ជំពូកទី ២២

ការគោរពជឿលើព្រះជាម្ចាស់មិនមែនរឿងងាយស្រួលធ្វើឡើយ។ ឯងសម្រេចទៅបានទាំងត្រដរ ទាំងបរិភោគគ្រប់យ៉ាង ហើយគិតថា វាគួរឲ្យចាប់អារម្មណ៍ណាស់ មានឱជារសណាស់! មានអ្នកខ្លះនៅតែទះដៃសាទរ - ពួកគេមិនមានការស្គាស់ខុសត្រូវក្នុងវិញ្ញាណរបស់គេឡើយ។ នេះគឺជាបទពិសោធន៍មួយដែលសមនឹងការរៀបរាប់យ៉ាងហ្មត់ចត់របស់ឯងរាល់គ្នា។ នៅថ្ងៃចុងក្រោយ វិញ្ញាណគ្រប់ប្រភេទបានចេញមកបំពេញតាមតួនាទីរបស់ពួកគេ ដោយប្រឆាំងទាស់នឹងភាពចម្រើននៃបុត្ររបស់ព្រះជាម្ចាស់ និងចូលរួមក្នុងការបំផ្លាញក្រុមជុំនុំ។ ប្រសិនបើឯងទទួលយករឿងស្រាលៗនេះ ហើយផ្តល់ឱកាសដល់សាតាំងដើម្បីធ្វើកិច្ចការ វានឹងធ្វើឲ្យមានភាពរញ៉េរញ៉ៃនៃក្រុមជុំនុំ នឹងធ្វើឲ្យមនុស្សភ័យស្លន់ស្លោ និងមានអារម្មណ៍អស់សង្ឃឹម ហើយក្នុងករណីធ្ងន់ធ្ងរ ចក្ខុវិស័យរបស់មនុស្សលោកនឹងរលាយបាត់។ ដូច្នេះតម្លៃនៃការស៊ូទ្រាំលំបាកដែលអញបានចំណាយអស់រយៈពេលជាច្រើនឆ្នាំ នឹងត្រូវបាត់បង់។

