ជំពូកទី ១០៣

សម្លេងដូចផ្គរលាន់បានបន្លឺឡើង ដោយអង្រួនសាកលលោកទាំងមូល។ វាឮខ្លាំងណាស់ ដែលមនុស្សមិនអាចរត់គេចទាន់ពេលវេលានោះទេ។ មនុស្សខ្លះត្រូវបានសម្លាប់ មនុស្សខ្លះត្រូវបានបំផ្លាញ ហើយមនុស្សខ្លះទៀតត្រូវបានជំនុំជម្រះ។ វាពិតជាទស្សនីយភាពមួយ ដែលគ្មាននរណាម្នាក់ធ្លាប់បានឃើញឡើយ។ ចូរស្តាប់ដោយយកចិត្តទុកដាក់៖ សម្លេងនៃផ្គរលាន់ អមទៅដោយសម្លេងយំ ហើយសម្លេងនេះចេញមកពីស្ថានឃុំព្រលឹងមនុស្សស្លាប់ វាចេញមកពីឋាននរក។ វាជាសម្លេងដ៏ល្វីងជូរចត់របស់កូនប្រុសរបស់អ្នកបះបោរទាំងនោះ ដែលខ្ញុំបានជំនុំជម្រះ។ អស់អ្នកណាដែលមិនបានស្ដាប់អ្វីដែលខ្ញុំនិយាយ ហើយដែលមិនបានយកពាក្យពេចន៍របស់ខ្ញុំទៅអនុវត្ត ត្រូវបានជំនុំជម្រះយ៉ាងធ្ងន់ធ្ងរ ហើយទទួលបណ្តាសានៃសេចក្តីក្រោធរបស់ខ្ញុំ។ ព្រះសូរសៀងរបស់ខ្ញុំគឺជាការជំនុំជម្រះ និងសេចក្តីក្រោធ។ ខ្ញុំមិនប្រព្រឹត្តចំពោះនរណាម្នាក់ដោយទន់ភ្លន់ ហើយក៏មិនបង្ហាញសេចក្តីមេត្តាករុណាដល់នរណាម្នាក់ដែរ ព្រោះថាខ្ញុំគឺជាព្រះជាម្ចាស់ផ្ទាល់ព្រះអង្គដែលសុចរិត ហើយខ្ញុំមានសេចក្តីក្រោធ ខ្ញុំមានចំហេះភ្លើង ខ្ញុំមានការបន្សុទ្ធ ហើយខ្ញុំមានការបំផ្លាញ។ នៅក្នុងខ្ញុំ គ្មានអ្វីដែលលាក់បាំង ឬប្រកបដោយមនោសញ្ចេតនាឡើយ ប៉ុន្តែផ្ទុយទៅវិញ អ្វីៗគ្រប់យ៉ាងគឺបើកចំហរ សុចរិត និងមិនលម្អៀង។ ដោយសារតែកូនប្រុសច្បងរបស់ខ្ញុំ នៅលើបល្ល័ង្កជាមួយខ្ញុំរួចហើយ ដោយត្រួតត្រាលើជាតិសាសន៍ទាំងអស់ និងមនុស្សទាំងអស់ នោះវត្ថុ និងមនុស្សដែលមិនយុត្តិធម៌ ហើយមិនសុចរិតទាំងនោះ ចាប់ផ្តើមទទួលការជំនុំជម្រះហើយនៅពេលនេះ។ ខ្ញុំនឹងស៊ើបអង្កេតម្នាក់ម្តងៗ ដោយមិនរំលងអ្វីមួយឡើយ ហើយបើកសម្តែងពីពួកគេទាំងស្រុង។ ដោយសារតែការជំនុំជម្រះរបស់ខ្ញុំត្រូវបានបើកសម្តែងទាំងស្រុង និងបើកបង្ហាញយ៉ាងពេញលេញ ហើយខ្ញុំមិនបានរក្សាទុកអ្វីឡើយ នោះខ្ញុំនឹងបោះចោលអ្វីៗគ្រប់យ៉ាងដែលមិនស្របនឹងបំណងព្រះហឫទ័យរបស់ខ្ញុំ ហើយបណ្តោយឲ្យវាវិនាសអស់កល្បជានិច្ចនៅក្នុងជង្ហុកធំ។ នៅទីនោះ ខ្ញុំនឹងអនុញ្ញាតឲ្យវាឆេះអស់កល្បជានិច្ច។ នេះគឺជាសេចក្តីសុចរិតរបស់ខ្ញុំ ហើយនេះជាភាពទៀងត្រង់របស់ខ្ញុំ។ គ្មាននរណាម្នាក់អាចផ្លាស់ប្តូរសេចក្តីនេះបានទេ ហើយគ្រប់យ៉ាងត្រូវតែស្ថិតនៅក្រោមការបញ្ជារបស់ខ្ញុំ។

