចូរពឹងផ្អែកលើអញ ជឿលើអញ កុំធ្វេសប្រហែសឲ្យសោះ ហើយអាចធ្វើអ្វីគ្រប់យ៉ាងស្របតាមការណែនាំរបស់អញ។ ឯងត្រូវតែទទួលបានការបំពាក់បំប៉នយ៉ាងល្អអំពីសេចក្ដីពិត ហើយឯងត្រូវតែហូប និងផឹកវាឲ្យបានញឹកញាប់។ រាល់សេចក្តីពិត ត្រូវតែយកមកអនុវត្តមុនពេលវាអាចយល់យ៉ាងច្បាស់បាន។

តើឥឡូវឯងមានអារម្មណ៍ថា ឯងមិនមានពេលវេលាគ្រប់គ្រាន់ទេឬ? តើឯងក៏ញាណដឹងដែរថា នៅខាងក្នុងឯងមានភាពខុសប្លែកពីមុន ហើយថាបន្ទុករបស់ឯងឥឡូវហាក់ដូចជាធ្ងន់ណាស់មែនទេ? បំណងព្រះហឫទ័យរបស់អញ គឺស្ថិតនៅលើឯង។ ឯងត្រូវតែយល់ដឹងច្បាស់ មិនបែកចេញពីបំណងព្រះហឫទ័យរបស់អញ ហើយនៅតែភ្ជាប់ទំនាក់ទំនងជាមួយអញជានិច្ច។ នៅក្បែរអញ ជិតស្និទ្ធជាមួយអញ ចេះគិតគូរពីដួងហឫទ័យរបស់អញ និងអាចបម្រើដោយមានការសម្របសម្រួលជាមួយអ្នកដទៃ ដើម្បីឲ្យបំណងព្រះហឫទ័យរបស់អញនឹងត្រូវបានបើកសម្ដែងដល់ឯងរាល់គ្នាជានិច្ច។ ចូរយកចិត្តទុកដាក់ឲ្យខ្ជាប់ខ្ជួនគ្រប់ពេលវេលា! យកចិត្តទុកដាក់ឲ្យខ្ជាប់! កុំបន្ថយសូម្បីតែបន្តិច។ នោះគឺជាភារកិច្ចរបស់ឯង ហើយកិច្ចការរបស់អញស្ថិតនៅក្នុងនោះ។

មកដល់ចំនុចនេះ ឯងប្រហែលជាបានទទួលការយល់ដឹងបន្តិចបន្តួច ហើយមានអារម្មណ៍ថា នេះពិតជាអស្ចារ្យណាស់។ ឯងប្រហែលជាមានការសង្ស័យកាលពីមុន មានអារម្មណ៍ថា វាខុសគ្នាទាំងស្រុងពីគោលគំនិត យោបល់ និងការគិតរបស់មនុស្ស ប៉ុន្តែឥឡូវនេះ ឯងយល់អំពីវាជាមូលដ្ឋាន។ នេះជាស្នាព្រះហស្តដ៏អស្ចារ្យរបស់អញ ហើយនេះក៏ជាកិច្ចការដ៏អស្ចារ្យរបស់ព្រះជាម្ចាស់ផងដែរ។ ឯងត្រូវតែភ្ញាក់ដឹងខ្លួន ហើយរង់ចាំពេលឯងដើរចូលមក។ ពេលវេលាគឺនៅក្នុងព្រះហស្ដរបស់អញ។ កុំខ្ជះខ្ជាយវា ហើយកុំបន្ថយល្បឿនសូម្បីតែមួយភ្លែត។ ការខ្ជះខ្ជាយពេលវេលា គឺពន្យាពេលកិច្ចការរបស់អញ ហើយវាបណ្តាលឲ្យព្រះហឫទ័យរបស់អញត្រូវបានរារាំងនៅក្នុងឯង។ ឯងត្រូវតែពិចារណា និងប្រកបជាមួយអញឲ្យបានញឹកញាប់។ ឯងក៏ត្រូវនាំយករាល់សកម្មភាព ចលនា គំនិត យោបល់ នៃគ្រួសាររបស់ឯង ប្តីរបស់ឯង កូនប្រុសរបស់ឯង កូនស្រីរបស់ឯងទាំងអស់មកនៅចំពោះមុខអញដែរ។ ចូរកុំពឹងផ្អែកលើខ្លួនឯងក្នុងការអនុវត្តរបស់ឯង បើមិនដូច្នោះទេអញនឹងខឹងសម្បារខ្លាំង ហើយការបាត់បង់របស់ឯងនឹងទៅជាធ្ងន់ធ្ងរ។

