ជំពូកទី ៦

ព្រះដ៏មានគ្រប់ព្រះចេស្ដា ជាសិរសានៃរបស់សព្វសារពើ កាន់កាប់អំណាចជាស្ដេចរបស់ទ្រង់ចេញពីបល្ល័ង្ករបស់ទ្រង់។ ទ្រង់ត្រួតត្រាលើពិភពលោក និងរបស់សព្វសារពើ ហើយទ្រង់កំពុងតែដឹកនាំពួកយើងនៅលើផែនដីទាំងមូល។ ពួកយើងនឹងនៅឱ្យជិតទ្រង់គ្រប់ពេលវេលា ហើយមកចំពោះព្រះភ័ក្រ្ដរបស់ទ្រង់ដោយភាពស្ងៀមស្ងាត់ មិនឱ្យខកខានសូម្បីតែមួយពេលឡើយ ហើយជាមួយនឹងមេរៀនសម្រាប់ពួកយើងរៀនគ្រប់ពេលវេលា។ គ្រប់យ៉ាង ចាប់ពីបរិស្ថានជុំវិញ រហូតដល់មនុស្ស កិច្ចការ និងអ្វីៗ គឺទាំងអស់នេះកើតមានដោយការអនុញ្ញាតនៃបល្ល័ង្ករបស់ទ្រង់។ ទោះស្ថិតក្នុងកាលៈទេសៈណាក៏ដោយ ចូរកុំឱ្យសេចក្ដីទុក្ខសោកកើតឡើងនៅក្នុងចិត្តរបស់អ្នកឱ្យសោះ បើមិនដូច្នោះទេ ព្រះជាម្ចាស់នឹងមិនប្រទានព្រះគុណរបស់ទ្រង់ដល់អ្នកឡើយ។ នៅពេលដែលមានជំងឺកើតឡើង នេះគឺជាសេចក្ដីស្រឡាញ់របស់ព្រះជាម្ចាស់ ហើយច្បាស់ណាស់ថា បំណងព្រះហឫទ័យដ៏សប្បុរសរបស់ទ្រង់ គឺមាននៅក្នុងសេចក្ដីស្រឡាញ់នោះ។ ទោះបីជារូបកាយរបស់អ្នកអាចឆ្លងកាត់ការឈឺចាប់បន្តិចក៏ដោយ ក៏រូបកាយនេះមិនរីករាយនឹងយោបល់ពីសាតាំងដែរ។ ចូរសរសើរតម្កើងព្រះជាម្ចាស់ទោះកំពុងស្ថិតក្នុងស្ថានភាពមានជំងឺ ហើយរីករាយនឹងព្រះជាម្ចាស់នៅក្នុងការសរសើរតម្កើង។ ចូរកុំបាក់ទឹកចិត្តនៅពេលមានជំងឺឡើយ ចូរបន្តស្វែងរកម្ដងហើយម្ដងទៀត និងចូរកុំបោះបង់ ហើយព្រះជាម្ចាស់នឹងស្រាយបំភ្លឺអ្នកដោយពន្លឺរបស់ទ្រង់។ តើសេចក្ដីជំនឿរបស់យ៉ូបមានលក្ខណៈដូចម្ដេច? ព្រះដ៏មានគ្រប់ព្រះចេស្ដា គឺជាគ្រូពេទ្យដ៏មានអំណាចគ្រប់យ៉ាង! ដើម្បីរស់នៅក្នុងជំងឺគឺត្រូវតែឈឺ ប៉ុន្តែដើម្បីរស់នៅក្នុងវិញ្ញាណ គឺត្រូវមានសុខភាពល្អ។ ដូច្នេះ ដរាបណាអ្នកនៅសល់មួយដង្ហើម នោះព្រះជាម្ចាស់នឹងមិនឱ្យអ្នកស្លាប់ឡើយ។