មនុស្សជាច្រើនព្រងើយកន្តើយចំពោះព្រះសូរសៀងរបស់ខ្ញុំ ដោយគិតថា ពាក្យពេចន៍គ្រាន់តែជាបន្ទូល ហើយថាការពិត គឺជាការពិតប៉ុណ្ណោះ។ ពួកគេខ្វាក់! តើពួកគេមិនដឹងថា ខ្ញុំគឺជាព្រះជាម្ចាស់ផ្ទាល់ព្រះអង្គដែលស្មោះត្រង់ឬ? ពាក្យពេចន៍ និងការពិតរបស់ខ្ញុំកើតឡើងតំណាលគ្នា។ តើនេះមិនមែនជាករណីពិតទេឬ? មនុស្សគ្រាន់តែមិនយល់ពាក្យពេចន៍របស់ខ្ញុំប៉ុណ្ណោះ ហើយមានតែអស់អ្នកដែលត្រូវបានបំភ្លឺប៉ុណ្ណោះដែលអាចយល់យ៉ាងពិតប្រាកដ។ នេះជាការពិត។ នៅពេលដែលមនុស្សមើលឃើញពាក្យពេចន៍របស់ខ្ញុំ ពួកគេភ័យខ្លាចលោះព្រលឹង ហើយរត់យ៉ាងប្រញាប់ប្រញាល់ទៅគ្រប់ទីកន្លែងដើម្បីលាក់ពួន។ ករណីនេះកើតឡើងកាន់តែច្រើន នៅពេលដែលការជំនុំជម្រះរបស់ខ្ញុំមកដល់។ នៅពេលដែលខ្ញុំបានបង្កើតរបស់សព្វសារពើ នៅពេលដែលខ្ញុំបំផ្លាញពិភពលោក ហើយនៅពេលដែលខ្ញុំបង្កើតកូនប្រុសច្បងទាំងស្រុង គឺរឿងរ៉ាវទាំងអស់នេះត្រូវបានសម្រេចដោយពាក្យពេចន៍មួយម៉ាត់ចេញពីព្រះឱស្ឋរបស់ខ្ញុំ។ នេះគឺដោយសារតែពាក្យពេចន៍របស់ខ្ញុំផ្ទាល់ គឺជាសិទ្ធិអំណាច វាគឺជាការជំនុំជម្រះ។ អាចនិយាយបានថា ខ្ញុំគឺជាការជំនុំជម្រះ និងជាឫទ្ធានុភាព នេះគឺជាការពិតដែលមិនអាចកែប្រែបាន។ នេះគឺជាទិដ្ឋភាពមួយនៃបញ្ញត្តិរដ្ឋបាលរបស់ខ្ញុំ នេះគឺជាមធ្យោបាយតែមួយដែលខ្ញុំជំនុំជម្រះមនុស្ស។ នៅក្នុងព្រះនេត្ររបស់ខ្ញុំ អ្វីៗគ្រប់យ៉ាង រួមទាំងមនុស្សទាំងអស់ កិច្ចការទាំងអស់ និងរបស់សព្វសារពើ ស្ថិតនៅក្នុងព្រះហស្ដរបស់ខ្ញុំ និងស្ថិតនៅក្រោមការជំនុំជម្រះរបស់ខ្ញុំ។ គ្មាននរណាម្នាក់ ហើយគ្មានអ្វីមួយហ៊ានប្រព្រឹត្តយ៉ាងគគ្លើន ឬដោយចេតនាឡើយ ហើយគ្រប់យ៉ាងត្រូវតែបានសម្រេចទៅតាមពាក្យពេចន៍ដែលខ្ញុំនិយាយ។ ម្នាក់ៗជឿលើពាក្យពេចន៍របស់ខ្ញុំ ចេញពីសញ្ញាណមនុស្សដែលនៅខាងក្នុង។ នៅពេលដែលព្រះវិញ្ញាណរបស់ខ្ញុំបញ្ចេញព្រះសូរសៀង នោះម្នាក់ៗមានមន្ទិលសង្ស័យ។ មនុស្សគ្មានចំណេះដឹងអំពីសព្វានុភាពរបស់ខ្ញុំសូម្បីតែបន្តិច ហើយពួកគេថែមទាំងចោទប្រកាន់ប្រឆាំងនឹងខ្ញុំថែមទៀតផង។ ខ្ញុំប្រាប់អ្នកឥឡូវនេះ អ្នកណាដែលមានមន្ទិលសង្ស័យចំពោះពាក្យពេចន៍របស់ខ្ញុំ ហើយអ្នកណាដែលមើលងាយពាក្យពេចន៍របស់ខ្ញុំ គឺអ្នកទាំងនេះហើយដែលនឹងត្រូវបានបំផ្លាញ។ ពួកគេគឺជាកូនប្រុសនៃសេចក្តីវិនាសដែលគ្មានទីបញ្ចប់។ ចេញពីចំណុចនេះ យើងអាចមើលឃើញថា មានមនុស្សតិចណាស់ដែលជាបុត្រច្បង ព្រោះថា នេះជាវិធីដែលខ្ញុំធ្វើការ។ ដូចដែលខ្ញុំបាននិយាយពីមុនមក ខ្ញុំសម្រេចអ្វីៗគ្រប់យ៉ាងដោយមិនកម្រើកម្រាមព្រះហស្ដមួយផង ខ្ញុំគ្រាន់តែប្រើប្រាស់ពាក្យពេចន៍របស់ខ្ញុំប៉ុណ្ណោះ។ បន្ទាប់មក នេះគឺជាទីកន្លែងដែលសព្វានុភាពរបស់ខ្ញុំស្ថិតនៅ។ នៅក្នុងពាក្យពេចន៍របស់ខ្ញុំ គ្មាននរណាម្នាក់អាចស្វែងរកប្រភព និងគោលបំណងនៃអ្វីដែលខ្ញុំពាក្យពេចន៍និយាយនោះទេ។ មនុស្សមិនអាចសម្រេចបានកិច្ចការនេះទេ ហើយពួកគេអាចធ្វើសកម្មភាព ខណៈពេលដែលដើរតាមការដឹកនាំរបស់ខ្ញុំប៉ុណ្ណោះ ហើយធ្វើអ្វីៗទៅតាមបំណង របស់ខ្ញុំ ដោយផ្អែកលើសេចក្តីសុចរិតរបស់ខ្ញុំ ដែលបណ្តាលឲ្យគ្រួសាររបស់ខ្ញុំមានសេចក្តីសុចរិត និងសេចក្តីស្ងប់សុខ បណ្តាលឲ្យគ្រួសាររបស់ខ្ញុំរស់នៅជារៀងរហូត និងបណ្តាលឲ្យគ្រួសាររបស់ខ្ញុំរឹងមាំ ព្រមទាំងមិនរង្គោះរង្គើជានិច្ចនិរន្តរ៍។

