ជំពូកទី ៦៤

ឯងមិនត្រូវយល់ពាក្យរបស់អញ តាមរបៀបបញ្ឆិតបញ្ឆៀង និងភាន់ច្រឡំនោះទេ។ ឯងគួរតែយល់ពាក្យទាំងនោះពីគ្រប់ទិដ្ឋភាពទាំងអស់ ហើយព្យាយាមវាស់វែងវាបន្ថែមទៀត ព្រមទាំងពិភាក្សាអំពីវាម្តងហើយម្តងទៀត មិនមែនត្រឹមតែមួយថ្ងៃ ឬមួយយប់ប៉ុណ្ណោះទេ។ ឯងមិនដឹងថាតើព្រះហឫទ័យរបស់អញនឹងស្ថិតនៅត្រង់ណា ឬថាតើអញបានបង់ថ្លៃដោយការទ្រាំទ្រដ៏លំបាក ក្នុងទិដ្ឋភាពបែបណានោះទេ តើឯងអាចបង្ហាញការយកចិត្តទុកដាក់ចំពោះព្រះហឫទ័យរបស់អញយ៉ាងដូចម្តេចទៅ? នេះហើយជារបៀបរបស់ឯងរាល់គ្នា—គឺឯងរាល់គ្នាគ្មានសមត្ថភាពក្នុងការរុករកទៅក្នុងសេចក្ដីលំអិតទេ ឯងរាល់គ្នាផ្តោតទៅលើតែផ្នែកខាងក្រៅ ហើយមានសមត្ថភាពត្រឹមតែត្រាប់តាមប៉ុណ្ណោះ។ តើចំណុចនេះអាចឲ្យគេហៅថាសម្ថភាពខាងវិញ្ញាណយ៉ាងដូចម្តេចបាន? វាគ្រាន់តែជាការសាទររបស់មនុស្សប៉ុណ្ណោះ។ វាគឺជាអ្វីដែលអញមិនសរសើរឡើយ ហើយលើសពីនេះទៅទៀត វាក៏ជាអ្វីដែលខ្ញុំស្អប់ខ្ពើមដែរ។ អញនិយាយរឿងនេះទៅកាន់ឯង៖ អ្វីៗទាំងអស់ដែលអញស្អប់បំផុតត្រូវតែលុបបំបាត់ចោល ត្រូវតែត្រឡប់ទៅជាខ្សោយនៅក្នុងសេចក្ដីភិតភ័យ ហើយត្រូវតែចុះចូលនឹងការដុតកម្លោច និងការជំនុំជម្រះរបស់អញ។ បើមិនដូច្នោះទេ មនុស្សនឹងមិនដឹងថាការដែលគួរឲ្យភ័យខ្លាចមានន័យអ្វីនោះទេ ហើយគេនឹងទៅជាខ្វះសីលធម៌ គឺគេតែងតែមើលអញ ដោយភ្នែកមនុស្ស -ពួកគេល្ងង់ណាស់! វិធីល្អបំផុតដើម្បីកំចាត់ខ្លួនឯងរាល់គ្នាពីគំនិតរបស់សាតាំង គឺត្រូវតែនៅជិតអញ ហើយប្រាស្រ័យទាក់ទងជាមួយអញ។ អញចង់ឲ្យឯងរាល់គ្នាអនុវត្តតាមក្បួននេះ ដើម្បីឲ្យឯងអាចចៀសផុតពីការជំនុំជម្រះ និងការឈឺចាប់នៅក្នុងជីវិត។

មនុស្សលោកពិបាកដោះស្រាយណាស់ គឺគេតែងតែស្ថិតនៅក្រោមការគ្រប់គ្រងរបស់មនុស្សខាងក្រៅព្រឹត្តិការណ៍ និងរឿងរ៉ាវផ្សេងៗ ព្រមទាំងសញ្ញាណផ្ទាល់ខ្លួនរបស់ពួកគេ។ ជាលទ្ធផល ពួកគេមិនអាចធ្វើជាទីបន្ទាល់ល្អសម្រាប់អញបានទេ ហើយក៏មិនអាចសហការជាមួយអញឲ្យបានល្អបានដែរ។ អញតែងតែគាំទ្រ និងចម្រើនឯងរាល់គ្នាជានិច្ច តែឯងរាល់គ្នាគ្រាន់តែមិនអាចធ្វើអស់ពីសមត្ថភាពរបស់ឯង ដើម្បីសហការជាមួយអញប៉ុណ្ណោះ។ ការទាំងអស់នេះបង្ហាញយ៉ាងច្បាស់ពីការខ្វះការយល់ដឹងរបស់ឯងចំពោះអញ។ នៅពេលដែលពេលកំណត់មកដល់ គឺនៅពេលដែលឯងលែងមានការសង្ស័យអំពីអញទាល់តែសោះ នោះគ្មានអ្នកណាម្នាក់អាចរារាំងឯងពីការដើរតាមផ្លូវពិតបានទេ ហើយក៏គ្មានសញ្ញាណរបស់មនុស្សណាម្នាក់អាចគ្រប់គ្រងលើឯងបានដែរ។ ហេតុអ្វីបានជាអញមានបន្ទូលដូច្នេះ? តើឯងពិតជាយល់អត្ថន័យនៃបន្ទូលរបស់អញទេ? ឯងរាល់គ្នាទទួលបានការយល់ដឹងបន្តិចបន្តួច តែពេលណាដែលអញបញ្ជាក់ពាក្យដូច្នេះប៉ុណ្ណោះ។ មនុស្សពិតជាល្ងង់ខ្លៅ ហើយខ្សោយគំនិតណាស់។ ពួកគេចាប់ផ្តើមមានអារម្មណ៍ឈឺបន្តិចបន្តួច តែពេលណាដែលម្ជុលមុតដល់ឆ្អឹងប៉ុណ្ណោះ។ នោះគឺថា ឯងព្រមជឿទាំងស្រុង តែពេលណាដែលបន្ទូលរបស់អញចង្អុលបង្ហាញពីប្រភពនៃជំងឺរបស់ឯងប៉ុណ្ណោះ។ ទោះបីជាយ៉ាងនេះក្តី ក៏នៅពេលខ្លះ ឯងរាល់គ្នានៅតែគ្មានបំណងអនុវត្តនូវបន្ទូលរបស់អញ ឬក៏ស្គាល់ខ្លួនឯងដែរ។ នៅត្រង់ចំណុចនេះ ហេតុអ្វីបានជាឯងរាល់គ្នានៅតែមិនទាន់យល់ថាតើមនុស្សមានការលំបាកយ៉ាងណា ក្នុងការដោះស្រាយជាមួយនោះ? តើបន្ទូលរបស់អញមិនច្បាស់លាស់ល្មមទេឬអី? អ្វីដែលអញចង់បាននោះគឺដើម្បីឲ្យឯងរាល់គ្នាបានសហការជាមួយអញដោយអស់ពីចិត្ត និងដោយស្មោះត្រង់។ មិនថាឯងនិយាយពាក្យល្អ ឬក៏អត់នោះទេ ដរាបណាឯងព្រមសហការជាមួយអញ ហើយអាចថ្វាយបង្គំអញដោយស្មោះត្រង់ នោះឯងនឹងស្ថិតនៅក្រោមការការពាររបស់អញ។ ទោះបីមនុស្សប្រភេទនេះល្ងង់ខ្លៅយ៉ាងណាក៏ដោយ អញនឹងបំភ្លឺពួកគេ ដើម្បីឲ្យពួកគេបោះបង់ចោលភាពល្ងង់ខ្លៅរបស់ខ្លួន។ នេះក៏ព្រោះតែកិច្ចការរបស់អញ ចាំបាច់ត្រូវតែស្របនឹងបន្ទូលរបស់អញ។ អញជាព្រះដ៏មានគ្រប់ព្រះចេស្ដា គឺជាព្រះដែលមិនដែលសន្យាហើយ មិនអាចរក្សាសន្យានោះទេ។