ក្នុងរយៈពេលដែលក្រុមជុំនុំត្រូវបានបង្កើតឡើង ក៏ជាពេលវេលាដែលសាតាំងឈានដល់ទីខ្ពស់បំផុតនៃការវង្វេងស្មារតីរបស់វាដែរ។ ជារឿយៗសាតាំងបានធ្វើឲ្យមានការរំខាន និងការជ្រៀតជ្រែកតាមរយៈមនុស្សពីរបីនាក់ ហើយវាគឺជាអ្នកដែលមិនស្គាល់វិញ្ញាណ និងអ្នកទាំងនោះដែលជាអ្នកជឿថ្មីដែលអាចដើរតួនាទីរបស់សាតាំងបានយ៉ាងងាយស្រួលបំផុត។ ជារឿយៗ ដោយសារតែមនុស្សមិនយល់ពីកិច្ចការរបស់ព្រះវិញ្ញាណបរិសុទ្ធ ពួកគេធ្វើសកម្មភាពតាមអំពើចិត្ត ដោយផ្អែកតាមចំណង់ចំណូលចិត្តផ្ទាល់ខ្លួនរបស់ពួកគេទាំងស្រុង របៀបនៃការធ្វើការរបស់ពួកគេ និងការយល់ដឹងផ្ទាល់ខ្លួនរបស់ពួកគេ។ ចូរទប់អណ្តាតរបស់ឯង — នេះគឺសម្រាប់ការការពារផ្ទាល់ខ្លួនរបស់ឯង។ ចូរស្តាប់ហើយគោរពឲ្យបានល្អ។ ក្រុមជុំនុំគឺខុសពីសង្គម។ ឯងមិនអាចនិយាយអ្វីដែលឯងចង់បាននោះទេ។ ឯងមិនអាចនិយាយអ្វីដែលឯងគិតនោះទេ។ នោះនឹងមិនប្រព្រឹត្តនៅទីនេះឡើយ ព្រោះនេះគឺជាដំណាក់របស់ព្រះជាម្ចាស់។ ព្រះអង្គមិនទទួលយកការប្រព្រឹត្ដរបស់មនុស្សឡើយ។ ឯងត្រូវតែធ្វើអ្វីដោយអនុវត្តតាមព្រះវិញ្ញាណ ឯងត្រូវតែរស់នៅស្របតាមព្រះបន្ទូលរបស់ព្រះជាម្ចាស់ ហើយបន្ទាប់មកអ្នកផ្សេងនឹងកោតសរសើរដល់ឯង។ ដំបូងឯងត្រូវតែដោះស្រាយរាល់ការលំបាកទាំងអស់នៅក្នុងខ្លួនឯងដោយជឿជាក់លើព្រះជាម្ចាស់។ ចូរបញ្ចប់ឥរិយាបថអន់ថយរបស់ឯង និងអាចយល់ពីស្ថានភាពពិតផ្ទាល់ខ្លួនរបស់ឯង និងដឹងពីរបៀបដែលឯងគួរធ្វើ បន្តទាក់ទងនឹងអ្វីដែលឯងមិនយល់។ វាមិនអាចទទួលយកបានទេសម្រាប់មនុស្សម្នាក់ដែលមិនស្គាល់ខ្លួនឯងផងនោះ។ សូមព្យាបាលជម្ងឺរបស់ឯងជាមុនសិន ហើយបរិភោគ និងផឹកព្រះបន្ទូលរបស់អញឲ្យបានញឹកញាប់ និងសញ្ជឹងគិតពីពួកគេ ចូររស់នៅក្នុងជីវិតរបស់ឯង ហើយប្រព្រឹត្តិអំពើរបស់ឯងដោយផ្អែកលើព្រះបន្ទូលរបស់  អញ។ មិនថាឯងនៅផ្ទះ ឬកន្លែងផ្សេងទៀត ឯងគួរតែអនុញ្ញាតឲ្យព្រះជាម្ចាស់ប្រើអំណាចនៅក្នុងខ្លួនឯង។ ចូរបោះចោលសាច់ឈាម និងជីវភាពរស់នៅតាមធម្មជាតិ។ ចូរអនុញ្ញាតឲ្យព្រះបន្ទូលរបស់ព្រះជាម្ចាស់មានឥទ្ធិពលលើឯងជានិច្ច។ មិនចាំបាច់ព្រួយបារម្ភថា ជីវិតរបស់ឯងមិនផ្លាស់ប្តូរទេ ជាមួយនឹងពេលវេលា ឯងនឹងមានអារម្មណ៍ថាឥរិយាបថរបស់ឯងបានផ្លាស់ប្តូរច្រើន។ ពីមុនឯងចង់ធ្វើជាមនុស្សខ្ពង់ខ្ពស់ ឯងមិនគោរពតាមនរណាម្នាក់ ហើយមានមហិច្ឆិតាកែខ្លួនឯង ឬមានអំនួត — ទាំងនេះជាអ្វីដែលឯងនឹងត្រូវបំបាត់ចោលជាបណ្តើរៗហើយ។ ប្រសិនបើឯងចង់បោះចោលពួកវាឥឡូវនេះមិនអាចទៅរួចទេ! នេះគឺដោយសារតែខ្លួនឯងផ្ទាល់នឹងមិនអនុញ្ញាតឲ្យអ្នកដទៃប៉ះវាទេ ដូច្នេះឫសគល់របស់វាជ្រៅណាស់។ ដូច្នេះឯងត្រូវខិតខំប្រឹងប្រែង ត្រូវគោរពដោយវិជ្ជមាន ហើយសកម្មនឹងកិច្ចការនៃព្រះវិញ្ញាណបរិសុទ្ធ ប្រើឆន្ទៈរបស់ឯងដើម្បីសហការជាមួយព្រះជាម្ចាស់ ហើយមានឆន្ទៈអនុវត្តតាមព្រះបន្ទូលរបស់អញ។  ប្រសិនបើឯងប្រព្រឹត្ដអំពើបាប នោះព្រះជាម្ចាស់នឹងដាក់វិន័យឯង។ នៅពេលដែលឯងត្រលប់មករកការយល់ដឹងបន្ទាប់មក អ្វីៗទាំងអស់នឹងមាននៅក្នុងខ្លួនឯង។ ប្រសិនបើឯងនិយាយដោយមិនរើសមុខ នោះឯងនឹងទទួលបានវិន័យភ្លាមៗនៅក្នុងខ្លួនឯង។ ឯងឃើញថាព្រះជាម្ចាស់មិនសព្វព្រះហឫទ័យនឹងរបស់ទាំងនេះទេ ដូច្នេះបើឯងឈប់ភ្លាម ឯងនឹងមានភាពសុខសាន្តក្នុងចិត្ត។ មានអ្នកជឿថ្មីខ្លះដែលមិនយល់ពីអារម្មណ៍នៃជីវិតឬរបៀបរស់នៅក្នុងអារម្មណ៍ទាំងនោះ។ ពេលខ្លះឯងងឿងឆ្ងល់ ទោះបីឯងមិនបាននិយាយអ្វីសោះ ហេតុអ្វីបានជាឯងមានអារម្មណ៍មិនស្រួលនៅក្នុងខ្លួន? នៅគ្រានោះវាគឺជាគំនិត