ការជំនុំជម្រះរបស់ខ្ញុំធ្លាក់មកកាន់មនុស្សម្នាក់ៗ បញ្ញត្តិរដ្ឋបាលរបស់ខ្ញុំប៉ះពាល់មនុស្សម្នាក់ៗ ហើយពាក្យពេចន៍ និងអង្គរបស់ខ្ញុំ ត្រូវបានបើកសម្តែងដល់មនុស្សគ្រប់គ្នា។ នេះគឺជាពេលវេលាសម្រាប់កិច្ចការដ៏អស្ចារ្យនៃព្រះវិញ្ញាណរបស់ខ្ញុំ (នៅពេលនេះ អស់អ្នកដែលនឹងទទួលបានព្រះពរ និងអស់អ្នកដែលនឹងទទួលរងនូវជោគវាសនាអាក្រក់ ត្រូវបានញែកចេញពីគ្នា)។ នៅពេលដែលពាក្យពេចន៍របស់ខ្ញុំបញ្ចេញមក នោះខ្ញុំបានញែកអស់អ្នកដែលនឹងទទួលបានព្រះពរ ក៏ដូចជាអស់អ្នកដែលនឹងទទួលរងនូវជោគវាសនាអាក្រក់ហើយ។ ទាំងអស់នេះគឺភ្លឺច្បាស់ដូចត្បូង ហើយខ្ញុំអាចមើលឃើញវាទាំងអស់ក្នុងមួយប៉ប្រិចភ្នែក។ (ខ្ញុំកំពុងពាក្យពេចន៍និយាយបែបនេះទាក់ទងនឹងភាពជាមនុស្សរបស់ខ្ញុំ ដូច្នេះហើយ ពាក្យពេចន៍ទាំងនេះមិនផ្ទុយពីការកំណត់ និងការជ្រើសរើសរបស់ខ្ញុំនោះទេ)។ ខ្ញុំដើរឆ្លងកាត់ភ្នំ និងទន្លេ ហើយក្នុងចំណោមរបស់សព្វសារពើនៅទូទាំងលម្ហនៃសាកលលោក ដោយត្រួតពិនិត្យ និងបន្សុទ្ធទីកន្លែងនីមួយៗ ដើម្បីឲ្យទីកន្លែងដែលមិនស្អាត និងដែនដីដែលច្របូកច្របល់ទាំងអស់នោះលែងមានវត្តមានតទៅទៀត ហើយត្រូវបានដុតឲ្យវិនាសបាត់ទៅដោយសារពាក្យពេចន៍របស់ខ្ញុំ។ ចំពោះខ្ញុំ អ្វីៗគ្រប់យ៉ាងគឺងាយស្រួល។ ប្រសិនបើពេលនេះគឺជាពេលវេលាដែលខ្ញុំបានកំណត់សម្រាប់ការបំផ្លាញពិភពលោក នោះខ្ញុំអាចលេបវាដោយពាក្យ តែមួយម៉ាត់។ ទោះបីជាយ៉ាងណា ឥឡូវនេះមិនទាន់ដល់ពេលនោះទេ។ គ្រប់យ៉ាងត្រូវតែរួចរាល់មុនពេលដែលខ្ញុំនឹងធ្វើកិច្ចការនេះ ដើម្បីកុំឲ្យផែនការ និងការគ្រប់គ្រងរបស់ខ្ញុំត្រូវបានរំខាន។ ខ្ញុំជ្រាបដឹងពីវិធីដើម្បីធ្វើកិច្ចការនេះយ៉ាងសមហេតុផល៖ ខ្ញុំមាន ប្រាជ្ញា របស់ខ្ញុំ ហើយខ្ញុំមានការគ្រប់គ្រងផ្ទាល់របស់ខ្ញុំ។ មនុស្សមិនត្រូវកម្រើកម្រាមដៃមួយឡើយ ចូរប្រយ័ត្នកុំឲ្យស្លាប់ដោយសារព្រះហស្ដរបស់ខ្ញុំ។ ចំណុចនេះបានប៉ះពាល់បញ្ញត្តិរដ្ឋបាលរបស់ខ្ញុំរួចហើយ។ តាមរយៈការនេះ បុគ្គលម្នាក់អាចមើលឃើញភាពសាហាវនៃបញ្ញត្តិរដ្ឋបាលរបស់ខ្ញុំ ក៏ដូចជាគោលការណ៍នៅពីក្រោយបញ្ញត្តិទាំងនេះ ដែលមានពីរផ្នែក៖ មួយផ្នែក គឺខ្ញុំសម្លាប់អស់អ្នកដែលមិនស្របនឹងបំណង របស់ខ្ញុំ និងអ្នកដែលបំពាននឹងបញ្ញត្តិរដ្ឋបាលរបស់ខ្ញុំ។ មួយផ្នែកទៀត ក្នុងសេចក្តីក្រោធរបស់ខ្ញុំ ខ្ញុំដាក់បណ្តាសាអស់អ្នកដែលបំពានបញ្ញត្តិរដ្ឋបាលរបស់ខ្ញុំ។ ទិដ្ឋភាពទាំងពីរនេះ គឺមិនអាចជៀសវាងបានឡើយ ហើយជាគោលការណ៍ប្រតិបត្តិនៅពីក្រោយបញ្ញត្តិរដ្ឋបាលរបស់ខ្ញុំ។ មនុស្សម្នាក់ៗត្រូវបានដោះស្រាយទៅតាមគោលការណ៍ទាំងពីរនេះ ដោយគ្មានមនោសញ្ចេតនាឡើយ មិនថាបុគ្គលម្នាក់មានភក្តីភាពយ៉ាងណានោះទេ។ សេចក្តីនេះ គឺគ្រប់គ្រាន់ដើម្បីបង្ហាញពីសេចក្តីសុចរិតរបស់ខ្ញុំ ឫទ្ធានុភាពរបស់ខ្ញុំ និងសេចក្តីក្រោធរបស់ខ្ញុំ ដែលនឹងដុតបំផ្លាញវត្ថុនៃផែនដីទាំងអស់ វត្ថុនៃលោកិយទាំងអស់ និងរបស់សព្វសារពើដែលមិនស្របទៅតាមបំណង របស់ខ្ញុំ។ នៅក្នុងពាក្យពេចន៍របស់ខ្ញុំមានអាថ៌កំបាំងដែលនៅតែលាក់បាំងនៅឡើយ ហើយនៅក្នុងពាក្យពេចន៍របស់ខ្ញុំ ក៏មានអាថ៌កំបាំងដែលត្រូវបានបើកសម្តែងដែរ។ ដូច្នេះ ដោយផ្អែកតាមសញ្ញាណរបស់មនុស្ស និងនៅក្នុងចិត្តរបស់មនុស្ស នោះពាក្យពេចន៍របស់ខ្ញុំគឺមិនអាចយល់បានជារៀងរហូត ហើយចិត្ត របស់ខ្ញុំគឺមិនអាចវាស់ស្ទង់បានជារៀងរហូត។ មានន័យថា ខ្ញុំត្រូវតែយកមនុស្សចេញពីសញ្ញាណ និងការគិតរបស់ពួកគេ។ នេះគឺជាចំណុចសំខាន់បំផុតនៃផែនការគ្រប់គ្រងរបស់ខ្ញុំ។ ខ្ញុំត្រូវតែធ្វើវាតាមវិធីនេះ ដើម្បីទទួលបានកូនប្រុសច្បងរបស់ខ្ញុំ និងដើម្បីសម្រេចអ្វីៗដែលខ្ញុំសព្វព្រះហឫទ័យចង់ធ្វើ។