ចូរដាក់កម្រិតលើជំហានផ្ទាល់ខ្លួនរបស់ឯងគ្រប់ពេលវេលា ហើយដើរតាមព្រះបន្ទូលអញជានិច្ច។ ឯងត្រូវតែមានប្រាជ្ញារបស់អញ។ ចូរមកនៅចំពោះអញប្រសិនបើឯងជួបប្រទះនឹងការលំបាកណាមួយ ហើយអញនឹងផ្តល់ការណែនាំដល់ឯង។ ចូរកុំបង្កបញ្ហា ឬប្រកបទាក់ទងដោយភាពច្របូកច្របល់ឡើយ។ ប្រសិនបើជីវិតរបស់ឯងមិនទទួលបានអត្ថប្រយោជន៍ទេ នោះគឺមកពីឯងខ្វះចំណេះដឹង ហើយមិនអាចបែងចែកនូវពាក្យល្អ និងពាក្យអាក្រក់បាន។ ឯងនឹងមិនដឹងរឿងនេះទេ ដរាបណាឯងត្រូវបានរងទុក្ខទោសនៅក្នុងសភាពអាក្រក់ ហើយគ្មានវត្តមាននៃព្រះវិញ្ញាណបរិសុទ្ធ ប៉ុន្តែដល់ពេលនោះ វានឹងយឺតពេលហើយ។ ពេលវេលាកំពុងតែបន្ទាន់ហើយឥឡូវនេះ ដូច្នេះឯងមិនត្រូវយឺតយ៉ាវសូម្បីតែបន្តិចក្នុងការរត់ប្រណាំងដើម្បីជីវិតនោះឡើយ។ ឯងត្រូវដើរតាមគន្លងរបស់អញឲ្យកៀកមែនទែន។ នៅពេលមានការលំបាកណាមួយកើតឡើង ចូរឧស្សាហ៍ត្រិះរិះពិចារណានៅជិតអញ និងប្រកបជាមួយអញដោយផ្ទាល់។ ប្រសិនបើឯងអាចចាប់យកមាគ៌ានេះ វានឹងជួយសម្រួលជាមុនដល់ឯងក្នុងការចូលទៅក្នុង។

