ជំពូកទី ៣៨

វាមិនស្ថិតលើសេចក្តីជំនឿរបស់ឯងល្អ ឬបរិសុទ្ធនោះទេ ប៉ុន្តែវាស្ថិតលើកិច្ចការដ៏អស្ចារ្យរបស់អញទេតើ! អ្វីៗគ្រប់យ៉ាងបណ្តាលមកពីការអាណិតអាសូររបស់អញ! ឯងមិនត្រូវមាននិស្ស័យនៃភាពអាត្មានិយម ឬភាពក្រអឺតក្រទមដែលពុករលួយ សូម្បីតែបន្តិចឡើយ បើមិនដូច្នោះទេ អញនឹងមិនកែខៃឯងឡើយ។ ឯងត្រូវយល់ឲ្យច្បាស់ថា ទោះបីជាមនុស្សដួលរលំ ឬឈររឹងមាំក៏ដោយ វាមិនមែនដោយសារតែពួកវាឡើយ វាកើតឡើងដោយសារតែអញ។ គ្រានេះ ប្រសិនបើឯងមិនយល់ច្បាស់ពីដំណាក់កាលនេះទេ ឯងនឹងបរាជ័យក្នុងការចូលទៅនគរស្ថានសួគ៍ជាក់ជាមិនខាន។ ឯងត្រូវយល់ថា អ្វីដែលសម្រេចបាននៅថ្ងៃនេះ គឺជាកិច្ចការដ៏អស្ចារ្យរបស់ព្រះជាម្ចាស់ វាមិនមានអ្វីទាក់ទងទៅនឹងមនុស្សសោះឡើយ។ តើសកម្មភាពរបស់មនុស្សរាប់បញ្ចូលអ្វីខ្លះ? នៅពេលដែលពួកវាមិនមានភាពអាត្មានិយម ក្រអឺតក្រទម និងអំនួត នៅពេលពួកវាកំពុងរំខានដល់ការគ្រប់គ្រងរបស់ព្រះជាម្ចាស់ និងបំផ្លាញផែនការរបស់ទ្រង់។ ឱពួកមនុស្សខូចអាក្រក់អើយ! ឯងត្រូវតែមកពឹងផ្អែកលើអញនៅថ្ងៃនេះ បើឯងមិនធ្វើដូច្នោះទេ នៅថ្ងៃនេះ អញនឹងប្រាប់ឯងថា ឯងនឹងមិនសម្រេចបានអ្វីឡើយ! អ្វីៗទាំងអស់នឹងឥតប្រយោជន៍ ហើយកិច្ចការរបស់ឯងនឹងក្លាយជាឥតបានការ!

មិនត្រូវធ្វើលេងៗ ឬស្ទាក់ស្ទើរឡើយ នៅគ្រានេះ ពួកវាម្នាក់ៗដែលស្រឡាញ់អញត្រូវមានកិច្ចការដ៏អស្ចារ្យរបស់អញយកមកតាមខ្លួន។ អញមិនត្រូវការពួកដែលមិនដាក់ខ្លួនឡើយ ហើយគ្រានេះ អញត្រូវការតែពួកដែលដាក់ខ្លួនយ៉ាងយកចិត្តទុកដាក់ប៉ុណ្ណោះ។ អញនឹងបើកចំហយ៉ាងពេញលេញចំពោះពួកឯងដែលស្រឡាញ់អញដោយចិត្តស្មោះត្រង់ ពួកដែលត្រូវគេមើលងាយ ព្រមទាំងពួកដែលបើកចំហខ្លួនវាយ៉ាងពេញលេញចំពោះអញប៉ុណ្ណោះ។ អញនឹងឲ្យឯងយល់ពីបំណងរបស់អញ ហើយនៅគ្រប់ពេល ឯងនឹងនៅចំពោះមុខអញ ទទួលបានការឲ្យពរពីអញ។ អញនឹងមិនធ្វើបាបជាដាច់ខាត ចំពោះពួកដែលលះបង់សម្រាប់អញនៅថ្ងៃនេះ ពួកដែលបន់ស្រន់អញនៅថ្ងៃនេះ និងពួកដែលរែកអំរែកឲ្យអញនៅថ្ងៃនេះ—ដូច្នេះ សេចក្តីសុចរិតរបស់អញត្រូវបានបង្ហាញ។ ហាមត្អូញត្អែរពីអញ ព្រះគុណរបស់អញគឺគ្រប់គ្រាន់សម្រាប់ឯងរាល់គ្នាហើយ។ ឯងអាចមក ហើយទទួលយកវាបាន ដើម្បីឲ្យឯងអាចភ្លក់រសជាតិផ្អែមដែលគ្មានអ្វីអាចផ្ទឹមបាន។ វាមិនមែនត្រឹមតែបង្កើតសេចក្តីស្រឡាញ់សម្រាប់អញចំពោះឯងប៉ុណ្ណោះទេ ប៉ុន្តែវាក៏នឹងធ្វើឲ្យក្តីស្រឡាញ់របស់ឯងកាន់តែមានភាពស៊ីជម្រៅផងដែរ។