និងចិត្តរបស់ឯងដែលគួរឲ្យស្ញប់ស្ញែង។ ពេលខ្លះឯងមានជម្រើសផ្ទាល់ខ្លួនរបស់ឯង គំនិត និងយោបល់ផ្ទាល់ខ្លួនរបស់ឯង ពេលខ្លះឯងចាត់ទុកអ្នកដទៃជាមនុស្សទាបជាងឯង ពេលខ្លះឯងធ្វើខ្លួនជាអាត្មានិយមដោយខ្លួនឯង ហើយមិនអធិស្ឋាន ឬពិនិត្យមើលខ្លួនឯង។ នេះជាមូលហេតុដែលឯងមានអារម្មណ៍មិនស្រួលនៅខាងក្នុងខ្លួន។ ប្រហែលជាឯងដឹងថា បញ្ហាជាអ្វី ដូច្នេះសូមហៅរកព្រះនាមរបស់ព្រះជាម្ចាស់ក្នុងដួងចិត្តរបស់ឯងដោយចូលទៅជិតព្រះជាម្ចាស់ នោះឯងនឹងជាឡើង វិញ។ នៅពេលដែលបេះដូងរបស់ឯងប្រែជាច្របូកច្របល់ និងមិនស្រួល ឯងនឹងមិនត្រូវគិតថា ព្រះជាម្ចាស់គឺកំពុងតែអនុញ្ញាតឲ្យឯងនិយាយ។ អ្នកជឿថ្មីគួរតែយកចិត្តទុកដាក់ជាពិសេសក្នុងការគោរពតាមព្រះជាម្ចាស់។ អារម្មណ៍ដែលព្រះជាម្ចាស់ដាក់នៅខាងក្នុងខ្លួនមនុស្សគឺ ភាពសុខសាន្ត ភាពអំណរ ភាពច្បាស់លាស់ និងភាពប្រាកដប្រជា។ ជារឿយៗមានមនុស្សដែលមិនយល់ ដែលនឹងធ្វើឲ្យមានភាពរញ៉េរញ៉ៃ និងធ្វើសកម្មភាពតាមតែអំពើចិត្ត — ទាំងអស់នេះគឺជាការរំខាន។ ចូរយកចិត្តទុកដាក់ចំពោះបញ្ហានេះ។ ប្រសិនបើឯងងាយនឹងកើតជម្ងឺនេះ ឯងគួរតែប្រើ “ថ្នាំបង្ការ” ដើម្បីព្យាបាលវា។ បើមិនដូច្នោះទេ ឯងនឹងបង្កើតការរំខានហើយព្រះជាម្ចាស់នឹងវាយប្រដៅឯង។ ចូរកុំធ្វើជាមនុស្សស្វ័យសុចរិត ឆ្លៀតយកចំណុចខ្លាំងរបស់អ្នកដទៃដើម្បីទូទាត់ភាពខ្វះខាតរបស់ឯង ចូរមើលរបៀបដែលអ្នកដទៃរស់នៅតាមព្រះបន្ទូលរបស់ព្រះជាម្ចាស់ ហើយមើលថា តើជីវិត សកម្មភាព និងការនិយាយរបស់ពួកគេសមនឹងការត្រាប់តាមដែរឬទេ។ ប្រសិនបើឯងចាត់ទុកអ្នកដទៃទាបជាងឯង ឯងគឺជាមនុស្សស្វ័យសុចរិត មានអំនួត ហើយមិនមានប្រយោជន៍ដល់នរណាម្នាក់ឡើយ។ អ្វីដែលសំខាន់នៅពេលនេះគឺផ្តោតសំខាន់ទៅលើជីវិត បរិភោគ និងផឹកព្រះបន្ទូលរបស់អញឲ្យបានច្រើន ដកបទពិសោធន៍ពីព្រះបន្ទូលរបស់អញ ស្គាល់ពីព្រះបន្ទូលរបស់អញ និងធ្វើឲ្យព្រះបន្ទូលរបស់អញក្លាយជាជីវិតរបស់ឯង — ទាំងនេះគឺសុទ្ធតែជារឿងសំខាន់។ ប្រសិនបើនរណាម្នាក់មិនអាចរស់នៅតាមព្រះបន្ទូលរបស់ព្រះជាម្ចាស់បានទេ តើជីវិតរបស់ពួកគេអាចពេញវ័យបានទេ? ទេវាមិនអាចទេ។ ឯងត្រូវតែរស់នៅដោយព្រះបន្ទូលរបស់អញគ្រប់ពេលវេលា និងមានព្រះបន្ទូលរបស់អញ ជាក្រមសីលធម៌សម្រាប់ជីវិត ដូច្នេះឯងនឹងមានអារម្មណ៍ថាការធ្វើតាមក្រមនោះគឺជាអ្វីដែលព្រះជាម្ចាស់រីករាយព្រះទ័យ ហើយការធ្វើអ្វីៗផ្សេងទៀត គឺជាអ្វីដែលព្រះជាម្ចាស់ស្អប់ ហើយបន្តិចម្តងៗ ឯងនឹងដើរលើផ្លូវត្រូវ។ ឯងត្រូវតែយល់ពីអ្វីដែលកើតចេញមកពីព្រះជាម្ចាស់ និងអ្វីដែលកើតចេញមកពីសាតាំង។ អ្វីដែលកើតចេញមកពីព្រះជាម្ចាស់បានផ្តល់ឲ្យឯងនូវនិមិត្តកាន់តែច្បាស់ និងនាំឲ្យចូលកាន់តែជិតព្រះជាម្ចាស់ ឯងចែករំលែកក្តីស្រឡាញ់ដ៏ស្មោះស្ម័គ្រជាមួយបងប្អូនប្រុសស្រីរបស់ឯង ឯងមានសមត្ថភាពបង្ហាញការយកចិត្តទុកដាក់ចំពោះបន្ទុករបស់ព្រះជាម្ចាស់ ហើយមានចិត្តស្រឡាញ់ព្រះជាម្ចាស់ដែលមិនចេះសាបសូន្យឡើយ។ មានផ្លូវមួយសម្រាប់ឲ្យឯងដើរ។ អ្វីដែលមកពីសាតាំងធ្វើឲ្យនិមិត្តបាត់បង់ទៅជាមួយឯង និងធ្វើឱ្យឯងបាត់បង់អ្វីៗទាំងអស់ដែលឯងមានពីមុន ឯងបានឃ្លាតឆ្ងាយពីព្រះជាម្ចាស់ ឯងមិនមានក្តីស្រឡាញ់បងប្អូនប្រុសស្រីរបស់ឯង ហើយឯងនឹងមានចិត្តពោរពេញទៅដោយការស្អប់។ ឯងក្លាយជាមនុស្សអស់សង្ឃឹម ឯងលែងមានបំណងចង់រស់នៅជាក្រុមជុំនុំ ហើយចិត្តដែលស្រឡាញ់ព្រះជាម្ចាស់របស់ឯងមិនមានទៀតទេ។ នេះជាកិច្ចការរបស់សាតាំង ហើយវាក៏ជាលទ្ធផលនៃកិច្ចការរបស់ពួកវិញ្ញាណអាក្រក់ផងដែរ។