នៅក្នុងខ្លួនរបស់ពួកយើង ពួកយើងមានជីវិតដែលរស់ឡើងវិញរបស់ព្រះគ្រីស្ទ។ ជារឿងដែលមិនអាចប្រកែកបាន នោះគឺពួកយើង ខ្វះសេចក្ដីជំនឿនៅក្នុងវត្តមានរបស់ព្រះជាម្ចាស់៖ ដោយហេតុនោះ ព្រះជាម្ចាស់នឹងដាក់សេចក្ដីជំនឿដ៏ពិតនៅក្នុងពួកយើង។ ពិតជាផ្អែមមែន ព្រះបន្ទូលរបស់ព្រះជាម្ចាស់! ព្រះបន្ទូលរបស់ព្រះជាម្ចាស់ គឺជាឱសថដ៏មានអានុភាព! វាធ្វើឱ្យសាតាំងអាម៉ាស់! ការយល់ព្រះបន្ទូលរបស់ព្រះជាម្ចាស់ ផ្ដល់ឱ្យយើងនូវជំនួយ។ ព្រះបន្ទូលរបស់ទ្រង់ធ្វើសកម្មភាពយ៉ាងឆាប់រហ័ស ដើម្បីសង្គ្រោះចិត្តរបស់យើង! វាកំចាត់របស់សព្វសារពើ ហើយធ្វើឱ្យគ្រប់យ៉ាងមានសន្តិភាព។ សេចក្ដីជំនឿប្រៀបបាននឹងស្ពានដ៏វែងមួយ៖ អ្នកណាដែលជាប់ស្អិតនឹងជីវិតយ៉ាងឥតបានការ នឹងមានការលំបាកក្នុងការឆ្លងកាត់វា ប៉ុន្តែអ្នកណាដែលត្រៀមខ្លួនរួចរាល់ក្នុងការបូជាខ្លួន អាចឆ្លងកាត់ មានជំហររឹងមាំ និងមិនមានការព្រួយបារម្ភឡើយ។ ប្រសិនបើមនុស្សមានគំនិតភ័យខ្លាច និងកំសាក គឺដោយសារតែសាតាំងបានបំភាន់ពួកគេ ដោយខ្លាចថាពួកយើងនឹងឆ្លងស្ពាននៃសេចក្ដីជំនឿចូលទៅក្នុងព្រះជាម្ចាស់។ សាតាំងកំពុងតែព្យាយាមតាមគ្រប់មធ្យោបាយដើម្បីបញ្ជូនគំនិតរបស់វាមកកាន់ពួកយើង។ ពួកយើងគួរតែអធិស្ឋានទៅរកព្រះជាម្ចាស់គ្រប់ពេលវេលា ដើម្បីស្រាយបំភ្លឺពួកយើងដោយពន្លឺរបស់ទ្រង់ ចូរពឹងផ្អែកលើព្រះជាម្ចាស់គ្រប់ពេលវេលា ដើម្បីកម្ចាត់ពិសរបស់សាតាំងចេញពីក្នុងពួកយើង គ្រប់ពេលវេលា ចូរអនុវត្តនៅក្នុងវិញ្ញាណរបស់ពួកយើង អំពីវិធីដើម្បីចូលទៅជិតព្រះជាម្ចាស់ ហើយឱ្យព្រះជាម្ចាស់គ្រប់គ្រងលើភាវៈទាំងមូលរបស់យើង។

ខាង​ដើម៖ ជំពូកទី ៥

បន្ទាប់៖ ជំពូកទី ៧

តើយើងគួរអធិស្ឋានយ៉ាងដូចម្ដេច ដើម្បីឲ្យព្រះជាម្ចាស់ទ្រង់សណ្ដាប់? សូមទាក់ទងមកកាន់យើងខ្ញុំ ដើម្បីស្វែងរកដំណោះស្រាយ។

ខ្លឹមសារ​ពាក់ព័ន្ធ

យកចិត្តទុកដាក់បន្ថែមលើតថភាព

មនុស្សគ្រប់រូបអាចក្លាយជាមនុស្សគ្រប់លក្ខណ៍ដោយសារព្រះជាម្ចាស់ ដូច្នេះហើយ គ្រប់គ្នាគួរតែយល់ថា ការបម្រើព្រះបែបណាសមស្របបំផុតនឹងព្រះហឫទ័យទ្រង់។...

អ្នកគួរតែស្ដាប់បង្គាប់ព្រះជាម្ចាស់ នៅក្នុងជំនឿដែលអ្នកជឿដល់ទ្រង់

ហេតុអ្វីបានជាអ្នកជឿលើព្រះជាម្ចាស់? មនុស្សភាគច្រើនត្រូវស្រឡាំង កាំង ដោយសារតែសំណួរនេះ។ ពួកគេតែងតែមានទស្សនៈពីរផ្ទុយគ្នាស្រឡះអំពីព្រះដ៏សកម្ម...

អំពីបទពិសោធន៍

តាមរយៈបទពិសោធន៍របស់ពេត្រុស គាត់បានឆ្លងកាត់ ការល្បងលរាប់រយដងមកហើយ។ បើទោះបីជាមនុស្សសព្វថ្ងៃ នេះដឹងអំពីពាក្យថា «ការល្បងល» ក៏ពួកគេនៅតែយល់ច្រឡំ...

ការកំណត់

  • អត្ថបទ
  • ប្រធានបទ

ពណ៌​ដិតច្បាស់

ប្រធានបទ

ប្រភេទ​អក្សរ

ទំហំ​អក្សរ

ចម្លោះ​បន្ទាត់

ចម្លោះ​បន្ទាត់

ប្រវែងទទឹង​ទំព័រ

មាតិកា

ស្វែងរក

  • ស្វែង​រក​អត្ថបទ​នេះ
  • ស្វែង​រក​សៀវភៅ​នេះ