កិច្ចការរបស់អញអនុវត្តឡើងជាដំណាក់ៗ ហើយវាគឺជាការងារដែលមិនមានភាពខ្ជីខ្ជា ឬច្របូកច្របល់ជាដាច់ខាត។ ដើម្បីធ្វើតាមអញ ឯងរាល់គ្នាត្រូវតែធ្វើអ្វីៗតាមរបៀបនេះ។ ចូរមើលអាកប្បកិរិយារបស់អញ ហើយរៀនពីអញ្ តាមរបៀបនេះ ប្រសិនបើឯងដើរតាមជំហានរបស់អញ នោះឯងនឹងត្រូវបើកបង្ហាញឱ្យឃើញពីនគរស្ថានសួគ៌។ ចូរស្រែកសាទរជាមួយនឹងសំឡេងតែមួយ! កូនៗរបស់អញ! កិច្ចការរបស់ព្រះជាម្ចាស់នឹងត្រូវបានសម្រេចអាស្រ័យលើឯងរាល់គ្នា អាស្រ័យលើក្រុមមនុស្សនេះ។ តើឯងមិនមានអារម្មណ៍ថាទទួលបានពរទេឬ?

វាពិតជាលំបាកក្នុងការវាស់ស្ទង់! អញបាននាំឯងរាល់គ្នាមកទីនេះ នៅគ្រានេះ ដើម្បីឲ្យឯងរាល់គ្នាអាចមើលឃើញពីកិច្ចការដ៏អស្ចារ្យរបស់អញ!

ខាង​ដើម៖ ជំពូកទី ២៦

បន្ទាប់៖ ជំពូកទី ៤៦

តើយើងគួរអធិស្ឋានយ៉ាងដូចម្ដេច ដើម្បីឲ្យព្រះជាម្ចាស់ទ្រង់សណ្ដាប់? សូមទាក់ទងមកកាន់យើងខ្ញុំ ដើម្បីស្វែងរកដំណោះស្រាយ។
សូមទាក់ទងមកកាន់យើងខ្ញុំ
សូមទាក់ទងមកកាន់យើងខ្ញុំ តាមរយៈMessenger

ខ្លឹមសារ​ពាក់ព័ន្ធ

តើកិច្ចការរបស់ព្រះជាម្ចាស់ ងាយស្រួលដូចមនុស្សគិតដែរឬទេ?

ក្នុងនាមជាអ្នកជឿលើព្រះជាម្ចាស់ ម្នាក់ៗក្នុងចំណោមអ្នករាល់គ្នាគួរតែលើកសរសើរអំពីរបៀបដែលអ្នករាល់គ្នាបានទទួលការលើកតម្កើង...

យកចិត្តទុកដាក់បន្ថែមលើតថភាព

មនុស្សគ្រប់រូបអាចក្លាយជាមនុស្សគ្រប់លក្ខណ៍ដោយសារព្រះជាម្ចាស់ ដូច្នេះហើយ គ្រប់គ្នាគួរតែយល់ថា ការបម្រើព្រះបែបណាសមស្របបំផុតនឹងព្រះហឫទ័យទ្រង់។...

ការកំណត់

  • អត្ថបទ
  • ប្រធានបទ

ពណ៌​ដិតច្បាស់

ប្រធានបទ

ប្រភេទ​អក្សរ

ទំហំ​អក្សរ

ចម្លោះ​បន្ទាត់

ចម្លោះ​បន្ទាត់

ប្រវែងទទឹង​ទំព័រ

មាតិកា

ស្វែងរក

  • ស្វែង​រក​អត្ថបទ​នេះ
  • ស្វែង​រក​សៀវភៅ​នេះ