អញនឹងបង្ហាញព្រះហឫទ័យរបស់អញភ្លាមៗ ដល់បណ្ដាក្រុមជំនុំ និងកូនច្បងទាំងអស់ ហើយនឹងគ្មានអ្វីត្រូវបានលាក់បាំងទៀតឡើយ ដ្បិតថ្ងៃដែលអ្វីៗទាំងអស់ត្រូវបានបើកសម្ដែង បានមកដល់ហើយ។ នោះគឺថា ចាប់ពីពេលនេះតទៅ ពាក្យថា «លាក់បាំង» មិនត្រូវបានប្រើទៀតឡើយ ហើយក៏មិនចាំបាច់និយាយថា នៅតែមានអ្វីលាក់បាំងទៀតដែរ។ អស់ទាំងមនុស្ស អស់ទាំងព្រឹត្តិការណ៍ និងអ្វីៗដែលលាក់បាំង ប្រាកដជាត្រូវបានលាតត្រដាងម្តងមួយៗ។ អញជាព្រះដែលមានប្រាជ្ញា ជាព្រះដែលក្តោបក្ដាប់សិទ្ធិអំណាចពេញលេញ។ ព្រឹត្តិការណ៍ទាំងអស់ រឿងរ៉ាវទាំងអស់ និងមនុស្សគ្រប់រូបត្រូវបានកាន់នៅក្នុងដៃរបស់អញ។ អញបោះជំហានរបស់អញ ដើម្បីលាតត្រដាងពីពួកគេ ហើយអញនឹងលាតត្រដាងពីពួកគេម្នាក់ៗ ម្ដងមួយៗ តាមលំដាប់លំដោយ។ ចំពោះអ្នកដែលហ៊ានបញ្ជោរអញ ឬព្យាយាមលាក់បាំងអ្វីមួយពីអញ អញធានាថាពួកគេនឹងមិនបានក្រោកឡើងវិញឡើយ។ អញនឹងចាត់វិធានការតាមរបៀបនេះ ដើម្បីឲ្យឯងរាល់គ្នាបានឃើញជាភស្ដុតាង។ ចូរមើលឲ្យច្បាស់! តម្លៃដោយការទ្រាំទ្រដ៏លំបាកដែលអញបានបង់ គឺមិនឥតប្រយោជន៍ទេ។ វានឹងបង្កើតផលផ្លែ។ អ្នកណាក៏ដោយដែលមិនយកចិត្តទុកដាក់ ឬស្តាប់តាម អ្នកនោះនឹងជួបការជំនុំជម្រះរបស់អញភ្លាមៗ។ តើអ្នកណានៅតែហ៊ានទាស់ប្រឆាំងនឹងអញ? ឯងទាំងអស់គ្នាត្រូវតែស្ដាប់បង្គាប់អញ។ អញសូមប្រាប់ឯងថា អ្វីៗទាំងអស់ដែលអញនិយាយនិងធ្វើ ហើយគ្រប់ទាំងសកម្មភាព គំនិត ការរិះគិត និងការរចនាដែលអញមាននៅសព្វថ្ងៃនេះ គឺសុទ្ធតែត្រឹមត្រូវទាំងអស់។ វាពិតជាធ្វើឲ្យមនុស្សគ្មានកន្លែងណាត្រូវពិចារណាទៀតឡើយ។ ហេតុអ្វីបានជាអញនិយាយទៅកាន់ឯងរាល់គ្នាម្តងហើយម្តងទៀតថា អ្វីដែលឯងត្រូវធ្វើនោះ គឺត្រូវតែធ្វើតាម ហើយថាមិនចាំបាច់គិតអ្វីច្រើននោះទេ? វាគឺសម្រាប់ហេតុផលនេះឯង។ តើឯងនៅតែត្រូវការឲ្យអញបញ្ជាក់ពីវាទៀតឬអី?