គ្រោះមហន្តរាយរបស់ពិភពលោកមានកំណើនកាន់តែច្រើនឡើងៗពីមួយថ្ងៃទៅមួយថ្ងៃ ហើយនៅក្នុងដំណាក់របស់ខ្ញុំ គ្រោះមហន្តរាយដ៏ចង្រៃមានកំណើនកាន់តែខ្លាំងក្លាជាងមុន។ មនុស្សពិតជាគ្មានកន្លែងដើម្បីលាក់ពួន គ្មានកន្លែងដើម្បីលាក់ខ្លួនឡើយ។ ដោយសារការផ្លាស់ប្តូរដែលកំពុងតែកើតឡើងនៅពេលនេះ នោះមនុស្សមិនស្គាល់ទីកន្លែងដែលពួកគេនឹងឈានជំហានបន្ទាប់របស់គេឡើយ។ ហេតុការណ៍នេះ នឹងក្លាយជាការពិតក្រោយពីការជំនុំជម្រះរបស់ខ្ញុំប៉ុណ្ណោះ។ ចូរចងចាំថា! ទាំងអស់នេះគឺជាជំហាននៃកិច្ចការរបស់ខ្ញុំ ហើយវាគឺជាវិធីដែលខ្ញុំធ្វើការ។ ខ្ញុំនឹងកម្សាន្តចិត្តកូនប្រុសច្បងរបស់ខ្ញុំទាំងអស់ម្នាក់ម្តងៗ ហើយលើកពួកគេឡើងមួយជំហានទៀតក្នុងពេលតែមួយ។ ចំពោះអ្នកស៊ីឈ្នួលវិញ ខ្ញុំនឹងលុបបំបាត់ និងបោះបង់ពួកគេទាំងអស់ម្តងម្នាក់ៗ។ នេះគឺជាផ្នែកមួយនៃផែនការគ្រប់គ្រងរបស់ខ្ញុំ។ បន្ទាប់ពីអ្នកស៊ីឈ្នួលទាំងអស់ត្រូវបានបើកសម្តែង នោះបុត្រច្បងរបស់ខ្ញុំក៏នឹងត្រូវបានបើកសម្តែងដែរ។ (ចំពោះខ្ញុំ កិច្ចការនេះពិតជាងាយស្រួលខ្លាំងណាស់។ បន្ទាប់ពីពួកគេស្តាប់ឮពាក្យពេចន៍របស់ខ្ញុំ នោះអ្នកស៊ីឈ្នួលទាំងអស់នឹងដកចេញពីមុខការជំនុំជម្រះរបស់ខ្ញុំ និងការគម្រាមកំហែងនៃពាក្យពេចន៍របស់ខ្ញុំ ហើយមានតែកូនប្រុសច្បងរបស់ខ្ញុំប៉ុណ្ណោះដែលស្ថិតនៅ។ នេះមិនមែនជាអ្វីមួយដែលជាការស្ម័គ្រចិត្ត ឬជាអ្វីមួយដែលបំណងរបស់មនុស្សអាចផ្លាស់ប្តូរបាននោះទេ។ ផ្ទុយទៅវិញ វាជា វិញ្ញាណរបស់ខ្ញុំដែលធ្វើការនៅក្នុងមនុស្ស)។ នេះមិនមែនជាហេតុការណ៍ដែលនៅឆ្ងាយនោះទេ ហើយក្នុងកម្រិតណាមួយ អ្នករាល់គ្នាគួរតែអាចដឹងចេញពីដំណាក់កាលនៃកិច្ចការរបស់ខ្ញុំនេះ និងចេញពីពាក្យពេចន៍របស់ខ្ញុំ។ ហេតុអ្វីបានជាខ្ញុំ និយាយច្រើនម៉្លេះ ខណៈពេលដែលធម្មជាតិដែលមិនអាចប៉ាន់ប្រមាណបាននៃសម្លេងរបស់ខ្ញុំ មិនអាចវាស់ស្ទង់បានចំពោះមនុស្ស។ ខ្ញុំនិយាយទៅកាន់កូនប្រុសច្បងរបស់ខ្ញុំ ដោយសម្លេងលួងលោម សេចក្ដីមេត្តាករុណា