ឥឡូវនេះគឺជាពេលវេលាដ៏សំខាន់មួយ។ ឯងត្រូវតែស្ថិតនៅក្នុងមុខតំណែងរបស់ឯងរហូតដល់ការផ្លាស់ប្តូរចុងក្រោយរបស់ឯង ចូរបញ្ចេញភ្នែកនៃវិញ្ញាណរបស់ឯងដើម្បីបែងចែកភាពល្អ និងអាក្រក់ និងដាក់ការខិតខំប្រឹងប្រែងរបស់ឯងរាល់គ្នាក្នុងការកសាងក្រុមជុំនុំ។ លុបបំបាត់ចោលភាពខ្វះចន្លោះរបស់សាតាំង ការរំខានខាងសាសនា និងកិច្ចការរបស់ពួកវិញ្ញាណអាក្រក់។ ចូរធ្វើឲ្យក្រុមជុំនុំបរិសុទ្ធ ចូរធ្វើឲ្យបំណងរបស់អញត្រូវបានអនុវត្ត ដោយគ្មានការគ្រោងទុក ហើយពិតប្រាកដក្នុងរយៈពេលដ៏ខ្លីនេះ មុនពេលមានគ្រោះមហន្តរាយ អញនឹងធ្វើឲ្យឯងរាល់គ្នាបញ្ចប់ឲ្យបានលឿនតាមដែលអាចធ្វើទៅបាន ហើយនាំឯងរាល់គ្នាឲ្យមានភាពរុងរឿង។

ខាង​ដើម៖ ជំពូកទី ២១

បន្ទាប់៖ ជំពូកទី ២៦

តើយើងគួរអធិស្ឋានយ៉ាងដូចម្ដេច ដើម្បីឲ្យព្រះជាម្ចាស់ទ្រង់សណ្ដាប់? សូមទាក់ទងមកកាន់យើងខ្ញុំ ដើម្បីស្វែងរកដំណោះស្រាយ។
សូមទាក់ទងមកកាន់យើងខ្ញុំ
សូមទាក់ទងមកកាន់យើងខ្ញុំ តាមរយៈMessenger

ខ្លឹមសារ​ពាក់ព័ន្ធ

អ្នកគួរតែស្ដាប់បង្គាប់ព្រះជាម្ចាស់ នៅក្នុងជំនឿដែលអ្នកជឿដល់ទ្រង់

ហេតុអ្វីបានជាអ្នកជឿលើព្រះជាម្ចាស់? មនុស្សភាគច្រើនត្រូវស្រឡាំង កាំង ដោយសារតែសំណួរនេះ។ ពួកគេតែងតែមានទស្សនៈពីរផ្ទុយគ្នាស្រឡះអំពីព្រះដ៏សកម្ម...

តើអ្នកជឿគួរប្រកាន់យកទស្សនៈអ្វី

តើមនុស្សលោកបានទទួលអ្វីចាប់តាំងពីពួកគេចាប់ផ្តើមជឿដំបូងលើព្រះជាម្ចាស់? តើអ្នកបានដឹងអ្វីខ្លះពីព្រះជាម្ចាស់? ដោយសារជំនឿរបស់អ្នកលើព្រះជាម្ចាស់...

យកចិត្តទុកដាក់បន្ថែមលើតថភាព

មនុស្សគ្រប់រូបអាចក្លាយជាមនុស្សគ្រប់លក្ខណ៍ដោយសារព្រះជាម្ចាស់ ដូច្នេះហើយ គ្រប់គ្នាគួរតែយល់ថា ការបម្រើព្រះបែបណាសមស្របបំផុតនឹងព្រះហឫទ័យទ្រង់។...

ការកំណត់

  • អត្ថបទ
  • ប្រធានបទ

ពណ៌​ដិតច្បាស់

ប្រធានបទ

ប្រភេទ​អក្សរ

ទំហំ​អក្សរ

ចម្លោះ​បន្ទាត់

ចម្លោះ​បន្ទាត់

ប្រវែងទទឹង​ទំព័រ

មាតិកា

ស្វែងរក

  • ស្វែង​រក​អត្ថបទ​នេះ
  • ស្វែង​រក​សៀវភៅ​នេះ