សញ្ញាណរបស់ឯងរាល់គ្នាមានឥទ្ធិពលលើឯងរាល់គ្នា តែឯងរាល់គ្នាមិនគិតថាការនេះ គឺមកពីឯងរាល់គ្នាមិនបានខិតខំប្រឹងប្រែងឲ្យបានគ្រប់គ្រាន់នោះទេ។ ផ្ទុយទៅវិញ ឯងមើលមកអញ ដើម្បីរកមូលហេតុ ដោយថាអញមិនបានបំភ្លឺឯងទេ។ តើការនិយាយបែបនេះមានន័យថាម៉េច? ឯងរាល់គ្នាផ្ទាល់មិនចេះទទួលខុសត្រូវ ហើយតែងតែរអ៊ូរទាំដាក់អញ។ អញកំពុងតែដាស់តឿនឯង! ប្រសិនបើឯងបន្តធ្វើបែបនេះទៀត ដោយនៅតែមិនបង់ថ្លៃអ្វីសោះ នោះឯងនឹងត្រូវបោះចោល! អញមិនមានបន្ទូលអួតអាងពេញមួយថ្ងៃ ដើម្បីបំភិតបំភ័យឯងរាល់គ្នានោះទេ។ នេះជាការពិត៖ អញធ្វើអ្វីដែលអញនិយាយ។ ដរាបណាមានបន្ទូលចេញពីព្រះឱស្ឋរបស់អញ បន្ទូលទាំងនោះចាប់ផ្តើមបំពេញឲ្យសម្រេចភ្លាមៗ។ ពីមុន ពាក្យដែលអញនិយាយត្រូវបានបំពេញឲ្យសម្រេចយឺតៗ។ ប៉ុន្ដែឥឡូវនេះ អ្វីៗគឺខុសគ្នា ហើយលែងកើតឡើងយឺតៗទៀតហើយ។ ដើម្បីឲ្យវាកាន់តែច្បាស់ អញលែងរុញ ឬលួងលោមទៀតហើយ។ ផ្ទុយទៅវិញ អញជំរុញ និងបង្ខំឯងរាល់គ្នាឲ្យទៅតាម។ និយាយឲ្យច្បាស់ជាងនេះទៅទៀត អ្នកដែលអាចយល់បាននឹងធ្វើដូច្នេះ រីឯអ្នកដែលមិនអាចយល់បាន និងអ្នកដែលមិនអាចបន្តទៅមុខទៀតបាន នឹងត្រូវបានលុបបំបាត់ចោល។ អញធ្លាប់ព្យាយាមនិយាយនឹងឯងរាល់គ្នា ដោយអត់ធ្មត់ តាមគ្រប់មធ្យោបាយដែលអាចធ្វើទៅបាន ប៉ុន្តែឯងរាល់គ្នាពិតជាមិនស្តាប់តាមឡើយ។ ឥឡូវនេះ ការនេះបានបន្តរហូតមកដល់ដំណាក់កាលនេះ តើឯងរាល់គ្នានឹងធ្វើអ្វី? តើឯងពិតជានឹងបន្តបណ្ដោយខ្លួនទៀតមែនទេ? មនុស្សបែបនេះមិនអាចត្រូវបានប្រទានឲ្យគ្រប់លក្ខណ៍បានទេ គឺគេនឹងត្រូវបានអញលុបបំបាត់ចោល!

ខាង​ដើម៖ ជំពូកទី ៦៣

បន្ទាប់៖ ជំពូកទី ៧២

តើយើងគួរអធិស្ឋានយ៉ាងដូចម្ដេច ដើម្បីឲ្យព្រះជាម្ចាស់ទ្រង់សណ្ដាប់? សូមទាក់ទងមកកាន់យើងខ្ញុំ ដើម្បីស្វែងរកដំណោះស្រាយ។
សូមទាក់ទងមកកាន់យើងខ្ញុំ
សូមទាក់ទងមកកាន់យើងខ្ញុំ តាមរយៈMessenger

ខ្លឹមសារ​ពាក់ព័ន្ធ

យកចិត្តទុកដាក់បន្ថែមលើតថភាព

មនុស្សគ្រប់រូបអាចក្លាយជាមនុស្សគ្រប់លក្ខណ៍ដោយសារព្រះជាម្ចាស់ ដូច្នេះហើយ គ្រប់គ្នាគួរតែយល់ថា ការបម្រើព្រះបែបណាសមស្របបំផុតនឹងព្រះហឫទ័យទ្រង់។...

អំពីបទពិសោធន៍

តាមរយៈបទពិសោធន៍របស់លោកពេត្រុស គាត់បានឆ្លងកាត់ ការល្បងលរាប់រយដងមកហើយ។ បើទោះបីជាមនុស្សសព្វថ្ងៃ នេះដឹងអំពីពាក្យថា “ការល្បងល”...

ការកំណត់

  • អត្ថបទ
  • ប្រធានបទ

ពណ៌​ដិតច្បាស់

ប្រធានបទ

ប្រភេទ​អក្សរ

ទំហំ​អក្សរ

ចម្លោះ​បន្ទាត់

ចម្លោះ​បន្ទាត់

ប្រវែងទទឹង​ទំព័រ

មាតិកា

ស្វែងរក

  • ស្វែង​រក​អត្ថបទ​នេះ
  • ស្វែង​រក​សៀវភៅ​នេះ