និងសេចក្តីស្រឡាញ់ (ដោយសារតែខ្ញុំតែងតែបំភ្លឺមនុស្សទាំងនេះ ហើយខ្ញុំនឹងមិនចាកចេញពីពួកគេឡើយ ព្រោះខ្ញុំបានកំណត់ពួកគេទុកជាមុនរួចហើយ) ខណៈពេលដែលខ្ញុំប្រព្រឹត្តចំពោះមនុស្សក្រៅពីកូនប្រុសច្បងរបស់ខ្ញុំដោយការជំនុំជម្រះដ៏ធ្ងន់ធ្ងរ ដោយការគម្រាមកំហែង និងដោយការសម្លុត ដែលធ្វើឲ្យពួកគេមានអារម្មណ៍ភ័យខ្លាចជានិច្ច ដល់ចំណុចដែលសរសៃប្រសាទរបស់ពួកគេធ្វើការឥតឈប់ឈរ។ នៅពេលដែលស្ថានភាពបានវិវឌ្ឍន៍ទៅដល់កម្រិតជាក់លាក់មួយ នោះពួកគេនឹងរត់គេចពីសភាពនេះ (នៅពេលដែលខ្ញុំបំផ្លាញពិភពលោក មនុស្សទាំងនេះនឹងនៅក្នុងជង្ហុកធំ) ប៉ុន្តែ ពួកគេនឹងមិនដែលរត់គេចផុតពីដៃនៃការជំនុំជម្រះរបស់ខ្ញុំ ឬរួចផុតពីស្ថានភាពនេះបានឡើយ។ បន្ទាប់មក នេះគឺជាការជំនុំជម្រះរបស់ពួកគេ នេះគឺជាការវាយផ្ចាលរបស់ពួកគេ។ នៅថ្ងៃដែលសាសន៍ដទៃមកដល់ នោះខ្ញុំនឹងបើកសម្តែងមនុស្សទាំងនេះម្នាក់ម្តងៗ។ ទាំងនេះគឺជាជំហាននៃកិច្ចការរបស់ខ្ញុំ។ ពេលនេះ តើអ្នករាល់គ្នាយល់ពីគោលបំណងនៅពីក្រោយសម្លេងខាងដើមនៃពាក្យពេចន៍របស់ខ្ញុំទាំងនោះឬទេ? តាមគំនិតរបស់ខ្ញុំ អ្វីមួយដែលមិនត្រូវបានបំពេញសម្រេច គឺជាអ្វីមួយដែលត្រូវបានបំពេញសម្រេច ប៉ុន្តែអ្វីមួយដែលត្រូវបានបំពេញសម្រេច មិនចាំបាច់តែជាអ្វីមួយដែលសម្រេចបាននោះទេ។ នេះដោយសារតែខ្ញុំមាន ប្រាជ្ញា និងវិធីធ្វើការរបស់ខ្ញុំ ដែលមនុស្សគ្រាន់តែមិនយល់ប៉ុណ្ណោះ។ នៅពេលដែលខ្ញុំសម្រេចបានលទ្ធផលជាមួយនឹងជំហាននេះ (នៅពេលដែលខ្ញុំបានបើកសម្ដែងមនុស្សអាក្រក់ទាំងអស់ដែលទាស់ទទឹងនឹងខ្ញុំ) នោះខ្ញុំនឹងចាប់ផ្តើមជំហានបន្ទាប់ ព្រោះថាបំណង របស់ខ្ញុំមិនត្រូវបានរារាំង និងគ្មាននរណាម្នាក់ហ៊ានរំខានផែនការគ្រប់គ្រងរបស់ខ្ញុំ ហើយគ្មានអ្វីហ៊ានបង្កឧបស័គ្គណាមួយបានឡើយ ពួកវាទាំងអស់ត្រូវតែបើកផ្លូវ! ឱកូនៗរបស់នាគដ៏ធំមានសម្បុរក្រហមអើយ ចូរស្តាប់ខ្ញុំ! ខ្ញុំដើរមកពីស៊ីយ៉ូន ហើយបានក្លាយជាសាច់ឈាមនៅក្នុងពិភពលោក ដើម្បីទទួលយកបុត្រច្បងរបស់ខ្ញុំ ដើម្បីធ្វើឲ្យឪពុករបស់អ្នករាល់គ្នាអាម៉ាស់មុខ (ពាក្យពេចន៍ទាំងនេះ សំដៅចំពោះកូនចៅរបស់នាគដ៏ធំមានសម្បុរក្រហម) ដើម្បីគាំទ្រកូនប្រុសច្បងរបស់ខ្ញុំ និងដើម្បីកែតម្រូវកំហុសឆ្គងដែលបានកើតឡើងចំពោះកូនប្រុសច្បងរបស់ខ្ញុំ។ ដូច្នេះហើយ មិនត្រូវសាហាវម្តងទៀតឡើយ ខ្ញុំនឹងឲ្យកូនប្រុសច្បងរបស់ខ្ញុំដោះស្រាយជាមួយអ្នករាល់គ្នា។ កាលពីអតីតកាល កូនប្រុសរបស់ខ្ញុំត្រូវបានគេចំអក និងជិះជាន់ ហើយដោយសារតែព្រះវរបិតាកាន់កាប់ព្រះចេស្ដាជំនួសកូនប្រុសរបស់ទ្រង់ នោះបុត្ររបស់ខ្ញុំត្រូវតែវិលត្រឡប់មករកការឱបក្រសោបដ៏គួរឲ្យស្រឡាញ់របស់ខ្ញុំ លែងត្រូវបានគេចំអក និងលែងត្រូវបានគេជិះជាន់តទៅទៀតហើយ។ ខ្ញុំសុចរិត ដែលនេះបង្ហាញអំពីភាពសុចរិតរបស់ខ្ញុំ ហើយសេចក្តីសុចរិតនេះពិតជា «កំពុងតែស្រឡាញ់អស់អ្នកដែលខ្ញុំស្រឡាញ់ ហើយកំពុងតែស្អប់អស់អ្នកដែលខ្ញុំស្អប់»។ ប្រសិនបើអ្នកនិយាយថា ខ្ញុំមិនសុចរិត នោះអ្នករាល់គ្នាគួរតែប្រញាប់ ហើយចាកចេញទៅ។ មិនត្រូវឥតអៀនខ្មាស ហើយចាំតែជំហមនៅក្នុងដំណាក់របស់ខ្ញុំឡើយ។ អ្នកគួរតែវិលត្រឡប់ទៅផ្ទះរបស់អ្នកជាប្រញាប់ ដើម្បីកុំឲ្យខ្ញុំឃើញមុខអ្នកតទៅទៀត។ ជង្ហុកដ៏ធំគឺជាវាសនារបស់អ្នករាល់គ្នា ហើយជាកន្លែងដែលអ្នករាល់គ្នានឹងសម្រាក។ ប្រសិនបើអ្នកនៅក្នុងដំណាក់របស់ខ្ញុំ នោះនឹងគ្មានទីកន្លែងសម្រាប់អ្នករាល់គ្នាឡើយ ព្រោះថា អ្នករាល់គ្នាគឺជាសត្វតិរច្ឆាននៃបន្ទុក អ្នកគឺជាឧបករណ៍ដែលខ្ញុំប្រើប្រាស់។ នៅពេលដែលខ្ញុំលែងត្រូវការប្រើអ្នកតទៅទៀត នោះខ្ញុំត្រូវតែបោះអ្នករាល់គ្នាទៅក្នុងភ្លើងដើម្បីដុតបញ្ឆេះអ្នក។ នេះគឺជាបញ្ញត្តិរដ្ឋបាលរបស់ខ្ញុំ។ ខ្ញុំត្រូវតែធ្វើរបៀបនេះ ហើយមានតែតាមវិធីនេះទេ ដែលបង្ហាញអំពីវិធីដែលខ្ញុំធ្វើការ និងបើកសម្ដែងអំពីភាពសុចរិត និងឫទ្ធានុភាពរបស់ខ្ញុំ។ សំខាន់ជាងនេះទៅទៀត មានតែតាមវិធីនេះប៉ុណ្ណោះ ដែលកូនប្រុសច្បងរបស់ខ្ញុំនឹងត្រូវបានអនុញ្ញាតឲ្យគ្រប់គ្រងដោយព្រះចេស្ដាជាមួយខ្ញុំ។