ព្រះបន្ទូលរបស់អញមិនគ្រាន់តែសំដៅទៅលើឯងប៉ុណ្ណោះទេ។ មនុស្សគ្រប់គ្នាក្នុងក្រុមជំនុំកំពុងតែខ្វះក្នុងទ្រង់ទ្រាយផ្សេងៗគ្នា។ ឯងរាល់គ្នាត្រូវតែប្រកបគ្នាឲ្យបានច្រើន អាចហូប និងផឹកដោយឯករាជ្យក្នុងអំឡុងពេលនៃការថ្វាយបង្គំខាងវិញ្ញាណផ្ទាល់ខ្លួនរបស់ឯង និងអាចយល់ពីសេចក្ដីពិតសំខាន់ៗ ហើយអនុវត្តវាភ្លាមៗ។ ឯងត្រូវតែមានអារម្មណ៍ចំពោះសេចក្ដីពិតនៃព្រះបន្ទូលរបស់អញ៖ ចាប់យកចំណុចស្នូលរបស់វា និងគោលការណ៍របស់វា ហើយកុំបន្ថយនូវអ្វីដែលឯងកំពុងប្រកាន់ខ្ជាប់។ ចូរពិចារណាជានិច្ច ហើយប្រកបជាមួយអញជានិច្ច ហើយអ្វីៗនឹងត្រូវបើកសម្ដែងជាបណ្តើរៗ។ ឯងមិនអាចចូលទៅជិតព្រះជាម្ចាស់បានមួយភ្លែត ហើយក្រោយមកត្រូវបានរំខាននៅពេលមានអ្វីផ្សេងទៀតកើតឡើងចំពោះឯង ដោយមិនរង់ចាំឲ្យចិត្តឯងស្ងប់ស្ងៀមនៅចំពោះទ្រង់នោះឡើយ។ ឯងតែងតែយល់ច្រលំ និងមិនច្បាស់អំពីរឿងរ៉ាវ ហើយមិនអាចមើលឃើញព្រះភ័ក្រ្តរបស់អញ។ ដូច្នេះឯងមិនអាចទទួលបាននូវការយល់ដឹងច្បាស់ពីព្រះហឫទ័យរបស់អញទេ ហើយទោះបីឯងអាចយល់ពីវាបន្តិចក៏ដោយ ក៏ឯងនៅតែមិនច្បាស់ ហើយនៅតែសង្ស័យ។ មានតែពេលដែលអញយកបានចិត្តរបស់ឯងដោយពេញទំហឹង ហើយគំនិតរបស់ឯងមិនត្រូវរំខានដោយអ្វីៗក្នុងលោកីយ៍ទៀត ហើយឯងអាចរង់ចាំដោយគំនិតច្បាស់ និងស្ងប់ស្ងាត់បាន នោះអញនឹងបើកសម្ដែងដល់ឯងរាល់គ្នាម្តងមួយៗ ស្របតាមបំណងព្រះហឫទ័យរបស់អញ។ ឯងរាល់គ្នាត្រូវតែយល់ពីមាគ៌ានៃភាពជិតស្និទ្ធនឹងអញនេះ។ អ្នកណាក៏ដោយដែលធ្វើឲ្យឯងឈឺចាប់ខ្លាំង ឬដាក់បណ្តាសាឯង ឬអ្វីដែលល្អដែលមនុស្សផ្តល់ឲ្យឯង គឺមិនអាចទទួលយកបានទេប្រសិនបើពួកគេរារាំងឯងពីការនៅជិតព្រះជាម្ចាស់។ សូមឲ្យដួងចិត្តរបស់ឯងស្ថិតនៅក្នុងព្រះហស្ដរបស់អញ ហើយកុំចាកចេញពីអញឲ្យសោះ។ ជាមួយនឹងភាពស្និទ្ធស្នាល និងការប្រកបបែបនេះ ឪពុកម្តាយ ប្តី សមាជិកគ្រួសារផ្សេងទៀត និងការជាប់ទាក់ទងខាងលោកីយ៍នឹងទាសចេញឆ្ងាយ។ ឯងនឹងទទួលបានភាពផ្អែមល្ហែមដែលមិនអាចពិពណ៌នាបាននៅក្នុងចិត្តរបស់ឯង ហើយឯងនឹងទទួលបាននូវរសជាតិក្រអូប និងរសជាតិឈ្ងុយឆ្ងាញ់។ លើសពីនេះទៅទៀត ឯងប្រាកដជាមិនអាចឃ្លាតឆ្ងាយពីអញបានទេ។ ប្រសិនបើឯងបន្តធ្វើបែបនេះ ឯងរាល់គ្នានឹងយល់ពីអ្វីដែលមាននៅក្នុងព្រះហឫទ័យរបស់អញ។ ឯងនឹងមិនដែលបាត់បង់ផ្លូវរបស់ឯងនៅពេលដែលឯងបន្តរីកចម្រើនតទៅទៀតទេព្រោះអញជាផ្លូវរបស់ឯង ហើយអ្វីៗក៏មានដោយសារតែអញដែរ។ តើជីវិតរបស់ឯងមានភាពចាស់ទុំយ៉ាងដូចម្តេចនៅពេលដែលឯងនឹងអាចផ្តាច់ចេញពីភាពនៃលោកីយ៍ នៅពេលដែលឯងអាចដកអារម្មណ៍របស់ឯងចេញ នៅពេលដែលឯងអាចទុកចោលប្តី និងកូនរបស់ឯង នៅពេលដែលជីវិតរបស់ឯងនឹងមានភាពចាស់ទុំ ... អ្វីៗទាំងអស់នេះ នឹងកើតឡើងទៅតាមពេលវេលារបស់អញ។ មិនចាំបាច់មានការថប់បារម្ភទេ។

ឯងត្រូវតែទទួលបានការចូលទៅក្នុង ពីផ្នែកវិជ្ជមាន។ ប្រសិនបើឯងរង់ចាំដោយអកម្ម នោះឯងនៅតែអវិជ្ជមាន។ ឯងត្រូវតែសកម្មក្នុងការសហការជាមួយអញ។ ត្រូវឧស្សាហ៍ព្យាយាម ហើយកុំខ្ជិល។ ត្រូវប្រកបជាមួយអញហើយទទួលបានភាពស្និទ្ធស្នាលជាងមុនជាមួយអញជានិច្ច។ ប្រសិនបើឯងមិនយល់ កុំមានភាពមិនអត់ធ្មត់ដោយចង់បានលទ្ធផលឆាប់រហ័សនោះឡើយ។ វាមិនមែនថាអញនឹងមិនប្រាប់ឯងនោះទេ។ វាគឺថា អញចង់ដឹងថាតើឯងពឹងផ្អែកលើអញ នៅពេលឯងនៅក្នុងព្រះវត្តមានរបស់អញ ឬថាតើឯងជឿជាក់លើការពឹងផ្អែករបស់ឯងមកលើអញឬអត់។ ឯងត្រូវតែនៅជិតអញជានិច្ច ហើយដាក់បញ្ហាទាំងអស់នៅក្នុងព្រះហស្ដរបស់អញ។ កុំត្រឡប់ទៅជាឥតប្រយោជន៍ឡើយ។ បន្ទាប់ពីឯងបាននៅជិតអញដោយមិនដឹងខ្លួនមួយរយៈ បំណងព្រះហឫទ័យរបស់អញនឹងត្រូវបានបើកសម្ដែងដល់ឯង។ ប្រសិនបើឯងយល់បំណងព្រះហឫទ័យរបស់អញ នោះឯងនឹងជួបព្រះភ័ក្រ្ដរបស់អញទល់នឹងមុខឯងយ៉ាងពិតប្រាកដ ហើយឯងប្រាកដជាបានឃើញព្រះភ័ក្រ្ដរបស់អញ។ ឯងនឹងមានភាពច្បាស់លាស់ និងខ្ជាប់ខ្ជួនច្រើន ហើយឯងនឹងមានអ្វីដែលត្រូវពឹងផ្អែក។ ពេលនោះឯងក៏នឹងមានអំណាច ក៏ដូចជាភាពជឿជាក់ ហើយឯងនឹងមានផ្លូវទៅមុខ។ អ្វីគ្រប់យ៉ាងនឹងមករកឯងយ៉ាងងាយស្រួល។

ខាង​ដើម៖ ជំពូកទី ៨

បន្ទាប់៖ ជំពូកទី ១០

តើយើងគួរអធិស្ឋានយ៉ាងដូចម្ដេច ដើម្បីឲ្យព្រះជាម្ចាស់ទ្រង់សណ្ដាប់? សូមទាក់ទងមកកាន់យើងខ្ញុំ ដើម្បីស្វែងរកដំណោះស្រាយ។

ខ្លឹមសារ​ពាក់ព័ន្ធ

អំពីបទពិសោធន៍

តាមរយៈបទពិសោធន៍របស់ពេត្រុស គាត់បានឆ្លងកាត់ ការល្បងលរាប់រយដងមកហើយ។ បើទោះបីជាមនុស្សសព្វថ្ងៃ នេះដឹងអំពីពាក្យថា «ការល្បងល» ក៏ពួកគេនៅតែយល់ច្រឡំ...

យកចិត្តទុកដាក់បន្ថែមលើតថភាព

មនុស្សគ្រប់រូបអាចក្លាយជាមនុស្សគ្រប់លក្ខណ៍ដោយសារព្រះជាម្ចាស់ ដូច្នេះហើយ គ្រប់គ្នាគួរតែយល់ថា ការបម្រើព្រះបែបណាសមស្របបំផុតនឹងព្រះហឫទ័យទ្រង់។...

តើអ្នកជឿគួរប្រកាន់យកទស្សនៈអ្វី

តើមនុស្សបានទទួលអ្វីចាប់តាំងពីពួកគេចាប់ផ្តើមជឿលើព្រះជាម្ចាស់ជាលើកដំបូង? តើអ្នកបានដឹងអ្វីខ្លះពីព្រះជាម្ចាស់? ដោយសារជំនឿរបស់អ្នកលើព្រះជាម្ចាស់...

ការកំណត់

  • អត្ថបទ
  • ប្រធានបទ

ពណ៌​ដិតច្បាស់

ប្រធានបទ

ប្រភេទ​អក្សរ

ទំហំ​អក្សរ

ចម្លោះ​បន្ទាត់

ចម្លោះ​បន្ទាត់

ប្រវែងទទឹង​ទំព័រ

មាតិកា

ស្វែងរក

  • ស្វែង​រក​អត្ថបទ​នេះ
  • ស្វែង​រក​សៀវភៅ​នេះ