ខាង​ដើម៖ ជំពូកទី ១០២

បន្ទាប់៖ ជំពូកទី ១០៤

តើយើងគួរអធិស្ឋានយ៉ាងដូចម្ដេច ដើម្បីឲ្យព្រះជាម្ចាស់ទ្រង់សណ្ដាប់? សូមទាក់ទងមកកាន់យើងខ្ញុំ ដើម្បីស្វែងរកដំណោះស្រាយ។

ខ្លឹមសារ​ពាក់ព័ន្ធ

អំពីបទពិសោធន៍

តាមរយៈបទពិសោធន៍របស់ពេត្រុស គាត់បានឆ្លងកាត់ ការល្បងលរាប់រយដងមកហើយ។ បើទោះបីជាមនុស្សសព្វថ្ងៃ នេះដឹងអំពីពាក្យថា «ការល្បងល» ក៏ពួកគេនៅតែយល់ច្រឡំ...

យកចិត្តទុកដាក់បន្ថែមលើតថភាព

មនុស្សគ្រប់រូបអាចក្លាយជាមនុស្សគ្រប់លក្ខណ៍ដោយសារព្រះជាម្ចាស់ ដូច្នេះហើយ គ្រប់គ្នាគួរតែយល់ថា ការបម្រើព្រះបែបណាសមស្របបំផុតនឹងព្រះហឫទ័យទ្រង់។...

ការកំណត់

  • អត្ថបទ
  • ប្រធានបទ

ពណ៌​ដិតច្បាស់

ប្រធានបទ

ប្រភេទ​អក្សរ

ទំហំ​អក្សរ

ចម្លោះ​បន្ទាត់

ចម្លោះ​បន្ទាត់

ប្រវែងទទឹង​ទំព័រ

មាតិកា

ស្វែងរក

  • ស្វែង​រក​អត្ថបទ​នេះ
  • ស្វែង​រក​សៀវភៅ​នេះ